ESTER 10 - BIBEL JAMITA NA DENGGAN

Hagodangan ni si Ahasweros dohot si Mordehai

¹ Dipamasa Raja Ahasweros ma marrodi, nada hum tu rayat na adong di topi ni laut di harajaannia i, tapi dohot do di angka luat parbagasan dipaksa markarejo.

² Sude pambaenannia na godang jana na jebu i songon i muse barita salaho tu pangangkatnia di si Mordehai gabe pagawe tinggi sudena, tarsurat do i di bagasan Buku Sejarah Ni Angka Raja-raja ni Persia dohot Media.

³ Hot do si Mordehai halak Jahudi i maniop jabatan partimbo di toru ni Raja Ahasweros sandiri. Dipasangap jana dihalomohon roha ni angka dongan sabangsonia do si Mordehai. Manggogo do ia patongonkon haluaan dohot hasonangan ni bangsonia maradu sude pomparan ni halahi.