Htû̌sò̌htò̌ 11 - Kawyaw New Testament

Nǐ̤bǎ ta̤khuta̤he dǒ Cǒmara tûjû̌pwa̤ aô̌

Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤ tokhlǒ aikǒlǒkò dǒ ta̤lṳhtò̌hôkû nutôpwa̤ aya.

¹ He ô̌tûdû henǎ̤ kû̌ Cǒmara tûjû̌pwa̤. Na cû̌ hî̌ he kû̌, “Wi̤cû̌ ô̌ tûdûkè dǒ shǒkla sô̌sô̌kû̌ htû̌patǐnu,” hî̌tè?

² Kè̌mò̌, kòyòphû̌mò̤̌ wṳ̂htò̌ǐ nǎ akhlǐ. A bè̌htò̌ǐ nǎ aplǎ̤. Asî ihtǒô̌ lô̌khô dǒ akhǐkla, a mṳ̂cû̌ kû̌ kòyòcǒkòyòtè̤.

³ Bǎ kòyòphû̌mò̤̌ ma̤pî̌kè kòyòhǎkhû̌phû̌ lǎ̤klô ta̤sû̌ta̤tòwò akhanu, kòyòcǒkòyòtè̤ ma̤jò tôcǒ꤮ tô̤̌.

⁴ Cǒmara tûjû̌pwa̤ ô̌ dǒ ata̤lṳhtò̌hô plò̌shǐkû. A ô̌ dǒ mǒkhû̌ dě a pǒǐ ta̤. Kòyòwô̌ bǎbǎ, kòyò sǎphlǒ phû̌mò̤̌ bǎbǎ, Cǒmara ma̤kè̌kè̌bò asî ta̤phî̌ta̤ma̤.

⁵ Cǒmara tûjû̌pwa̤ ma̤kè̌kè̌ kòyò sò̌phlǒwô̌. A sǎkhě mî̌ca kòyòphû̌mò̤̌ kû̌ kòyò pè̤ǎpè̤ô kò nutokhlǒ.

⁶ A gu nojulò̤ mî̌ko gè̌lî̤pi̤sǐ kû̌ mî̌gè̌ yabò hǒo tokhlǒ dě kòyòphû̌mò̤̌ nutokhlǒ alô̤. Htokhôtô̤̌ a gǔ plè pô̤̌ asî dě a plûhè gili̤sǎ gûshětîklî̌ sô̌sô̌kèkû̌ mî̌ pwǐ atô kû̌ asî.

⁷ Cǒmara tûjû̌pwa̤ mî̌ acǒatè̤, a mô̤ǐ ta̤cǒta̤tè̤. Kòyòcǒkòyòtè̤ kè̌shǐ bǎ amǐ̤sǎ pě.