Htû̌sò̌htò̌ 15 - Kawyaw New Testament

Cǒmaradû̌ kwi titè?

Khwǐdawi̤ ata̤sǎwǐ htû̌sò̌htò̌

¹ Ǒ꤮ Cǒmara tûjû̌pwa̤, mò̌pè tôpwa̤ gǔ hènṳ̌ dǒ na ta̤lṳhtò̌hôkû pě? Mò̌pè tôpwa̤ glè̌ hècabahtò̌ na dě nakhôlôplò̌shǐ khôlô sǐûkhû̌ nupě?

² Kòyò nutokhlǒ mî̌ kòyò dǒ kòyò bè̌ jò pe lû̌û ta̤sǔ tô̤̌, A mî̌ ta̤cǒta̤tè̤, A hî̌bǎcǒhî̌bǎtè̤ yô̤̌ pwǐ aô̌ dǒ lû̌û sǎphlǒkû.

³ A dô̌ kòyô̤ tôkhò̌꤮ tô̤̌, A ma̤sǔma̤plě kû̌ asû̌akhô tô̤̌, A ǐshoǐbě ahǐphòkòshî̌ tô̤̌ nutokhlǒ hǒ.

⁴ Kǎtô̤̌ kòyò dǒ a sǎyṳ kòyò sǎphlǒphû̌mò̤shî̌htô dě Cǒmaradû̌ wîkè asî nutokhlǒ, Dě a bè̌dû̌bè̌htû kòyò dě a ǐsha dě bè̌dubè̌nǎ̤ Cǒmara tûjû̌pwa̤ nutokhlǒ, A wṳ̂̌dò hto ayô̤̌ dě a gǔ ma̤ tôcǒcǒ dě apò̤̌asha pwî̌tè꤮ bǎbǎ a ma̤ mî̌ca pô̤̌ a wṳ̂̌dò hto nutokhlǒ,

⁵ A nobǒ kû̌ kòyò aru kû̌ aphû̌ tô̤̌, Kòyòsǎphlǒkěshô̌ ma̤ǎ lû̌ ru dě ma̤shǔ kòyò ta̤sǔô̌tô̤̌ dě a phî̌shǔ kû̌ kòyò tô̤̌. Kòyò dǒ ama̤ pô̤̌nu tôpwa̤nu a ô̌měô̌gle tûjû̌꤮ pwa̤ pě.