Htû̌sò̌htò̌ 126 - Kawyaw New Testament

Ta̤kwicaba dǒ ta̤ma̤hǎplǎge aya

Bǎ kòyò tokhlǒ ihtǒ lô̌khô dě Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutoshǒ.

¹ Cǒmara tûjû̌pwa̤ kaǎge tîkhîsô̌ pa bǎ Wî̤̌sǐû pěnu, pa gènè̤ bǎ tôkhò̌꤮ tô̤̌.

² Pa sǎyǎ̤ sǎlě̤sǎlò̤ sǎwǐsǎshô̌ bò. Khlilèphû̌ dǒ ashǔshawa̤ tokhlǒ hî̌ lô̌khô kû̌, “Cǒmara tûjû̌pwa̤ ma̤ bǎ mî̌ca asînu acô̌klî̌cô̌sè mî̌ca.”

³ Cǒmara tûjû̌pwa̤ ma̤ ta̤cô̌klǐcô̌sè dǒ paya. Pa sǎlě̤sǎlò̤ mî̌ca.

⁴ Ǒ꤮ Cǒmara tûjû̌pwa̤, pô̤̌ shilô̤̌phû̌ tokhlǒ ma̤jè̌ bǎ gesô̌ gǎshashigǎkhû̌nu, kaǎtîkhî sô̌ pa kòyò dǒ kòyò pṳ̂̌cû̌kè lû̌ûnu.

⁵ Kòyò dǒ a shǒǐma̤ǐ ta̤khli kû̌ mǐ̤sǎshi tokhlǒnu, A kǎgeǐ sô̌ ta̤sǎta̤phô kû̌ ta̤sǎlě̤sǎlò̤.

⁶ Kòyò dǒ a hǎhtò̌cû̌ kû̌ ta̤hǎta̤wô dě a cû̌wǐ̤lò̤ ta̤khli tokhlǒ nu, A sǎlě̤sǎlò̤ phǐgenṳ̌ sô̌ mè̤̌caca sǒsusǒsǎ.