લૂકની સુવાર્તા 22 - કોલી નવો કરાર

ઈસુની વિરુધ કાવતરું

¹ હવે પાસ્ખા તેવાર અને બેખમીર રોટલીનો તેવાર બે દિવસો પછી સાલું થાવાનો હતો.

² હવે મુખ્ય યાજકો અને યહુદી નિયમના શિક્ષકો ઈસુને ખાનગી રીતે મારી નાખવાની તક જોતા હતાં કેમ કે, તેઓ એને માનનારા લોકોથી બીતા હતા.

ઈસુને પકડાવી દેવા યહુદાની સહમતી

³ પછી શેતાન યહુદાની અંદર ઘરયો, જે ઈશ્કારિયોત કેવાતો હતો, જે બાર ચેલાઓમાંથી એક હતો.

⁴ એણે મુખ્ય યાજકો અને મંદિરના સિપાયોના અધિકારીઓની પાહે જયને કીધુ કે, હું ઈસુને પકડાવામાં તમારી મદદ કરય.

⁵ જેથી તેઓ બોવ રાજી થયા, અને યહુદાને રૂપીયા આપવાનું વચન આપ્યું.

⁶ તો યહુદાએ સંમતી કરીને લોકોનું ટોળું ભેગુ થાય એની પેલા ઈસુને તેઓના હાથમાં હોપી દેવાની તક ગોતવા લાગ્યો.

પાસ્ખા તેવારને ભોજનની તૈયારી

⁷ પછી પાસ્ખા તેવારના ભોજન હાટુ ઘેટાનું બલિદાન સડાવવું જરૂરી હતું.

⁸ અને ઈસુએ પિતર અને યોહાનને કીધું કે, “જાવ આપડી હાટુ પાસ્ખા તેવારનું ખાવાનું તયાર કરો.”

⁹ તેઓએ ઈસુને પુછયું કે, “તમે અમને ક્યા મોકલવા માગો છો કે, પાસ્ખા તેવાર હાટુ અમે ખાવાનું તયાર કરી જેથી આપડે એને ખાય હકી?”

¹⁰ ઈસુએ તેઓને કીધું કે, હાંભળો, તમેને શહેરમાં આવતાં જ એક માણસને પાણીની ગાગર ઉપાડીને જાતો જોવા મળશે, એની વાહે જાવ.

¹¹ અને ઈ જે ઘરમાં જાય ઈ ઘરના માલીકને કેજો કે, “ગુરુ, તને કેય છે કે, જ્યાં મારે ચેલાઓની હારે પાસ્ખા તેવારનું ખાવાનું છે ઈ ઉતારાની ઓયડી ક્યા છે?”

¹² પછી ઈ માલિક તમને એક મોટી મેડી શણઘારેલી અને તયાર કરેલી દેખાડશે, ન્યા પાસ્ખા ભોજન તયાર કરો.

¹³ જેથી બે ચેલાઓ શહેરમાં ગયા અને જેવુ ઈસુએ તેઓને કીધું હતું એવું જ તેઓને મળ્યું. અને તેઓએ પાસ્ખા તેવાર હાટુ ખાવાનું તયાર કરયુ.

પરમેશ્વર ભોજન

¹⁴ જઈ પાસ્ખા ભોજન કરવાનો વખત આયવો, તઈ ઈસુ એના ગમાડેલા ચેલાઓની હારે ખાવા બેઠો.

¹⁵ ઈસુએ તેઓને કીધું કે, દુખ સહન કરું અને મરી જાવ ઈ પેલા આ પાસ્ખા તેવારનું ભોજન તમારી હારે ખાવાની મારી ઘણીય બધીય ઈચ્છા હતી.

¹⁶ હું તમને કવ છું કે, “પરમેશ્વરનાં રાજ્યમાં જ્યાં હુધી આ પાસ્ખા ખાવાનો પુરો અરથ નય આપે, ન્યા હુંધી હું ફરીથી આ ભોજન ખાવાનો નથી.”

¹⁷ તઈ ઈસુએ દ્રાક્ષારસનો એક પ્યાલો લયને એણે પરમેશ્વરનો આભાર માન્યા પછી, એણે કીધું કે, “આ પ્યાલો લ્યો, અને તમે દરેકને ઈ આપો.”

¹⁸ કેમ કે, હું તમને કવ છું કે, “હું ઈ વખત હુધી પછી ક્યારેય દ્રાક્ષારસ નય પીવ, જ્યાં હુધી કે હું પરમેશ્વરનાં રાજ્યમાં નવો દ્રાક્ષારસ નય પીવ.”

¹⁹ પછી ઈસુએ રોટલી લીધી, અને પરમેશ્વરનો આભાર માનીને તોડી, અને એણે ચેલાઓને આ કેતા આપી કે, “આ રોટલી મારું દેહ છે, જે હું તમારા હાટુ આપું છું; મારી યાદગીરી હાટુ તમે આવુ જ કરતાં રયો.”

²⁰ આજ પરમાણે ખાવાનું ખાધા પછી ઈસુએ એક દ્રાક્ષના રસનો પ્યાલો લીધો અને કીધુ કે, “આ પ્યાલો મારા લોહી દ્વારા કરેલો નવો કરાર છે જે તમારી હાટુ વહેડાવવામાં આવે છે.”

²¹ પણ આ માણસને જોવો! જે મને મારા વેરીઓને હાથમાં હોપશે ઈ મારી હારે હાલમાં ખાય રયો છે.

²² કેમ કે, “માણસનો દીકરો પરમેશ્વરની યોજના પરમાણે કરશે, પણ ઈ માણસને અફસોસ! જે મને પકડાવી દેવામાં મદદ કરે છે.”

²³ પછી તેઓ એકબીજાને અંદરો અંદર પૂછવા લાગ્યા કે, “આપડામાંથી મોટો કોણ છે કે, જે આ કામ કરશે?”

બધાયથી મોટુ કોણ? વાદવિવાદ

²⁴ પાછળથી ચેલાઓ અંદરો અંદર વાદ-વિવાદ કરવા લાગ્યા કે, તેઓમાં આપડામાંથી મોટો કોણ છે?

²⁵ પછી ઈસુએ તેઓને કીધુ કે, “તમે જાણો છો કે, જે લોકો આ જગતમાં રાજ કરનારા છે, તેઓ પોતાના અધિકારનો ઉપયોગ પોતાના નીચેના લોકોની ઉપર અધિકાર હલાવવા હાટુ કરે છે. તેઓના આગેવાન લોકો તેઓની વાતો મનાવવા હાટુ તેઓના અધિકારનો ઉપયોગ કરે છે, તેઓ બીજાનું ભલું કરનારા કેવાય છે.”

²⁶ પણ તમે એવા નો થાવ; પણ તમારામા જે કોય મોટો હોય, એણે નાના માણસ જેવા થાવુ જોયી, અને આગેવાનોને ચાકર જેવા થાવુ જોયી.

²⁷ કેમ કે, મોટો કોણ છે, ઈ જે ખાવા બેઠા છે, કા ઈ જે ખાવાનું પીરશે છે? હું ઈ નથી જે ખાવા બેઠા છે? પણ હું તમારી વસ્સે એક પીરસનાર જેવો છું.

²⁸ પણ તમે ઈ છો, જેઓ મારી પરીક્ષા વખતે મારી હારે રયા છો.

²⁹ તો હવે, જઈ પરમેશ્વરનું રાજ્ય બધાયની ઉપર આયશે, તઈ હું તમારી બધાયની જેમ મારા બાપે મને રાજાની જેમ રાજ્ય કરવા હાટુ નીમ્યો છે, એમ જ હું તમને એક શક્તિશાળી અધિકારી બનાવય.

³⁰ જેથી મારા રાજ્યમાં તમે મારી હારે મેજ ઉપર ખાહો-પીહો અને તમે ઈઝરાયલ દેશના બાર કુળોનો ન્યાય કરવા, રાજ્યાસન ઉપર બેહશો.

પિતરના નકાર અંગે ઈસુની આગાહી

³¹ સિમોન! સિમોન! હાંભળ! જેમ કોક દ્વારા ઘઉંને સાળવામાં આવે છે, એમ તારું પરીક્ષણ કરવા હાટુ શેતાને માગણી કરી છે. અને પરમેશ્વર એને ઈ કરવાની રજા આપી છે.

³² મે પ્રાર્થના કરી કે, તુ તારો વિશ્વાસ ગુમાવતો નય, જઈ તમે મારી પાહે આવો તઈ તમારા ભાઈઓને વધારે મજબુત થાવામાં મદદ કરજો.

³³ પિતરે ઈસુને કીધુ કે, “પરભુ હું તારી હારે જેલખાનામાં જાવા હાટુ તયાર છું, અને તારી હારે મરવા પણ હું ઈચ્છું છું”

³⁴ પણ ઈસુએ કીધુ કે, “હે પિતર હું તને કવ છું, કે આજે કુકડો બોલ્યા પેલા તુ મને ઓળખાતો નથી. એમ કયને તું ત્રણ વાર મારો નકાર કરય.”

પાકીટ, જોળી અને તરવાર

³⁵ પછી ઈસુએ ચેલાઓને પુછયું કે, “જઈ મે તમને બારે ગામડાઓમાં મોકલ્યા, અને તમે કાય રૂપીયા, ભોજન કા જોડા વગરના ગયા તો શું તમને ન્યા કાય જરૂર પડી જે તમને નો મળી હક્યું?” તેઓએ જવાબ દીધો કે “કાય પણ નય!”

³⁶ અને ઈસુએ તેઓને કીધું કે, તમારી પાહે પાકીટ હોય, તો તમારી પાહે રાખો, અને એમ જ જોળી અને જો તમારી પાહે તલવાર નો હોય, તો તમારો ઝભ્ભો વેસીને ઈ ખરીદી લ્યો.

³⁷ કેમ કે, હું તમને કવ છું કે, શાસ્ત્રમા લખેલુ છે કે, “ઈ ગુનેગારોની હારે ગણવામાં આવ્યો, ઈ વચન મારામાં પુરું થાવુ જરૂરી છે કેમ કે, જે પણ મારી વિષે લખેલી વાતો છે, ઈ પુરી થાય છે.”

³⁸ ચેલાઓએ કીધું કે, “હે પરભુ, જોવો, આયા બે તરવાર છે.” ઈસુએ તેઓને કીધું કે, “ઈ બોવ છે.”

ઈસુ જૈતુન પહાડ ઉપર પ્રાર્થના કરે છે

³⁹ તઈ ઈસુએ શહેર છોડયું, અને જૈતુન પહાડ ઉપર પૂગ્યો, અને ચેલાઓ એની વાહે ગયા.

⁴⁰ ઈસુ ઈ જગ્યાએ આવ્યો, તઈ એણે તેઓને કીધું કે, “પ્રાર્થના કરો કે, તમે પરીક્ષણમાં નો પડો.”

⁴¹ અને પછી ઈસુ એનાથી લગભગ એક નાડાવા જેટલો આઘો ગયો, ઘુટણે પડીને પ્રાર્થના કરવા લાગ્યો.

⁴² “હે બાપ જો તારી ઈચ્છા હોય, તો આ દુખનો પ્યાલો મારાથી આઘો કરી લે: તો પણ મારી ઈચ્છા નય પણ તારી જ ઈચ્છા પરમાણે થાય.”

⁴³ તઈ આભમાંથી એક સ્વર્ગદુત દેખાણો જે ઈસુને બળ આપતો હતો.

⁴⁴ અને ઈસુ ખુબ પીડાતો હતો, ઈ હાટુ એણે બોવ આગ્રહથી પ્રાર્થના કરી. એનો પરસેવો લોહીના મોટા ટીપાની જેમ જમીન ઉપર પડતા હતા.

⁴⁵ જઈ ઈસુ પ્રાર્થના પુરી કરીને ઉભો થયો, તઈ પોતાના ચેલાઓની પાહે આવ્યો, અને દુખી થયને એના ચેલાઓને હુતા જોયા.

⁴⁶ અને ઈસુએ તેઓને કીધું કે, “તમે કેમ હુતા છો? ઉભા થાવો અને પ્રાર્થના કરો જેથી તમે પરીક્ષણમાં નો પડો.”

ઈસુની ધરપકડ

⁴⁷ જઈ ઈસુ આ કેય રયો હતો, તઈ એક લોકોનું ટોળું આવ્યું, અને બાર ચેલાઓમાંથી એક જેનું નામ યહુદા હતું, ઈ તેઓની આગળ હાલતો હતો, ઈ ઈસુની નજીક આવ્યો, જેથી ઈ ઈસુને સુંબન કરી હકે.

⁴⁸ પણ ઈસુએ એને કીધું કે, “યહુદા, શું તુ સુંબન કરીને માણસના દીકરાને પકડાવવા ઈચ્છે છે?”

⁴⁹ ઈસુના ચેલાઓએ જઈ જોયું કે, શું થાવાનુ છે, ઈ જોયને કીધું કે, “પરભુ, શું અમે અમારી તલવાર મારીએ?”

⁵⁰ અને એટલામાં તો એકે પોતાની તલવાર કાઢીને, પ્રમુખ યાજકના ચાકરનો જમણો કાન કાપી નાખ્યો.

⁵¹ પણ ઈસુએ કીધું કે, “હવે બસ કર.” પછી ઈસુએ એના કાનને અડીને હાજો કરયો.

⁵² તઈ મુખ્ય યાજકો વડીલો અને યહુદી મંદિરના સરદારોને જેઓ એને પકડવા આવ્યા હતાં, તેઓને ઈસુએ કીધું કે, “શું તમે તલવારો અને લાકડીઓ લયને સોરની જેમ મને પકડવા નીકળી આવ્યા છો?

⁵³ જઈ હું દરોજ મંદિરમાં તમારી હારે હતો, ન્યા તમે મને પકડવાની કોશિશ હુકામ કરી નય? પણ હમણા તમારો અને અંધારાના અધિકારનો વખત છે.”

પિતરનો નકાર

⁵⁴ તેઓ ઈસુને પકડીને પછી પ્રમુખ યાજકના ઘરમાં લય ગયા, અને પિતર એની આઘો રયને ઈસુની વાહે હાલતો ગયો.

⁵⁵ અને જઈ સિપાયો સોકની અંદર તાપ સળગાવીને ભેગા બેઠા, તઈ પિતર પણ તેઓની પાહે બેઠો હતો.

⁵⁶ અને એક દાસીએ એને તાપના અંજવાળામાં બેઠેલો જોયને એની બાજુ ટાપીને કેવા લાગી, “આ હોતન એની હારે હતો.”

⁵⁷ પણ પિતરે આ કયને નકાર કરયો કે, “બાય, હું એને નથી જાણતો.”

⁵⁸ થોડા વખત પછી કોય બીજાએ પિતરને જોયને કીધું કે, “તુ પણ તેઓમાનો છે.” પિતરે કીધું કે, “ભાઈ હું નથી.”

⁵⁹ થોડાક વખત પછી એક બીજો માણસ હિંમતથી કેવા લાગ્યો કે, આ હાસુ છે કે, “આ પણ એની હારે હતો કેમ કે, આ હોતન ગાલીલનો છે.”

⁶⁰ પણ પિતરે એને કીધું કે, “અરે ભાઈ હું નથી જાણતો કે, તુ શું કેય છે” ઈ બોલતો હતો અને તરત જ કુકડો બોલ્યો.

⁶¹ પછી ઈસુએ ફરીને પિતરની હામે જોયું, અને પિતરને ઈસુની કીધેલી વાત યાદ આવી કે, “આજે હવારે કુકડો બોલ્યો અગાવ તુ મારો ત્રણ વાર નકાર કરય.”

⁶² અને ઈ બારે આંગણામાં ગયો અને દુખી થયને ખુબ રોયો.

ઈસુની ઠઠ્ઠા મશ્કરી અને માર

⁶³ જેઓએ ઈસુને પકડયો હતો, તેઓ એની ઠેકડી કરીને એને મારવા લાગ્યા;

⁶⁴ અને પછી તેઓએ એની આંખુ ઉપર પાટો બાંધીને લાફો મારીને એને પુછયું કે, “જો તુ આગમભાખનાર હોય તો અમને બતાવે કે, તને કોણે મારયો!”

⁶⁵ અને ઈ માણસોએ ઈસુની નિંદા કરીને એની વિરુધ બીજુ ઘણુય બધુય કીધું.

ઈસુ ન્યાયસભા હામે

⁶⁶ જઈ બીજો હવાર થાતાજ માણસોના વડીલો યહુદી લોકોની પરચાર કરવાની જગ્યામાં મુખ્ય યાજકોએ અને યહુદી નિયમના શિક્ષકો ભેગા થયા, તેઓ ઈસુને લય જયને પુછયું કે,

⁶⁷ “શું તુ મસીહ છે, તો ઈ અમને કય દે!” અને ઈસુએ તેઓને કીધું કે, “જો હું તમને કય દવ, તો તમે મારી ઉપર વિશ્વાસ કરવાના નથી.

⁶⁸ અને હું તમને સવાલ કરય, તો તમે લોકો જવાબ નય આપો.

⁶⁹ પણ હવે પછી માણસનો દીકરો પરાક્રમી પરમેશ્વરની જમણી બાજુ બેહશે.”

⁷⁰ તેઓ બધાએ કીધું કે, “તો શું તુ પરમેશ્વરનો દીકરો છે?” ઈસુએ તેઓને કીધું કે, “તમે પોતે જ કયો છો કે ઈ હું છું”

⁷¹ તેઓએ કીધું કે, “હવે આપણને બીજા સાક્ષીઓની જરૂર નથી, આપડે એના મોઢે હાંભળ્યુ છે.”