Samu 130 - Anatunya Buku Baepole Ole Testamene Pii Lapo dee Nuu TesameneNyisinya Lao Ateŋa Doko 1 Namba randa sepala kata mende see napyasa panya saka napala Kamongo emba kee leto. 2 Namba ee lao karo doko Kamongo embame sakape. Nyisapili lao kyakale leto doko kaleyukupala sepe. 3 Embame namwana koo dupwa peparae bukunya pyao reteeli apimi kumungi renge doko wanjiyalisi? 4 Doko daa ingilyamo dokona embame nyuo kame sakarenepa namwa embame lasarene lao suu suu pyao karamanale. 5 Namba Kamongome banya pii dokona letamodoko kinyi lao sepala nyisaramo dokona wangu lakapala isaro karo. 6 Yuu isingi akalimi yuu yangena lao isaro karelyaminyipape nambame Kamongo doko epena lao isaro karapu doko mee mende andarele ingilyamo. 7 Nakama Isaraele wambu dupwame Kamongome nakama mona reto karalu karapala baa yuu peparae nyisalana rae maipala nyiso karamo dokona nakama Kamongo Anatu baa keta pyamalyuo karalapape. 8 Baame banya Isaraele wambu dupwa nakamana koo dupwana nenge rekya lao nyera. |
The Shorter Old Testament and the New Testament in Kyaka Enga © Bible Society of Papua New Guinea, 1987.
Bible Society of Papua New Guinea