Bìoball air-loidhne

Mǒhtûlû̌hǎhtûsa 5 - Kawyaw New Testament

Khûada akhlialè lò̤tutṳ̌ tǒ̤dǒ Khûnṳ̂̌a

¹ Lî̤ hǒnumî̌ ta̤wě̤mǎnǎ ǐ PhaAda akhlialè lò̤tutṳ̌ sîtokhlǒ awe̤akè. Bǎ Cǒmaradû̌ bô̌lò̤ kòyòhǎkhû̌phû̌ akhanu a bô̌lò̤ asî asô̌sô̌kû̌ anǎ̤.

² A bô̌lò̤ pwa̤mǒ̤ kû̌ pwa̤khû dě a ǐshowî̤ asî. Dǒ a bô̌ hto asî akhanu, a kaǎ asîmi̤ kû̌, “Kòyòhǎkhû̌phû̌.”

³ Bǎ PhaAda něô̌ tôya̤ kû̌ sushi akhanu, a phû̌ô̌ phû̌pwa̤khû tôpwa̤ dǒ asô̌sô̌kû̌ anǎ̤ dě a kaǎ ǐ lû̌mi̤ kû̌ Khûshěta.

⁴ Bǎ Khûshěta ô̌phijǎlò̤ htodě Phaada ô̌htûpwa̤ sělě pô̤̌ aně ayalǐ̤sô̌, dě a phû̌ô̌ pô̤̌ phû̌pwa̤mǒ̤ phû̌pwa̤khû sîtokhlǒ.

⁵ Lǒ̤bònu, PhaAda ô̌htûpwa̤ aně lǐ̤sô̌taya kû̌ sushi dě a sikè.

⁶ Bǎ Phashěta něô̌ tôya̤ kû̌ yè̤̌ně akhanu, a phû̌ô̌ aphû̌pwa̤khû dǒ ami̤ kû̌ Khûěnû̌.

⁷ Bǎ Phashěta phû̌ô̌ hto Khûěnû̌ dě a ô̌htûpwa̤ sělě pô̤̌ ayalǐ̤sô̌ kû̌ susô̌tôně, dě a phû̌ô̌nǐ̤ pô̤̌ phû̌pwa̤mǒ̤ phû̌pwa̤khû sîtokhlǒ.

⁸ Lǒ̤bònu, Phashěta ô̌htûpwa̤ aně lǐ̤sô̌taya kû̌ shǐginǐ̤ně dě a sikè.

⁹ Bǎ Khûěnû̌ ně ô̌ lǐ̤sô̌tishi akhanu a phû̌ô̌ Khûkenǎ.

¹⁰ Bǎ Phaěnû̌ phû̌ô̌ hto Khûkenǎ dě a ô̌htûpwa̤ hènè pô̤̌ ya̤lǐ̤sô̌ kû̌ shǐyè̤̌ně, dě a phû̌ô̌ nṳ̌pô̤̌ phû̌mǒ̤phû̌khû dǒ ashǔshawa̤ tokhlǒ.

¹¹ Lǒ̤bò Khûěnû̌ ô̌htûpwa̤ a ně lǐ̤sô̌taya kû̌ yè̤̌ně dě a sikè.

¹² Bǎ Khûkenǎ aně ô̌ susô̌tishi akhanu a phû̌ô̌ Khûmahalela.

¹³ Dě bǎ a phû̌ô̌ hto Khûmahalela nu, a ô̌htûpwa̤ sělě pô̤̌ aně ayalǐ̤sô̌ kû̌ lǐ̤shi dě a phû̌ô̌ pô̤̌ phû̌mǒ̤phû̌khû dǒ ashǔshawa̤ tokhlǒ.

¹⁴ Phakenǎ ô̌htûpwa̤ aně lǐ̤sô̌taya̤ kû̌ shǐ dě a sikè.

¹⁵ Bǎ Phamahalela ně ô̌ shǔshi kû̌ yè̤̌ně akhanu a phû̌ô̌ Khûjarè̌.

¹⁶ A phû̌ô̌ hto Khûjarè̌ dě a ô̌htûpwa̤ sělě pô̤̌ aně ya̤lǐ̤sô̌ kû̌ sushi dě a phû̌ô̌ pô̤̌ aphû̌mǒ̤phû̌khû dǒ ashǔshawa̤ tokhlǒ.

¹⁷ Phamahalela ô̌htûpwa̤nṳ̌ ya̤lǐ̤sô̌ kû̌ lǐ̤sô̌tishi kû̌ yè̤̌ně dě a sikè.

¹⁸ Bǎ Phajarè̌ aně ô̌ tôya̤ kû̌ shishǔshi kû̌ ginǐ̤ně akhanu, a phû̌ô̌ Khûěnò̌.

¹⁹ Bǎ Phajarè̌ phû̌ô̌ hto Khûěnò̌nu, a ô̌htûpwa̤ sělě pô̤̌ aně ya̤lǐ̤sô̌ dě aphû̌ô̌ pô̤̌ phû̌mǒ̤phû̌khû dǒ ashǔshawa̤ tokhlǒ.

²⁰ Phajarè̌ ô̌htûpwa̤nṳ̌ aně lǐ̤sô̌taya kû̌ shǔshi kû̌ ginǐ̤ně dě a sikè.

²¹ Bǎ Phaěnò̌ aně ô̌ shǔshi kû̌ yè̤̌ně akhanu, a phû̌ô̌ Khûmatǔshelǎ.

²² Bǎ a phû̌ô̌ hto Khûmatǔshelǎ akhanu, a ô̌htûpwa̤ bǒsû̌khǎkhô kû̌ Cǒmaradû̌ aně suya̤ dě a phû̌ô̌ nṳ̌pô̤̌ phû̌pwa̤mǒ̤ phû̌khû dǒ ashǔshawa̤ tokhlǒ.

²³ Phaěnò̌ ô̌htûpwa̤ aně suya̤ kû̌ shǔshi kû̌ yè̤̌ně.

²⁴ Phaěnò̌ ô̌htûpwa̤ bǒsû̌khǎkhô anǎ̤ kû̌ Cǒmaradû̌ htodě a hǎmǎkè tûû̌, ma̤titèhî̌dě Cǒmaradû̌ kaǎhtò̌kè yǎ.

²⁵ Bǎ Phamatǔshelǎ ně ô̌ tôya̤ kû̌ shǐlǐ̤sô̌ kû̌ susô̌tôně akhanu, a phû̌ô̌ Khûlamè̌.

²⁶ Phamatǔshelǎ phû̌ô̌ hto Khûlamè̌ dě a ô̌htûpwa̤ pô̤̌ aně susô̌taya̤ kû̌ shilǐ̤sô̌ kû̌ ginǐ̤ně dě aphû̌ô̌ pô̤̌ phû̌pwa̤mǒ̤ phû̌khû dǒ ashǔshawa̤ tokhlǒ.

²⁷ Phamatǔshelǎ ô̌htûpwa̤ aně lǐ̤sô̌taya kû̌ shisusô̌ kû̌ lǐ̤sô̌tôně dě a sikè.

²⁸ Bǎ Phalamè̌ něô̌ tôya̤ kû̌ shilǐ̤sô̌ kû̌ ginǐ̤ně akhanu, a phû̌ô̌ aphû̌ pwa̤khû tôpwa̤.

²⁹ Dě a kaǎ ǐ lû̌mi̤ kû̌ Khûnṳ̂̌a dě a hî̌ ǐtûû̌ yô̤̌sǎyô̤̌mû kû̌, “Hǎkhû̌ dǒ Cǒmara tûjû̌pwa̤ ǐshokè anu nî̌, pa bǎ wè̤ǎ lòdô̌lòde, bǎ wè̤jî̌wè̤jû̌ dě phû̌pwa̤khû nutôpwa̤ gǔ ma̤mô̤ma̤phi ge sô̌ pasǎphlǒ pě,” a hî̌ ǐtûû̌ pô̤̌nu.

³⁰ Phalamè̌ phû̌ô̌ hto Khûnṳ̂̌a dě a ô̌htûpwa̤ sělě pô̤̌ aně yè̤̌ya kû̌ lǐ̤sô̌tishi kû̌ yè̤̌ně dě phû̌ô̌ pô̤̌ phû̌mǒ̤phû̌khû dǒ ashǔshawa̤ tokhlǒ.

³¹ Phalamè̌ ô̌htûpwa̤ aně susô̌taya̤ kû̌ susô̌tishi kû̌ susô̌tôně dě a sikè.

³² Bǎ Phanṳ̂̌a a něô̌ yè̤̌ya̤ akhanu, a phû̌ô̌ Khûshemǎ kû̌ Khûhamǎ kû̌ Khûyaphè̌.

« Roimhe

Air adhart »

Wycliffe USA

The Seed Company

Lean sinn:

Ceanglaichean taic

Sanasan