Kaaefesi 5 - Etestemente Epe ✠ 1951

ONTOPORUA 5. Omuapostoli ota kumagida aakriste je.

¹ Ningeni aahoreri ja Karunga ngashi ojana je aahorike.

² Endeni mohore ngashi Kristus kua e mu ore, he t’igandja moruetu oshura ombuanaua ho hezimba, ha pandikua ku Karunga.

³ Ndere oruhondero na keshe tuu onigi huurunde nenge omukona inagu tumburua nandodiro mokati keni ngashi tsh’oparera aajapuki.

⁴ Otsho kaku popiue eehapu desicoshoni, eehapu duurai, iireva juugoua, mbi kaji fere, aaue odo tuu ike doka domaamberero.

⁵ Shoka tshi tshiueni nauerera: omuhonderi, nakunigirikua kuurunde, omunamukona, ngu a f’omusimaneki guiimenka, ke nuuciga motshirongo tsha Kristus no tsha Karunga.

⁶ Kapu kare nand’ogumue te mu pukica neehapu douara, oshoka moru’iinima mbika ondjashi ha Karunga otahi ja kombanda haana jekukutiro.

⁷ Ano inamu kara puamue na jo.

⁸ Nare omua ri eemrema, nena omua ninga uujerere mu Muene. Endeni ong’aana juujerere.

⁹ Ndere otshihimati tshuujerere otsho ondjeerera keshe, nuujuki uotshiri.

¹⁰ Konakoneni shoka tsh’oparera Karunga.

¹¹ Kareni kamu na tsha niironga jeemrema, mbi kaji noruporo, aaue, ji njenjetereni.

¹² Shoka tsha rongua ku jo mehoramo, oku tshi tumbura ouara okuineji.

¹³ Ndere nge tsha njenjeterua, otsh’ororua kuujerere. Atshishe tsh’oroka otsho uujerere.

¹⁴ Otsho kua tirua: Penduka ngueje ua koca, ngueje jumuka kuusi. Kristus te ke ku minikire.

¹⁵ Ano, jamuameme, itareni ne mu ende nokukotoka, inamu f’aagoua.

¹⁶ Aaue, aantu aanandunge. Piticeni ecimbo koruporo rueni, oshoka omasiku omiineji.

¹⁷ Ano, inamu ninga aarai, aaue, kembadareni ne mu dimburure eharo rja Karunga.

¹⁸ Inamu korua komavinju. Otaku fara muurunde keshe. Kareni mu’uda Ombepo Ondjapuki.

¹⁹ Imbeni omapsalmi, nomaambererondjimbo, nomiimbiro gopambepo nokuimbira nokushikira Muene meemuenjo deni.

²⁰ Pandureni arushe Karunga Tate moru’ajishe medina rja Muene guetu Jesus Kristus.

²¹ Kareracaneni metiro rja Kristus.

²² Aakiintu naa vurike kaarumentu jauo ngashi ku Muene.

²³ Oshoka omurumentu ohe omutse guomukiintu ongashi Kristus ohe omutse gueklesia. Ohe omuhupici guorutu rue.

²⁴ Ndere ngashi eklesia hari vurika ku Kristus, tsh’otsho aakiintu naa vurike kaarumentu jauo miinima ajishe.

²⁵ Jarumentu, horeni aakiintu jeni, ngashi Kristus e hore eklesia rje, nokue ri igandjera.

²⁶ He e ri japura, he e ri jereka mekosho rjomeja no mohapu homuenjo.

²⁷ Opo ri kare rja simana motshipara tshe, kari nokapogodidi nenge ekui nenge otshinima tsha fa shika, aaue, rjo ri kare ejapuki, rja jera.

²⁸ Otsho aarumentu naa hore aakiintu jauo ngashi omarutu gauo jene. Ngu e hore omukiintu gue, he oku’ihore he muene.

²⁹ Oshoka kaku na ngu a tonda ojama he muene, aaue, ohe hi paruca, he he hi tekura, ngashi Kristus eklesia rje.

³⁰ Osse iikuarutu jorutu rue, konjama no komasipa ge.

³¹ Otsho omurumentu ta cigi po she na hina nde t’imangereke komukiintu gue. Jo mboka jaari taa ningi onjama himue.

³² Otshoorekua shika otshinene tuu, ondi tshi morua shoka tsha fa mu tsho Kristus neklesia.

³³ Otsho ano keshe gumue guomokati keni e hore omukiintu gue ngashi e hihore he muene. Ndere omukiintu na tire omurumentu gue.