MASMUR 113 - BIBEL JAMITA NA DENGGAN

Pujian di hadengganan ni Tuhan

¹ O hamu angka naposo ni Tuhan, puji hamu ma Tuhan!

² Tarbarita ma baenon goarNia, saonnari ro di salolot-lolotna.

³ Angkon pujion do goar ni Tuhan, mamungka sian Habincaran lopus tu Hasundutan.

⁴ Markuaso do Tuhan maradopkon bangso sudena, hamuliaonNia manyalpui angka langit.

⁵ Ise ma na songon Tuhan Debatanta? Di inganan na gincat do Ia marhabangsa.

⁶ Tapi manatap do Ia tu toru, paligi-ligi sandok na nitompaNa.

⁷ Diangkat Ia halak na pogos sian abuan, dohot halak na malarat sian bustak.

⁸ Dipajuguk Ia halahi rap dohot angka parkuaso, rap dohot na mora-mora sian bangsonia i.

⁹ Tu ina na so maruntungan dilehen Ia dakdanak, dibaen Ia do i gabe ina na martua. Puji ma Tuhan!