Htû̌sò̌htò̌ 148 - Kawyaw New Testament

Ta̤bǎbô̌ lǒ̤꤮ bò sî htû̌sò̌htò̌ Cǒmara tûjû̌pwa̤

¹ Htû̌sò̌htò̌ lô̌khô Cǒmara tûjû̌pwa̤. Ta̤bô̌lò̤ ô̌ dǒ mǒkhû̌ tokhlǒ htû̌sò̌htò̌ mò̌ Cǒmara tûjû̌pwa̤. Ta̤bô̌lò̤ ô̌ dǒ mǒkhû̌ htò̌yô̤̌lǒ tokhlǒ htû̌sò̌htò̌ mò̌ yǎ.

² A tanamǒkhû̌phû̌ lǒ̤꤮ bò kû̌ aklisaprṳ̂ ô̌ dǒ mǒkhû̌ lǒ̤꤮ bò sî, htû̌sò̌htò̌ lô̌khô yǎ.

³ Lṳmṳ̌, la kû̌ shǎ dǒ alîkakha lǒ̤꤮ bò sî, htû̌sò̌htò̌ lô̌khô yǎ.

⁴ Mǒkhû̌ htò̌yô̤̌lǒ nutôkû kû̌ shi ô̌ dǒ mǒkhû̌ tokhlǒ sî, htû̌sò̌htò̌ lô̌khô yǎ.

⁵ Bǎ a hî̌bǎlò̤ ayô̤̌ akhanu, asî htûhtò̌ bò akhû̌akhî, no htû̌sò̌htò̌bò asî kû̌ Cǒmara tûjû̌pwa̤ ami̤.

⁶ A bè̌měbè̌gle ta̤bô̌lò̤ lǒ̤꤮ bò tûjû̌pwa̤. Ata̤mǎlò̤nu a pî̌kèjò tô̤̌.

⁷ Ta̤ ô̌ dǒ hǎkhû̌, ta̤bô̌lò̤ ô̌ dǒ shidû̌tewe̤kû, shi lò̤yô̤̌kû lǒ̤bò sî,

⁸ Mî̌ kû̌ siwǐ̤jǐ, shicòphô kû̌ poǒlṳ̌, gili̤sǎdû̌hè dǒ a ganǎ̤de lû̌ûyô̤̌ lǒ̤bò sî,

⁹ Khôlôdû̌khôlôhtû, khôplǔ, sǒmṳ̌ dǒ a sǎhtò̌jò, sǒmṳ̌ lǒ̤꤮ bò sî,

¹⁰ Lǒ̤bò ta̤mi̤ta̤mò̤̌ dǒ aplò̤, ta̤phû̌ta̤wè̤ dǒ anò̤, lǒ̤bò ta̤phû̌ta̤wè̤ dǒ adû̌dû̌ apî̌tî̌tî̌, htû̌patǐ dǒ awi̤ lǒ̤bò sî,

¹¹ Khwǐ, pwa̤htû ikǒlǒkò, pwa̤pǒshipǒgǎ kû̌ khlilèphû̌ ô̌ dǒ hǎkhû̌ lǒ̤꤮ bò sî,

¹² Pwa̤khûphû̌sǎ, pwa̤mǒ̤phû̌sǎ, mǒ̤khumǒ̤pwǎ̤ kû̌ phijǎphû̌ sî, htû̌sò̌htò̌ lô̌khô Cǒmara tûjû̌pwa̤.

¹³ No htû̌sò̌htò̌bò asî kû̌ Cǒmara tûjû̌pwa̤ ami̤nu. Mi̤ dǒ adû̌ahtû numî̌ tǒ̤꤮ pwǎ ami̤ hǒo nô̤̌ hǒ. A mî̌ asîrîdû̌sîrîhtû khlo kû̌ hǎkhû̌ kû̌ mǒkhû̌.

¹⁴ Pô̤̌khô kòyò glè̌ bè̌dubè̌nǎ̤ Cǒmaradû̌ a kòyò Isôrě̤laphû̌ dǒ a cǒ kû̌ ayô̤̌ sî, a ô̌phǔ kû̌ lû̌û nutokhlǒ ayanu, a ma̤ shohtò̌shû̌htò̌ nǐ̤ asî. Htû̌sò̌htò̌ lô̌khô Cǒmara tûjû̌pwa̤.