Matěo 1 - Kawyaw New Testament

Yeshǔ akhlialè a ta̤wě̤mǎnǎ

¹ Lî̤ hǒo numî̌ a wě̤mǎnǎ Yeshǔ Khrǐ akhlialè dǒ a lò̤ tutṳ̌ tokhlǒ awe̤akè. A mî̌ akhlialè tuculò̤ kû̌ Khwǐdawi̤ kû̌ PhaAbraha.

² Khûabraha aphû̌lò̤ tutṳ̌ KhûIsè̌, KhûIsè̌ aphû̌lò̤ tutṳ̌ Khûya̤kû, Khûya̤kò aphû̌lò̤ tutṳ̌ Khûyǔda kû̌ apṳ̌awè̤̌ tokhlǒ.

³ Khûyǔda aphû̌lò̤ tutṳ̌ Khûpharè̌ kû̌ Khûsěro, asî sò̌ginǐ̤ amǒ̤ mî̌ ami̤ kû̌ Mǒ̤tama. Khûpěrasa aphû̌lò̤ tutṳ̌ Khûhesarû, Khûhesarû aphû̌lò̤ tutṳ̌ Khûrama,

⁴ Khûrama aphû̌lò̤ tutṳ̌ Khûamǐnadǎ, Khûamǐnadǎ aphû̌lò̤ tutṳ̌ Khûnashû, Khûnashû aphû̌lò̤ tutṳ̌ Khûsalamû,

⁵ Khûsalamû aphû̌lò̤ tutṳ̌ Khûbò̌sa dǒ amǒ̤ mi̤ kû̌ Mǒ̤rakhǎ, Khûbò̌sa aphû̌lò̤ tutṳ̌ Khûò̌be dǒ amǒ̤ mi̤ kû̌ Mǒ̤rǔtǎ, Khûò̌be aphû̌lò̤ tutṳ̌ Khûyeshè.

⁶ Khûyeshè mî̌ Khwǐdawi̤ aphanu. Khwǐdawi̤nu aphû̌lò̤ tutṳ̌ Khûshò̌lômû dě amǒ̤ mî̌ Khûǔrǐya amanu.

⁷ Khûshò̌lômû aphû̌lò̤ tutṳ̌ Khûrehûbò, Khûrehûbò aphû̌lò̤ tutṳ̌ Khûabǐya, Khûabǐya aphû̌lò̤ tutṳ̌ Khûasha,

⁸ Khûasha aphû̌lò̤ tutṳ̌ Khûyahòshôphǎ, Khûyahòshôphǎ aphû̌lò̤ tutṳ̌ Khûcò̌ra, Khûcò̌ra aphû̌lò̤ tutṳ̌ Khûusǐya,

⁹ Khûusǐya aphû̌lò̤ tutṳ̌ Khûjû̌ta, Khûjû̌ta aphû̌lò̤ tutṳ̌ Khûakhǎ, Khûakhǎ aphû̌lò̤ tutṳ̌ Khûhî̌shakiya,

¹⁰ Khûhî̌shakiya aphû̌lò̤ tutṳ̌ Khûmanǎ̤she, Khûmanǎ̤she aphû̌lò̤ tutṳ̌ Khûamṳ̂, Khûamûna aphû̌lò̤ tutṳ̌ Khûjûshǐya,

¹¹ Khûjûshǐya aphû̌lò̤ tutṳ̌ Khûyekhò̌niya kû̌ apṳ̌wè̤̌ tôprṳ̂. Shěkhǎnu atô bǎ Isôrělaphû̌ cû̌htû jû̌ dǒ Babǔlûgǎ nò̌khôtô̤̌ alô̤mô̤̌ tîkî̌phû̌ akhanu.

¹² Bǎ a cû̌ ô̌ dǒ Babǔlûgǎ akhanu, Khûyekhò̌niya aphû̌lò̤ tutṳ̌ Khûshělatiělǎ, Khûshělatiělǎ aphû̌lò̤ tutṳ̌ Khûserǔbabelǎ.

¹³ Khûserǔbabelǎ aphû̌lò̤ tutṳ̌ Khûabihǔ, Khûabihǔ aphû̌lò̤ tutṳ̌ Khûělayaki, Khûělayaki aphû̌lò̤ tutṳ̌ Khûashò,

¹⁴ Khûashò aphû̌lò̤ tutṳ̌ Khûshadû, Khûshadû aphû̌lò̤ tutṳ̌ Khûakhi, Khûakhi aphû̌lò̤ tutṳ̌ Khûělǐhu,

¹⁵ Khûělǐhu aphû̌lò̤ tutṳ̌ Khûěliyasa, Khûěliyasa aphû̌lò̤ tutṳ̌ Khûmasana, Khûmasana aphû̌lò̤ tutṳ̌ Khûya̤kû,

¹⁶ Khûya̤kû aphû̌ô̌ lò̤ tutṳ̌ Khûyṳ̂tǎ dǒ a mî̌ Mǒ̤ma̤rǐ awṳ̂ nuhǒ. Mǒ̤ma̤rǐ phû̌ô̌nǐ̤ Yeshǔ dǒ kòyò kaǎ a kû̌ Khrǐ nuhǒ.

¹⁷ Ma̤pô̤̌nudě sahtò̌ bǎ PhaAbraha ahtukha tǒ̤dǒ Khûdawi̤ ahtukha numî̌ a ô̌ shǐlǐ̤htu. Sahtò̌ bǎ Khûdawi̤ htukha tǒ̤dǒ kòyò pṳ̂̌ cû̌kè Isôrělaphû̌ dǒ Babǔlûgǎ numî̌ a ô̌ shǐlǐ̤htu. Sahtò̌ bǎ kòyò pṳ̂̌cû̌kè Isôrělaphû̌ dǒ Babǔlûgǎ tǒ̤dǒ Khrǐ ahtukha numî̌ a ô̌ shǐlǐ̤htu.

Běcǎ Yeshǔ Khrǐ ô̌phijǎlò̤ awe̤akè

¹⁸ Yeshǔ Khrǐnu a hè ô̌phijǎlò̤ hî̌tè numî̌, Khûyṳ̂tǎ nî̌ a hè gwè̌ shû̌dè hto Yeshǔ Khrǐ amǒ̤ Mǒ̤ma̤rǐ dǒ a gǔ phî̌ lû̌ûnu. Bǎbǎkǎlè bǎ a phî̌ lû̌û nò̌khôtô̤̌ akhanu, Cǒmara dǐmǒ̤dohtò̌ lû̌û kû̌ Yôla Plò̌shǐ Běcǎ.

¹⁹ Khûyṳ̂tǎ mî̌ kòyò dǒ acǒatè̤ tôpwa̤, htokhôtô̤̌ hî̌pěmî̌ kòyò sî̌ganǎ̤ hè̌ dě Mǒ̤marǐ sòwò̤̌hè̌ a gènè̤ akhû̌akhî, a glè̌ bè̌kèhǔsè̌ lû̌û.

²⁰ A gènè̤ pô̤̌nu bǎbǎkǎlè, bǎ a hǎmôô̌ akha, a hǎmimò̤̌ kè̌shǐ Běcǎ Cǒmara a mǒkhû̌ tanaphû̌ tôpwa̤, hèô̌lṳ̌htò̌ bǎ lû̌û dě a hî̌ lû̌û kû̌, “Phadawi̤ aphû̌khû Khûyṳ̂tǎ, bǎgû̌bǎgè̌ tǎ̤ dǒ na gǔ phî̌ Mǒ̤ma̤rǐnu tǎ̤mǎ̤, ma̤titè̌hî̌dě, a mǒ̤do numî̌ Yôla Plò̌shǐ Běcǎ dǐmǒ̤dohtò̌ lû̌û pwǎ.

²¹ A phû̌ô̌lò̤ phû̌pwa̤khû pě dě na bǎ kaǎ ami̤ kû̌ Yeshǔ nî̌. Ma̤titèhî̌dě a ma̤hǎplǎgekè a kòyò tokhlǒ dǒ a ta̤sǔta̤plě akû pě.”

²² Lǒ̤꤮ bò ta̤hǒtokhlǒ gǔ ma̤lǒhtò̌behtò̌ Cǒmara hî̌nǎ piwi̤pèshè tôpwa̤ hî̌ kû̌,

²³ “Pwa̤mǒ̤phû̌sǎ tôpwa̤ bǎ mǒ̤dohtò̌ dě a phû̌ô̌lò̤ a phû̌pwa̤khû pě, dě kòyò kaǎ ami̤ kû̌ Emanuěla pě,” Emanuěla yô̤̌mûyô̤̌sǎ mî̌, “Cǒmara ô̌cu kû̌ pa.”

²⁴ Bǎ Phayṳ̂tǎ shî̌nǎ akha, a ma̤pô̤̌ Běcǎ a mǒkhû̌ tanaphû̌ mǎnǎnu. A geshôdè̌ kû̌ Mǒ̤marǐ dě a kaǎge lû̌û dǒ ahǐ.

²⁵ Bǎbǎkǎlè bǎ Mǒ̤marǐ phû̌ô̌ aphû̌pwa̤khû nutôpwa̤ nò̌khôtô̤̌nu, a hǎmôô̌ plǒ kû̌ lû̌û tô̤̌. Phayṳ̂tǎ kaǎ ami̤ kû̌ Yeshǔ.