લૂકની સુવાર્તા 14 - કોલી નવો કરાર

ફરોશી ટોળાના લોકોને શિક્ષણ

¹ એક દિવસ જે યહુદી વિશ્રામવારનો દિવસ હતો તઈ ઈસુ ફરોશી ટોળાના લોકોના એક આગેવાનના ઘરે ખાવા ગયો, અને તેઓ એને ધ્યાનથી જોતા હતા.

² અને ન્યા જ ઈસુની હામે એક માણસ હતો જેને હાથ અને પગ હોજી જાય એવી બીમારી હતી.

³ ઈસુએ યહુદી નિયમના શિક્ષકો અને ફરોશી ટોળાના લોકોને જવાબ દેતા કીધું કે, “યહુદી વિશ્રામવારના દિવસે લોકોને હાજા કરવા ઈ હારું છે કે નય?”

⁴ પણ તેઓએ જવાબ આપ્યો નય તઈ ઈસુએ રોગી માણસ ઉપર હાથ રાખ્યો, એને હાજો કરયો, પછી ઈ માણસને મોકલી દીધો.

⁵ ઈસુએ બીજા ફરોશી ટોળાના લોકોને અને યહુદી નિયમના શિક્ષકોને કીધું કે, “જો તમારો દીકરો કે બળદ, યહુદી વિશ્રામવારના દિવસે ખાડામાં પડે, તો શું તમે એને બારે નય કાઢો?”

⁶ ઈસુએ જે કીધું, ઈ વાતનો ઈ લોકો કાય જવાબ દય હક્યાં નય.

મેમાનોની સેવા

⁷ મહેમાનો પોતાની હાટુ ખાસ જગ્યા ગમાડતાં હતાં, ઈ જોયને ઈસુએ એને બધાયને આ દાખલો આપ્યો,

⁸ જઈ તમારામાથી કોય દ્વારા લગનના જમણવારમાં બોલાવવામાં આવ્યા હોય, તો ઈ જગ્યાએ નો બેહતા જ્યાં ખાસ લોકો બેહે. ન્યા થય હકે કે, તમારા કરતાં પણ વધારે મોટો માણસ બોલાવવામાં આવ્યો હોય.

⁹ અને જો જેણે તને અને ઈ બેયને આમંત્રણ આપ્યુ હોય, ઈ આવીને તને કેય કે, આ મોટા માણસને જગ્યા આપો, અને તઈ તારે અપમાનિત થયને, બધાયથી છેલ્લી જગ્યાએ બેહવું પડે.

¹⁰ પણ જઈ તને કોય આમંત્રિત કરે, તો બધાયથી છેલ્લી જગ્યાએ જયને બેહી જા, તઈ જે માણસ તને આમંત્રિત કરનાર કેય કે, ન્યા ઈ માણસ તમારી પાહે આવીને કેય કે, “આ બાજુની બેઠક ઉપર આવો,” તો બીજા મેમાનો પણ તમને માન આપશે.

¹¹ “જે કોય માણસ ઉસો બનવા ઈચ્છે છે, એને નીસો કરવામાં આયશે, અને જે કોય પોતાને નીસો કરશે, એને ઉસો કરાહે.”

¹² જે ફરોશી ટોળાના લોકોએ આમંત્રણ આપ્યુ હતું, એને કીધું કે, “જઈ તુ રાત દિવસનું નોતર કરે, તઈ તારા ભાઈઓ, કે મિત્રો, કે સબંધીઓ અને માલદાર પાડોહીને નો આપ, ક્યાક એવુ નો થાય કે, તેઓ પણ તમને ઈ નોતરુ આપીને તને તારો બદલો વાળી આપે.

¹³ પણ જઈ તુ જમણવાર આપ, તઈ ગરીબ માણસ, ઠુંઠાઓને, લંગડાઓને અને આંધળાઓને બોલવ.

¹⁴ જેથી તુ આશીર્વાદિત થાય કેમ કે, આ લોકો પાહે તમને પાછુ આપવા કાય નથી, પણ ન્યાયી માણસો જઈ મરેલામાંથી જીવતા થાહે, તઈ તને પરમેશ્વર વળતર આપશે.”

રાતના ખાવાનો દાખલો

¹⁵ ઈસુ હારે જે ખાનારા બેઠા હતાં, એમાંથી કોય એક માણસે આ વાત હાંભળીને કીધું કે, “પરમેશ્વરનાં રાજ્યમાં જે ખાવાનું ખાહે ઈ આશીર્વાદિત છે!”

¹⁶ પણ ઈસુએ એને કીધું કે, એક માણસે રાતનું મોટે પાયે જમણવાર રાખ્યુ, અને ઈ માણસે ઘણાય માણસોને નોતર આપી.

¹⁷ જઈ ખાવાનો વખત થયો તઈ એણે એના ચાકરને મોકલીને કીધું કે, “કૃપા કરીને હાલો! હવે આવો હમણાં બધુ તૈયાર છે”

¹⁸ પણ બધાય મેમાનોએ કીધુ કે, અમે નય આવીને બધા બાનું કાઢવા લાગ્યા એકે કીધુ કે, “મે ખેતર વેસાતી લીધું છે, જેથી મારે ન્યા જાવું પડશે; જેથી મને માફ કર.”

¹⁹ બીજા માણસે કીધું કે, “મે પાંસ જોડ બળદ લીધા છે, તો મારે એને જોવા છે કે, ઈ કેમ હાલે છે કે, નય જેથી હું તને વિનવણી કરું છું કે, તુ મને માફ કર.”

²⁰ અને ત્રીજા માણસે કીધું કે, “હમણાં જ મારા લગન થયા છે, જેથી હું આવી હકુ એમ નથી.”

²¹ પછી ચાકર પાછો આવ્યો અને એની હારે જે કાય થયુ, ઈ એના માલિકને કયને હંભળાવ્યું. તઈ ઘરના માલિકે ગુસ્સે થયને પોતાના ચાકરને કીધું કે, “જલ્દી જ, શહેરમાંથી ગરીબ, ટુંડા, લંગડા અને આંધળા માણસોને આયા લીયાવ.”

²² ઈ પછી ચાકરે એને કીધું કે, “માલિકે મને જેમ કરવાનું કીધું, એમ જ કરયુ; છતાં હજી માણસો હાટુ જગ્યાઓ છે.”

²³ માલિકે ચાકરને કીધું કે, “મારગ ઉપર અને ગામની શેરીઓમાં જઈ, માણસોને આગ્રહથી બોલાવતો આવ, હું ઈચ્છું છું કે, મારું ઘર ભરાય જાય.

²⁴ હું તને કવ છું, મે જે લોકોને પેલા આમંત્રિત કરયા છે કે, એનામાંથી કોય પણ મારા જમણવાર ખાહે નય.”

ચેલા થાવા વિષે શિક્ષણ

²⁵ ઈસુની હારે લોકોનું એક મોટુ ટોળું હાલતું હતું. એણે લોકોની બાજુ ફરીને તેઓને કીધું કે,

²⁶ જો કોય પણ મારી પાહે આવે જે એના બાપને, માંને, બાયડીને, બાળકોને, ભાઈઓને અને બહેનોને મારા કરતાં વધારે પ્રેમ કરે છે, ઈ મારો ચેલો નો થય હકે. ઈ પોતાની જાતને પ્રેમ કરે એના કરતાં વધીને મને પ્રેમ કરવો જોયી.

²⁷ જે કોય પોતાનો વધસ્થંભ ઉપાડીને મારી વાહે આવતો નથી, ઈ મારો ચેલો થય હક્તો નથી.

²⁸ પછી તમારામાંથી કોય મેડો બાંધવા ઈચ્છતા હોવ, તો પેલા બેહીને એમા શું ખરસો થાહે, ઈ હિસાબ કરશે અને પોતાની પાહે કામ પુરુ કરવા પુરતા રૂપીયા છે કે, નય ઈ જોહે.

²⁹ જો તમે એવુ નો કરયુ, તો ન્યા પાયો નાખશો, પણ એણે પુરું કરી હકશો નય, તો બધાય જોવા વાળા લોકો એને કયને તમારી ઠેકડી કરશે,

³⁰ તેઓ કેય છે કે, “આ માણસે મેડો બાંધવાનું તો ચાલુ કરયુ, પણ પુરું કરી હક્યો નય.”

³¹ ફરી, એવો કોણ રાજા છે, જે કોય એક રાજા બીજા રાજાની હામે લડાય કરવા જવાનો હોય, તઈ બેહીને વિસારી નો લેય કે, જે રાજા વીસ હાજર સિપાયને લયને મારી હામે લડાય કરવા આવે છે, તો હું આ દસ હજાર સિપાયને લયને, એની હારે લડાય કરી હકીશ? કે નય.

³² જો ઈ શક્તિશાળી નથી, તો ઈ રાજાને આઘો રેવાથી જે પોતાના સંદેશાવાહકોને મોકલીને તેઓની હારે મેળાપ કરાવવા માગે છે.

³³ તેવીજ રીતે તમારામાંથી જો કોય પોતાની બધીય વસ્તુનો ત્યાગ કરી દેય, તો ઈ મારો ચેલો થય હકે છે.

સ્વાદ વગરનું મીઠું

³⁴ “મીઠું હારું છે, પણ જો મીઠું સ્વાદ વગરનું થાય તો એને હેનાથી ખારું કરશો?

³⁵ તો એને જમીન હારું કા તો ખાતર હારુ વાપરી હકાય નય માણસો એને નાખી દેય છે. જે મારી વાતુ હાંભળી હકતા હોય, ઈ કાન દઈને ધ્યાનથી હાંભળે અને હમજે.”