લૂકની સુવાર્તા 15 - કોલી નવો કરાર

ખોવાયેલું ઘેટુ

¹ બધાય વેરો ઉઘરાવવાવાળા જેઓને લોકો પાપી કેય છે, ઈ લોકો ઈસુની પાહે આવતાં હતાં, જેથી ઈ બધાય એનુ હાંભળે.

² પછી ફરોશી ટોળાના લોકો અને યહુદી નિયમના શિક્ષકોએ કચકચ કરતાં કેવા મંડયા કે, “જોવ, આ માણસ પાપીઓની હારે મળે છે, અને તેઓની હારે ખાવાનું પણ ખાય છે.”

³ પછી ઈસુએ તેઓને આ દાખલો કીધો.

⁴ વિસારો કે, તમારામાથી કોય એકની પાહે હો ઘેટા છે. પણ એમાંથી એક ખોવાય જાય, તો તમે પાક્કી રીતે બાકીના નવ્વાણું ઘેટાઓને વગડામાં એકલા મુકીને, ઈ એક ઘેટાને ગોતવા જાહો. ઈ માણસ જ્યાં હુધી ઈ ખોવાયેલું ઘેટુ પાછુ નય મળે, ન્યા હુધી એને ગોતવાનું સાલું રાખશે.

⁵ જઈ ઈ ઘેટુ ઝડે છે, તઈ ઈ રાજી થાય છે અને ઈ માણસ ઈ ઘેટાને એના ખંભે બેહાડીને ઘરે લય જાય છે.

⁶ ઘરે આવીને ઈ પોતાના મિત્રો અને એના પાડોશીઓને બોલાવે છે, અને તેઓને કેય છે કે, મારી હારે આનંદ કરો, કારણ કે, “મને મારા ઘેટામાનું ખોવાયેલું ઘેટુ પાસુ જડી ગયુ છે.”

⁷ હું તમને કવ છું કે, ઈજ પરમાણે નવ્વાણું ન્યાયીઓ જેઓને પસ્તાવાની જરૂર નથી, તેઓના કરતાં એક પાપી પસ્તાવો કરે છે, એની લીધે સ્વર્ગમા આનંદ થાહે.

ખોવાયેલો સિકકાનો દાખલો

⁸ તમે વિસારો કે, એક બાય પાહે દસ ચાંદીના સિકકા હોય, પણ તેઓમાંનું એક ખોવાય જાય; તઈ ઈ દીવો હળગતો લયને ઘર સાફ કરશે, અને જ્યાં હુંધી એને ઈ સિક્કો જડી નો જાય, ન્યા હુંધી એને હારી રીતે ગોતશે.

⁹ અને જઈ એને ખોવાયેલો સિક્કો મળે છે, તઈ ઈ એની બેનપણીઓ અને પાડોશીને ભેગી કરીને કેહે કે, મારી હારે આનંદ કરો, કારણ કે, મને મારો ખોવાયેલો સિક્કો જડી ગયો છે.

¹⁰ હું તમને કવ છું કે; “ઈ જ રીતે જઈ પાપી માણસ પાપોથી પસ્તાવો કરે છે, તઈ સ્વર્ગદૂતો પરમેશ્વરની હામે રાજી થાય છે.”

ખોવાયેલા દીકરાનો દાખલો

¹¹ ફરી ઈસુએ એક બીજો દાખલો દીધો કે, કોય એક માણસને બે દીકરા હતા.

¹² તેઓમાંના નાના દીકરાએ એના બાપને કીધુ કે, “હે બાપ, મને મારા વારસાનો ભાગ આપી દે.” જેથી એના બાપે બે દીકરાઓને મિલકતના ભાગ પાડી દીધા.

¹³ થોડાક દિવસ પછી, એનો નાનો દીકરો એનુ બધુય ભેગુ કરીને બીજા દેશમા વયો ગયો, અને ન્યા મોજ-મજામાં પોતાની બધીય મિલકત વેડફી નાખી.

¹⁴ અને એણે બધુય વાપરી નાખુ હતું, પછી ઈ દેશમાં બોવ દુકાળ પડયો અને એને તંગી પડવા લાગી.

¹⁵ ઈ હાટુ ઈ દેશના એક માણસને ન્યા કામ કરવા ગયો, ઈ માણસે પોતાના ખેતરોમા ડુંકરા સરાવાનું કામ હોપ્યું.

¹⁶ અને ઈ એટલો બધો ભૂખ્યો હતો કે, જે શીંગો ડુંકરા ખાતા હતાં, ઈ શીંગો ખાયને પોતાનુ પેટ ભરી લવ એમ મનમા થાતું હતું કેમ કે, એને કોય પણ ખાવાનું કાય આપતા નોતા.

¹⁷ જઈ ઈ ભાનમાં આવ્યો અને ન્યા, મારા બાપના ઘરે બધાય નોકરોને ભરપૂર ખાવાનું મળે છે, પણ હું તો આયા ભૂખે મરું છું

¹⁸ હું આયથી ઉભો થયને, મારા બાપ પાહે જાય, અને હું કેય કે, હે બાપ મે પરમેશ્વરની વિરુધ અને તારી વિરુધ પાપ કરયુ છે.

¹⁹ હવે, હું તારો દીકરો કેવાને લાયક રયો નથી, પણ તુ મને તારો ચાકર ગણીને રાખ.

²⁰ પછી ઈ દીકરો, ઈ દેશ છોડીને એના બાપ પાહે જાવા હાટુ હાલતો થયો, જઈ ઈ દીકરો હજી ઘણોય આઘો હતો, તઈ એના બાપે એને આવતો જોયો, એને એના દીકારા ઉપર દયા આવી, અને જેથી ઈ એના દીકરા પાહે ધોડીને ગયો એને બથ ભરી લીધી અને એને સુંબન કરયુ.

²¹ દીકરાએ કીધું કે, હે બાપ મે પરમેશ્વર અને તારી વિરુધ પાપ કરયુ છે, હવે હું તારો દીકરો કેવાને લાયક રયો નથી.

²² પણ બાપે ચાકરોને કીધું કે, જલ્દીથી હારામાં હારા લુગડા કાઢીને એને પેરાવો, અને એને આંગળીમાં હારી લાગે એવી વીટી અને પગમાં જોડા હારા લાગે ઈ પેરાવો,

²³ એક વાછડા લીયાવીને કાપો જેથી આપડે ખાયી અને રાજી થાયી.

²⁴ કેમ કે, મારો દીકરો મરી ગયો હોય એવુ લાગતું હતું, હવે ઈ ફરીથી જીવતો થયો છે; આયા ખોવાય ગયો હતો, ઈ હવે પાછો જડયો છે, જેથી તેઓ આનંદ કરવા લાગ્યા.

²⁵ ઈ વખતે મોટો દીકરો ખેતરમાં કામ કરતો હતો, ઈ ઘર પાહે આવી ગયો, તઈ એણે સંગીત અને નાસવાનો અવાજ હાંભળો.

²⁶ જેથી એના મોટા દીકારાએ એક નોકરને બોલાવી એને પુછું કે, “આ બધુય શું છે?”

²⁷ ચાકરે એને કીધું કે, “તારો ભાઈ પાછો ઘરે આવ્યો છે, અને તારા બાપે એક વાછડા લીયાવીને એનુ જમણવાર તયાર કરયુ છે, કારણ કે, તારા બાપને હાજે હારો પાછો મળ્યો છે.”

²⁸ પણ આ હાંભળીને મોટો દીકરો ગુસ્સે થયો, અને ઈ ઘરની અંદર જાવા રાજી નોતો: જેથી એનો બાપ બારે આવીને એને ઘરની અંદર આવવાની વિનવણી કરવા લાગ્યો.

²⁹ મોટા દીકરાએ એના બાપને કીધુ કે, મે ઘણાય વરહ હુધી એક ગુલામની જેમ તારી સેવા કરી છે, મે સદાય તારી આજ્ઞાનું પાલન કરયુ છે, પણ તે કોય દિવસ મારી હાટુ કાય પણ હારુ નથી કરયું, જેથી હું મારા ભાઈ-બંધ હારે જમણવાર કરૂ.

³⁰ પણ તારા આ છોકરાએ વેશ્યાઓ હારે તારા બધાય રૂપીયા વેડફી દીધા, ઈ ઘરે આવે છે, તઈ તે એની હાટુ એક વાછડો લીયાવીને એનુ જમણવાર તૈયાર કરયુ છે.

³¹ પણ બાપે એને કીધુ કે, “મારા છોકરા, તુ સદાય મારી હારે છે; અને મારી પાહે જે છે ઈ બધુય તારું જ છે.

³² પણ, હવે આપડે આનંદ કરવો અને રાજી થાવુ જોયી કેમ કે, જે ભાઈ મરી ગયો હોય એવુ લાગતું હતું, પણ હવે ઈ પાછો જીવતો થયો હોય એવું લાગે છે; જે ખોવાય ગયો હતો, પણ હવે ઈ પાછો મળી ગયો છે.”