માથ્થી 20 - કોલી નવો કરાર

ખેતરના મજુરોનો દાખલો

¹ સ્વર્ગનું રાજ્ય આ દાખલા જેવું છે: એક જમીનદાર જે પોતાની દ્રાક્ષાવાડી હાટુ મજુરો રોકવા હવારમાં વહેલો સોકમાં ગયો.

² અને એણે મજૂરોની હારે રોજનો એક દીનાર એટલે એક દિવસની મજુરી નક્કી કરીને પોતાની દ્રાક્ષાવાડીમાં કામ કરવા તેઓને મોકલ્યા.

³ વળી હવારે નવ વાગે બાર જયને સોક ઉપર બીજાઓને નવરા ઉભેલા જોયા.

⁴ અને માલિકે કીધુ કે, “તમે પણ મારી દ્રાક્ષાવાડીમાં જાવ, અને જે કાય દેવા લાયક હશે, ઈ મજુરી હું તમને આપય,” તઈ તેઓ પણ કામ કરવા ગયા.

⁵ વળી બપોરે લગભગ બાર વાગે અને ત્રણ વાગ્યાની આજુબાજુ, એણે બારે જયને એમ જ કરયુ.

⁶ લગભગ હાંજે પાંસ વાગે ઈ પાછો બાર જયને બીજાને નવરા ઉભેલા જોયા અને તઈ માલિકે તેઓને કીધુ કે, “આખો દિવસ તમે કેમ આયા નવરા ઉભા છો?” તેઓએ એને કીધુ કે, ઈ હાટુ કે, કોયે અમને મજૂરીએ બોલાવા નય.

⁷ એણે તેઓને કીધુ કે, “તમે પણ મારી દ્રાક્ષાવાડીમાં જાવ, અને કામ કરો.”

⁸ હાંજ પડી તઈ દ્રાક્ષાવાડીના માલીકે પોતાના કામની જવાબદારી રાખવાવાળાને કીધુ કે, “મજુરોને બોલાવીને જે બધાયથી છેલ્લે કામ કરવા હાટુ આવ્યા હતા, તેઓથી લયને પેલા હુધી તેઓની મજુરી તેઓને આપી દેય.”

⁹ જેઓને એણે લગભગ પાંસ વાગે હાંજે કામ ઉપર રાખ્યા હતા, તેઓ જઈ આવે તઈ તેઓને એક-એક દીનાર એટલે આખા દિવસની મજુરી આપવામાં આવે.

¹⁰ પછી જે મજુરો હવારે આવ્યા, તેઓ એવું ધારતા હતા કે, તેઓને વધારે મળશે; પણ તેઓને પણ એક દીનાર એટલે એક દિવસની મજુરી મળી.

¹¹ તઈ તે લયને તેઓએ માલિકની વિરુધ ફરિયાદ કરી,

¹² અને કીધુ કે, “આ પાછળના લોકોએ ખાલી એક જ કલાક કામ કરયુ છે, અને ઈ તેઓને પણ અમારી જેટલી મજુરી આપી, અને અમે આખો દિવસ તડકામાં કામ કરયુ!”

¹³ પણ માલીકે તેઓમાંથી એકને જવાબ દીધો કે, મિત્ર, હું તને કાય અન્યાય નથી કરતો, શું તે મારી હારે એક દીનાર એટલે એક દિવસની મજુરીનું નક્કી નોતું કરયુ?

¹⁴ તારૂ જે છે ઈ લયને વયો જા; જેટલું એને એટલું આ છેલ્લે આવેલાઓને પણ આપવાની મારી મરજી છે.

¹⁵ જે મારૂ છે, ઈ શું મને મારી મરજી પરમાણે વાપરવાનો અધિકાર નથી? કેમ કે, હું બીજાઓને હાટુ દયાળુ શું ઈ હાટુ તારે ઈર્ષા નો કરવી જોયી.

¹⁶ ઈ રીતે જે છેલ્લા છે તેઓ પેલા થાહે, અને જેઓ પેલા છે તેઓ છેલ્લા થાહે.

ઈસુએ પોતાના મોતની કરેલી આગમવાણી

¹⁷ ઈસુ યરુશાલેમ શહેરમાં જાતા મારગમાં બાર ચેલાઓને એક બાજુ લય ગયો અને તેઓને ખાનગીમાં કેવા લાગ્યો કે,

¹⁸ “જુઓ, આપડે યરુશાલેમ શહેરમાં જાયી છયી અને હું, માણસનો દીકરો મુખ્ય યાજકોના અને યહુદી નિયમના શિક્ષકોના હાથમાં પકડાવી દેવામાં આયશે અને તેઓ મને મોતની લાયક ઠરાયશે.

¹⁹ અને બિનયહુદીઓના હાથમાં હોપશે. તેઓ મારી ઠેકડી ઉડાડશે અને મારી માથે થુંકશે, અને મને કોરડા મારીને વધસ્થંભે સડાયશે, અને મને મારી નાખશે, અને હું ત્રીજે દિવસે મોતમાંથી પાછો જીવતો ઉઠય.”

એક માંની માંગણી

²⁰ તઈ ઝબદીના દીકરાની માંએ પોતાના દીકરાઓની હારે ઈસુની પાહે આવી અને પગે લાગીને, એની પાહે કાક માંગવા લાગી.

²¹ ઈસુએ એને કીધુ કે, “તું શું માગે છે?” ઈ એને કેય છે કે, “આ મારા બે દીકરા તારા રાજ્યમાં એક જમણી બાજુ, અને બીજો ડાબી બાજુ બેહે.”

²² ઈસુએ તેઓને કીધુ કે, “તમે નથી જાણતા કે, શું માગો છો? શું તમે સતાવણી સહન કરવા હાટુ તૈયાર છો કેમ કે, હું જલ્દી જ સતાવવામાં આવય? શું તમે મરવા હાટુ તૈયાર છો? કેમ કે મને જલ્દી જ મારી નાખવામાં આયશે”

²³ ઈસુએ તેઓને કીધુ કે, “તમે મારા હાટુ દુખ સહન કરશો ખરા, પણ મારી જમણી અને ડાબી બાજુ બેહવા દેવું ઈ મારૂ કામ નથી, પણ જેઓને મારા બાપે ગમાડયા છે, તેઓને હારૂ ઈ તૈયાર કરેલું છે.”

²⁴ આ હાંભળીને બાકીના દસ ચેલાઓ યાકુબ અને યોહાન ઉપર ખીજાવા લાગ્યા.

²⁵ પણ ઈસુએ તેઓને પાહે બોલાવીને કીધુ કે, “તમે જાણો છો કે, જે લોકો આ જગતમાં રાજ કરનારા છે, તેઓ પોતાના અધિકારનો ઉપયોગ પોતાના નીસેના લોકોની ઉપર અધિકાર હલાવવા હાટુ કરે છે. તેઓના આગેવાન લોકો તેઓની વાતો મનાવવા હાટુ તેઓના અધિકારનો ઉપયોગ કરે છે.

²⁶ પણ તમારામાં એવું નય થાય, પણ જે કોય તમારામાં મોટો થાવા માગે છે, ઈ બધાયનો ચાકર બને,

²⁷ અને જે તમારામા મહાન થાવા માગે છે, ઈ બધાયનો ચાકર થાય;

²⁸ જેમ કે, હું માણસનો દીકરો બીજાઓની સેવા કરવા હાટુ આ જગતમાં આવ્યો હતો, હું એટલે નથી આવ્યો કે બીજો મારી સેવા કરે. હું ઘણાય લોકોને તેઓના પાપોથી છોડાવવા હાટુ મરવા આવ્યો છું.”

ઈસુ દ્વારા બે આંધળાઓને જોતા કરવા

²⁹ તેઓ યરીખો નગરમાંથી નીકળતા હતા, તઈ લોકોનું મોટુ ટોળૂ એની વાહે હાલતું હતું .

³⁰ જોવ બે આંધળા મારગની કોરે બેઠા હતા, અને ઈસુ પાહેથી થયને જાય છે, ઈ હાંભળીને તેઓએ રાડો પાડી કે, “ઓ રાજા દાઉદના કુળના દીકરા અમારી ઉપર દયા કર.”

³¹ લોકો એને ખીજાણા કે, સુપ રે ભાઈ પણ એની હાટુ રાડ પાડી કે, “ઓ પરભુ, દાઉદ રાજાના કુળના દીકરા મારી ઉપર દયા કર.”

³² તઈ ઈસુ ઉભો રય ગયો અને તેઓને બોલાવીને કીધુ કે, “તારી શું મરજી છે? હું તારી હાટુ શું કરું?”

³³ એણે ઈસુને જવાબ દીધો કે, “હે પરભુ, હું ફરીથી જોતો થાવ.”

³⁴ તઈ ઈસુને દયા આવી અને ઈ તેઓની આંખુને અડયો, અને તરત તેઓ જોતા થયાં; અને એની હારે ગયા.