Htû̌sò̌htò̌ 120 - Kawyaw New Testament

Ta̤kwicaba dǒ ta̤ma̤jè̌ aya

Bǎ kòyò tokhlǒ ihtǒ lô̌khô dǒ Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ.

¹ Bǎ he ô̌ dǒ ta̤pò̤̌ta̤shakû akhanu, he kwisǎyṳhtò̌ Cǒmara tûjû̌pwa̤ dě a ma̤jè̌ he.

² Ǒ Cǒmara tûjû̌pwa̤, ma̤hǎplǎkè he dǒ kòyò lòhǎlòhô, kòyòplò acǔdekû.

³ Ǒ kòyò lòhǎlòhô, Cǒmaradû̌ gǔ ma̤ sî hětè pě ya? A gǔ cî̌htò̌jî̌ klopû sî pwǐ tè pěya?

⁴ Pwa̤htò̌shěta̤ aplǎ̤ dǒ a htòwô̌bǎ tokhlǒ gǔ shěnṳ̌bò sînǎ̤. Kòyò gǔ shû̌u sî kû̌ mî̌klû̌ dǒ agè̌ li̤pi̤sǐ.

⁵ He cû̌ô̌ pô̤̌ shǐtèmè̤nu dǒ Mèshègǎ, he cû̌ ô̌ dǒ Khûkeda hǐphû̌kû akhû̌akhî, ajî̌ajû̌ mî̌ca he.

⁶ He cû̌ô̌ yî̤gîpî̤ kû̌ kòyò dǒ a sǎkhěkhû̌khwè ta̤pè̤̌ta̤dû.

⁷ He sǎyṳ pwǎtǒ̤ ta̤pè̤̌ta̤dû. Bǎ he hî̌bǎ ta̤pè̤̌ta̤dû akhanu, asî sǎyṳ còcè̌ pwǎ ta̤shěta̤pě̤.