Htû̌sò̌htò̌ 124 - Kawyaw New Testament

Cǒmara takabǐnṳ̌ a kòyò

Bǎ kòyò tokhlǒ ihtǒ lô̌khô dě Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ hǒtôshǒ. Khwǐdawi̤ ata̤sǎwǐ htò̌sò̌htò̌.

¹ Cǒmara tûjû̌pwa̤ kè̌ ô̌ dǒ pa tôkhô tô̤̌ mî̌, a htûhtò̌ kèbò hětè? No hî̌tîkhî sô̌ Isôrě̤laphû̌ tokhlǒ.

^2-3 Bǎ pwa̤sǎkhě pa tokhlǒ hèshě pa dě asî sǎphlǒdû̌ jî̌jî̌ pa akhanu, Cǒmara tûjû̌pwa̤ kè̌ ô̌ dǒ pa tôkhô tô̤̌ mî̌, pa sibò sô̌sô̌kû̌ ta̤mi̤ta̤mò̤̌ û̌yṳ̂genṳ̌ sahtûpwa̤bò pa nu.

⁴ Asî ma̤pî̌ma̤lṳ̂̌ panu asô̌sô̌kû̌ shidû̌ pěpǒshû̌ plǒbǐ bòkè pa.

⁵ Shilò̤shû̌lò̤sho htû̌lûcû̌ kèbò pa.

⁶ Cǒmara tûjû̌pwa̤ no ě htò̌yè̌htò̌pò̌ pa kû̌ pwa̤sǎkhě pa nutokhlǒ tô̤̌ akhû̌akhî, htû̌sò̌htò̌ lô̌khô yǎ.

⁷ Pa hǎplǎbò sô̌sô̌kû̌ htû̌ hǎplǎkè dǒ pwa̤lṳ̂ta̤mi̤ ayṳglǒkû. Yṳglǒ la̤gǎ kèbò dě pa hǎplǎkè.

⁸ Ta̤ma̤jè̌ dǒ paya numî̌ a hè dǒ Cǒmara tûjû̌pwa̤ amè̤̌kû̌ pwa̤ dǒ a bô̌lò̤ mǒkhû̌ kû̌ hǎkhû̌ nutôpwa̤ a ô̌.