MASMUR 12 - BIBEL JAMITA NA DENGGAN

Tangiang mangido pangurupion

¹ Tolong ma, ale Tuhan, angke nada adong be halak na marhabiaran, halak na burju mangoloi Ho maol niluluan.

² Sude do halahi, marsigabusan, manipu dohot angka hata na tabo tu parbinegean.

³ Antak ma hata ni pangalancap, ale Tuhan, pahohom ma parpamangan na bidang.

⁴ Didok halahi do, “Markuaso do hami marhite dilanami; tarbaen hami mangkatai sagiotnami, jana nada adong tarbaen na mangambati!”

⁵ Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

⁶ Togu do janji ni Tuhan jana tarpangasahon, songon sere na polin na diuji di bagasan api.

^7-8 Sun tu dia halak na jahat mardalani, parohon mara tu sude jolma i. Tapi ale Tuhan, Ho ma mangondingi, anso sonang hami sian hajungkatan ni halahi.