Htû̌sò̌htò̌ 133 - Kawyaw New Testament

Ta̤ô̌plǒô̌culû̌ abwǐsîrî

Bǎ kòyò tokhlǒ gehtò̌ lô̌khô dǒ Wî̤̌yarǔshôle ta̤lṳhtò̌hôkû akhanu, a sǎwǐ lô̤khô ta̤sǎwǐ nutôshǒ. Khwǐdawi̤ ata̤sǎwǐ htû̌sò̌htò̌.

¹ Pṳ̌wè̤khlilè sîtokhlǒ sǎphlǒtô kè̌khîlû̌û numî̌ awî̤awô̌, amô̤꤮ mî̌ca.

² Ta̤ô̌plǒô̌cu lû̌û pô̤̌numî̌ a asô̌sô̌kû̌ kòyò lò̌lò̤ htǒshi aplò̌shǐ lě̤dû̌pwî̤dû̌ dǒ pwa̤lṳta̤ikǒdû̌ Pha Arṳ̂ ikǒlô̤. A sǐlò̤ tǒ̤ dǒ lû̌û khǎshû̌lô̤, tǒ̤ dǒ lû̌û jejûhtû agô̌bôlô̤.

³ A asô̌sô̌kû̌ shicò lò̤tě̤ dǒ Heramṳ̂ khôlô dě a lò̤ pô̤̌ dǒ Sǐû khôlôkhû̌nu. Bǎnu tôkû mî̌ Cǒmara tûjû̌pwa̤ olò̤ a kòyò tokhlǒ kû̌ a gǔ ǐ asî ta̤ǐshowî̤ amè̤̌ ta̤ô̌htûpwa̤ tûjû̌pwa̤.