1 થેસ્સાલોનિકીઓને પત્ર 3 - કોલી નવો કરાર

તિમોથીને મોકલવો

¹ ઈ હાટુ જઈ અમે તમને જોયા વગર રય નથી હક્યાં, તો મે પાઉલે અને સિલ્વાનસે આથેન્સ શહેરમાં એકલા રેવાનુ નક્કી કરયુ.

² અને અમે તિમોથીને તમારી પાહે મોકલ્યો જે મસીહના હારા હમાસારમાં અમારો વિશ્વાસી ભાઈ છે, અને પરમેશ્વરનો સેવક છે. ઈ તમને મજબુત કરે, અને તમારા વિશ્વાસને વધારવામાં મદદ કરે.

³ કેમ કે, કોય આ સતાવના કારણે વિશ્વાસ કરવાનું છોડી નો દેય, તમે પોતે જાણતા હતાં કે, આપડે દુખ સહન કરવુ પડશે.

⁴ તમારી ન્યા રેતી વખતે અમે તમારીથી આ કીધા કરતાં હતાં કે, આપડે સતાવણી સહન કરવી પડશે, અને એવુ જ થયુ છે, અને તમે જાણો પણ છો.

⁵ આ કારણથી જઈ હું આ જાણયા વિના રય નો હકયો કે, તમે કેમ છો, તો તમારા વિશ્વાસની વિષે જાણવા હાટુ મે તિમોથીને તમારી પાહે મોકલ્યો, કેમ કે મને બીક હતી કે, પરીક્ષણ કરનારો શેતાને તમારી પરીક્ષા કરી હોય, અને અમારી મેનત નકામી ગય હોય.

⁶ પણ હમણાં જ તિમોથી તમારી પાહેથી અમારી પાહે પાછો આવીને તમારો વિશ્વાસ અને પ્રેમની સંદેશો હંભળાવી. અને આ વાત પણ કીધી કે, તમે સદાય પ્રેમથી અમને યાદ કરો છો, અને અમને જોવાની ઈચ્છા રાખો છો, જેમ અમે પણ તમને જોવાની આશા રાખી છયી.

⁷ ઈ હાટુ હે મારા વાલા વિશ્વાસી ભાઈઓ અને બહેનો, આપડા બધાય દુખ અને સતાવણીમાં પણ તમારા વિશ્વાસની વિષે હાંભળીને અમને દિલાસો મળ્યો.

⁸ કેમ કે, હવે તમે પરભુ ઉપર પાકો વિશ્વાસ કરી રયા છો, તો ઈ આપડા જીવનને જીવવા હાટુ લાયક બનાવે છે.

⁹ તમારા કારણે, પરમેશ્વરની હામે જે અમારી ખુશી છે, એના બદલે તમારા વિષે અમે પરમેશ્વરનો બોવ આભાર માની છયી.

¹⁰ અમે તમને ફરીથી મળવા હાટુ રાત-દિવસ ઘણીય પ્રાર્થના કરી છયી, અને તમારા વિશ્વાસમા ખામી હોય તો ઈ દુર કરીને પુરેપુરા કરી હકી.

¹¹ અમે પ્રાર્થના કરી છયી કે, આપડા પરમેશ્વર બાપ અને આપડા પરભુ ઈસુ મસીહ, અમને તમારી પાહે આવીને મળવા હાટુ મોકો આપે.

¹² અમે પ્રાર્થના કરી છયી કે, પરભુ એવુ કરે કે, જેવો અમે તમને પ્રેમ કરી છયી, એમ જ તમે પણ એક-બીજાને પ્રેમ કરો, અને બધાય લોકોની હારે તમારો પ્રેમ હજીય વધે, અને વધતા જાવ.

¹³ અને પરભુ ઈસુ મસીહ તમારા મનોને એવી રીતે મજબુત કરે કે, જઈ ઈ આપડા બધાય પવિત્ર લોકોની હારે પાછા આયશે, તો તેઓ પોતાના પરમેશ્વર બાપની હામે પવિત્રતામાં નિરદોષ ઠરશે.