Htû̌sò̌htò̌ 12 - Kawyaw New Testament

Kwihtò̌ ta̤ma̤jè̌ dǒ Cǒmara tûjû̌pwa̤ aô̌

Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤tokhlǒ aikǒlǒkò dǒ ta̤lṳhtò̌hôkû nutôpwa̤ aya. Bǎ dǒ lû̌kû̌ ta̤dǒta̤ǔ dǒ apli̤ô̌ abôlǐ̤sô̌ nutokhlǒ.

¹ Kǒ Cǒmara tûjû̌pwa̤ ma̤jè̌ pa, kòyòcǒkòyòtè̤ ô̌pe tô̤̌. Kòyò dǒ a cǒtè̤ kû̌ Cǒmaranu ahǎmǎ kèbò hǒ.

² Kò pṳ̂̌꤮ tôpwa̤ lòhô ǐbò ahǐphò kòshî̌. Asî hî̌bǎhtû̌sò̌ kè̌khî lû̌û.

³ Ǒ Cǒmara tûjû̌pwa̤, asîgô̌kû dě a hî̌bǎ htû̌sò̌, asîplî̤ dě a hî̌bǎhtò̌yî̤ nutokhlǒ ma̤ô̌kǔ sǔtukǔ kè asî.

⁴ Asî hî̌lǒkhô kû̌, “Dǒ pa hî̌bǎ lòhôjò yô̤̌ akhû̌akhî, pa hî̌ ma̤hî̌tètè̌ dě pa nǐ̤bǎ bò. “Pa sǎyṳ hî̌ titètè̌nu anǐ̤, kò lṳ̂bǎ htû sara dǒ pakhû̌ tôpwǎ̤꤮ tô̤̌.”

⁵ Cǒmara tûjû̌pwa̤ hî̌ kû̌, “Dǒ kò pè̤̌ǎpè̤̌ô pwa̤shèphǔshèwè̤phû̌, he ganǎ̤de kòyò shôdô ta̤ma̤jè̌ ata̤kookasha akhû̌akhî, khònò̤̌ he gǔ ihtǒma̤ ta̤tôcǒcǒ dě asîya. “He gǔ tugǔtakaǐ kòyò dǒ akè̌shunǎla̤ǐ he.”

⁶ Cǒmara tûjû̌pwa̤ ata̤olò̤wǎ̤lò̤ tokhlǒnu asǔ ô̌ tôcǒ꤮ tô̤̌. Asô̌sô̌꤮ kû̌ ruyî̌ dǒ kò ma̤phǔbû hto lû̌û kû̌ mî̌ susô̌ tôplǎ, dǒ khokû nuhǒ.

⁷ Kǒ Cǒmara tûjû̌pwa̤, na ma̤hǎplǎgekè pa, takaǐ kè̌ǐkhwè̌ǐ pa dě kòyòphû̌mò̤ nutokhlǒ acǔdekû tûjû̌pwa̤ pě.

⁸ Kòyòphû̌mò̤ tokhlǒnu, a cû̌ dǒ gûla̤ pṳ̂̌꤮ tûkû, kòyò htû̌sò̌ ǐ bò asî.