Htû̌sò̌htò̌ 13 - Kawyaw New Testament

Kwihtò̌ ta̤ma̤jè̌ dǒ Cǒmara tûjû̌pwa̤ aô̌

Khwǐdawi̤ ata̤sǎwǐ htû̌sû̌htò̌. Ta̤sǎwǐ mî̌ pwa̤sǎwǐ ta̤ tokhlǒ aikǒ dǒ ta̤lṳhtò̌hôkû nutôpwa̤ aya.

¹ Ǒ Cǒmara tûjû̌pwa̤, na glè̌ shôpe̤ yî̤ he pwî̌tè? Tûjû̌pwa̤ pěya? Na glè̌ htû̌tiwǐ yî̤kè he pwǐtè?

² He bǎ khòjî̌khòjû̌ gènè̤ gû̌gè̌yî̤ pe pwǐtè? Pṳ̂̌ni̤pṳ̂̌sa꤮ he bǎ sǎpla̤nǎbǎ, he bǎ khòbǎ yî̤ pe pwî̌꤮ tè? Pwa̤khû̌khwè he tokhlǒ ma̤pè̤̌ yî̤ pô̤̌ he pwǐ꤮ tè?

³ Ǒ꤮ he Cǒmara tûjû̌pwa̤, he Běcǎdû̌, htû̌tiwǐkè̌tô he, ganǎ̤de he ta̤kwigwèbǎǐ na hǒo. Ǐshohtò̌shû̌htò̌ ge sô̌ hekhû̌heǎ, tô̤̌mî̌ he si hǒ.

⁴ Na kè̌ ma̤ bǎ hetô̤̌ hî̌mî̌, pwa̤khû̌khwè he tokhlǒ gǔ hî̌ kû̌, “Pa pè̤̌ a hǒ” hǐnu pě. Bǎ he gònò̤̌gèglè akha asî sǎle̤sǎlò̤ mî̌ca pě.

⁵ He yṳ̌ǎnǎla̤ǐ mî̌ca na ta̤mô̤ǐ dǒ ahǎbòjò tô̤̌. Na ma̤hǎplǎge he akhû̌akhî, he sǎlě̤sǎlò̤ mî̌ca.

⁶ Cǒmara tûjû̌pwa̤ wô̌ mî̌ca dǒ heya akhû̌akhî, he gǔ sǎwǐhtû̌sò̌htò̌ Cǒmara tûjû̌pwa̤.