MASMUR 11 - BIBEL JAMITA NA DENGGAN

Tuhan do parondinganta

¹ Tu Tuhan i do au maronding-onding; nada parguna adong mandok tu au, “Palua ma dirimu songon unggas na habang tu dolok adu.”

² Angke halak na jahat manyintak sior lalu pamasukkon anakna. Di na golap ia marmetar tu halak na bulus marroha.

³ Muda sursar aturan ni masarakat aha be tarpatupa halak na burju roha.

⁴ Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

⁵ Diuji Tuhan i do halak na denggan dohot sibaen hajahatan; halak na mangasahon hagogoon sai dihagigihon Ia.

⁶ Tu halak na jahat diparo do udan api dohot barerang, diuhum Ia halahi dohot haba-haba na manutung lopus marragean.

⁷ Angke tigor do Tuhan, dihalunguni Ia do halak na mambaen hatigoran. Halak na tigor, diida jana ditanda halahi do Tuhan.