Htû̌sò̌htò̌ 128 - Kawyaw New Testament

Ta̤ǐshôwî̤ mî̌ a ô̌ dǒ ta̤jûǎ Cǒmara ayô̤̌ ahè

Bǎ kòyò tokhlǒ gehtò̌ lô̌khô dǒ ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ.

¹ Lǒ̤꤮ bò kòyò dǒ a ǐsha bè̌dubè̌nǎ̤ Cǒmara tûjû̌pwa̤ dě a gû̌ kû̌ pô̤̌ Cǒmara aklè̌aklò tokhlǒ numî̌ a nǐ̤bǎ ta̤ǐshôwî̤.

² Naǎnawè̤ dě na ǎnô̌ asǎaphô. Na sǎlě̤sǎlò̤ ǎbǎôbǎ pě.

³ Na ma phû̌ô̌plṳ̂ô̌wô̤̌ asô̌sô̌kû̌ sîpî̌mṳ̌ sǎshò̌. Naphû̌mǒ̤phû̌khû glè̌ ô̌tewe̤bò kû̌ nalǎ̤ǎdî gògǒ asô̌sô̌kû̌ òlǐbamṳ̌ dô̌jǎhtò̌ dû̌wî̤nu.

⁴ Kòyò dǒ a ǐsha bè̌dubè̌nǎ̤ Cǒmara tûjû̌pwa̤nu a nǐ̤bǎ mè̤̌caca ta̤ǐshôwî̤ pô̤̌nu.

⁵ Cǒmara tûjû̌pwa̤ ô̌ dǒ Sǐû khôlô Dě a ǐshowî̤ pû na nî̌꤮. Na kè̌shǐ Wî̤̌yarǔshôle ata̤wî̤ta̤wô̌ tûjû̌pwa̤ pe nî̌꤮.

⁶ Na kè̌shǐ pô̤̌ pû nali̤ pě nî̌. Ta̤ô̌mô̤ô̌phi ô̌ pû kû̌ Isôrě̤laphû̌ pě nî̌꤮.