Titus 2 - Etestemente Epe ✠ 1951

ONTOPORUA 2. “Ehuvico rjomusita gueemuejo”

¹ Ndere ngueje popja ngashi tsh’ereka omarongo omaanaua.

² Nokutja aasamane naa kare aahidiriki, ja kare neemkaro eemhanaua, ja kora mehiteero, mohore no monteni.

³ Neemkaro daakurukadi nadi kare nga doka daajapuki. Kaa rundira Kaa shi eenkorue, haa kumagida kuuhanaua.

⁴ Ja ronge aakiintu aanjasha uunongo, okutja okuora aarumentu jauo naanona jauo.

⁵ Ja kare neendunge, aakoshoki, je neemkaro eemhanaua, je ore okukara megumbo, aanambiri, ja vurike kaarumentu jauo, opo ohapu ha Karunga kahi tshekue.

⁶ Naarumentu aanjasha ja kumagida, ja kare uo neemkaro eemhanaua.

⁷ Ndere ngueje muene gandja otshoorerua otshaanaua miironga iihanaua, merongo, muukoshoki no mesimano rjohe.

⁸ Ohapu hohe hi kare arushe neendunge, ho h’ukirira. Otsho omunandumbo a gugicue, ita vuru oku tu popira moneji.

⁹ Aapija naa vurike koojene jauo, je ja rongere nenjanju, kaa kare neembata.

¹⁰ Kaa kengerere, aaue, ja kare nga mboka taa vuru kuinekerua miinima ajishe, opo ja simaneke neemkaro dauo erongo rja Karunga omukuriri guetu.

¹¹ Oshoka oshenda ha Karunga omukuriri guetu oh’orokera aantu ajeshe.

¹² Ho tahi tu kumagida okueca odinokarunga nuuharu uopajuni, tu kare neemkaro eemhanaua, aajuki, tu na etirokarunga muujuni mbuka,

¹³ manka tua tega metegerero ndi ri nerago ehoroko rjehadimo rja Karunga ketu omunene, rjo rjomukuriri guetu Jesus Kristus.

¹⁴ Ngu a higandja he muene peshara rjetu e tu kurire kuuhineji aushe, tu ninge otshiguana tshe muene, tsha jera, shi tsha ar’okuronga uuhanaua.

¹⁵ Tsho otsho ngi ngueje popja kumagida, ja pukurura neenkondo. Ko kaku kare ngo te ku dini.