BILANGAN 2 - BIBEL JAMITA NA DENGGAN

Inganan ni ganop marga di bagasan parbandaran

¹ Dilehen Tuhan dope angka paraturan tu si Musa dohot si Harun songon on:

² “Di hatiha pajongjongkon parbandaran halak Israel, ganop halak angkon marbandar di toru ni manderana be dohot tanda ni margana sandiri. Sude parbandaran i dipajongjong humaliang Bandar ParmiananKu.”

^3-9 Sabola sian Habincaran, i ma angka na di toru ni mandera parsadaan ni Juda, angkon marbandar mangihutkon tentara dohot pamimpinna be songon na nisusun di toru on: MARGA PAMIMPIN BAHATNA Juda Nahason anak ni si Aminadab 74.600 Isakar Natanael anak ni si Zuar 54.400 Zebulon Eliab anak ni si Helon 57.400 Sudena: 186.400 Rombongan ni Juda angkon mardalan di jolo.

MARGA PAMIMPIN BAHATNA

^10-16 Sabola Selatan, i ma angka na di toru ni mandera parsadaan ni Ruben, angkon marbandar mangihutkon tentara dohot pamimpinna be songon na nisusun di toru on: MARGA PAMIMPIN BAHATNA Ruben Elisur anak ni si Sedeur 46.500 Simeon Selumiel anak ni si Zurisiadai 59.300 Gad Eliasap anak ni si Rehuel 45.650 Sudena: 151.450 Rombongan ni si Ruben mardalan paduahon.

MARGA PAMIMPIN BAHATNA

¹⁷ Dung mardalan rombongan na dua i, mardalan ma Marga Levi maroban Bandar Parmianan Ni Tuhan. Ganop rombongan mardalan mangihutkon susunan songon hatiha marbandar, ganop di ingananna be di toru ni mandera parsadaanna.

^18-24 Sabola Hasundutan, halahi angka na di toru ni mandera ni Efraim, marbandar mangihutkon tentara dohot pamimpinna, songon on ma susunanna: MARGA PAMIMPIN BAHATNA Efraim Elisama anak ni si Amihud 40.500 Manase Gamaliel anak ni si Pedasur 32.200 Benyamin Abidan anak ni si Gideoni 35.400 Sudena: 108.100 Rombongan ni Efraim angkon mardalan di pudi ni Marga Levi.

MARGA PAMIMPIN BAHATNA

^25-31 Sabola sian Utara angka na di toru ni mandera parsadaan ni Dan, marbandar mangihutkon tentara dohot pamimpinna, songon on ma: MARGA PAMIMPIN BAHATNA Dan Ahieser anak ni si Amisadai 62.700 Aser Pagiel anak ni si Okran 41.500 Naftali Ahira anak ni si Enan 53.400 Sudena: 157.600 Rombongan ni Dan na mardalan di pudi.

MARGA PAMIMPIN BAHATNA

³² Bahat ni sude halak Israel na dung tardaftar i di bagasan rombongan ni tentarana be 603.550 halak.

³³ Songon na dung diparentahon ni Tuhan tu si Musa, anggo halak Levi nada pola masuk daftar rap dohot halak Israel na asing i.

³⁴ Sude na niparentahon ni Tuhan i tu si Musa, dipatulus halak Israel do. Ganop halahi marbandar di toru ni manderana, jana mardalan halahi mar sasamarga.