Htû̌sò̌htò̌ 23 - Kawyaw New Testament

Cǒmara tûjû̌pwa̤ mî̌ pwa̤kè̌ǐ sû̌phû̌ dǒ awô̌

Khwǐdawi̤ ata̤sǎwǐ

¹ Cǒmara tûjû̌pwa̤ mî̌ pwa̤kè̌pǒ̤ǐ he sô̌sô̌kû̌ kò kè̌ǐ sû̌phû̌. Ta̤ dǒ he lǎ̤lṳ̂ tokhlǒnu he ta ô̌bò.

² A dǐ hǎmôô̌ he dǒ mi̤sulǎkhû̌. A sûcû̌ he dǒ shilô̤̌ alò̤ sǎdô ahtu.

³ A ǐshû̌htò̌shohtò̌ he ta̤htûpwa̤ akhû̌ǎ. Dǒ ta̤bè̌dubè̌nǎ̤ ami̤dû̌ ayanu, a sûcû̌ he dǒ klè̌cǒklè̌tè̤.

⁴ He cû̌tǒ̤ dǒ ta̤khǐta̤lo̤ ta̤si gûlǎ̤ bǎbǎ, na ô̌ kû̌ he akhû̌akhî, he ǐsha tôcǒ tô̤̌. Na nò̌po̤ kû̌ na nò̌htǒ ma̤mô̤ǐ he.

⁵ Na tîwî̌tòwò lǒbe bǎ he shǎǎshǎô dǒ pwa̤sǎkhě he tokhlǒ alô̤mô̤̌. Na plṳ̌ bǎ he ikǒ kû̌ mòû̌shi, he balě mî̌ abetǐpǐ.

⁶ Ta̤wî̤ta̤wô̌ kû̌ ta̤mô̤ta̤bǎ gû̌ lṳ̂ kû̌tû̌ he dǒ he ta̤ô̌htûpwa̤ tôhtukòyò akû pě. He ô̌ dǒ Cǒmara tûjû̌pwa̤ ahǐ tûjû̌pwa̤ talakhǎ pě.