Johannes 15 - Etestemente Epe ✠ 1951

ONTOPORUA 15. Jesus ti iti otshishua tshomavinju.

¹ Ongaje otshishua tshomavinju. Tate omurongi guotshikunino tshomavinju.

² Keshe otshitaji mu ngaje, shi itatshi imike iihimati, ote tshi tete ko, ndere shi tatshi imike iihimati, ote tshi jereke, opo tshe ete iihimati ji vure po.

³ Ne omua jera nare moru ohapu, ndji nde mu rombuera.

⁴ Kareni mu ngaje, ngaje ote kara mu ne. Ngashi ngaaka otshitaji itatshi vuru kuimica iihimati tsho jene, ng’itatshi kara komuti guatsho, otsho ngaa uo ngii ne itamu imike, ng’itamu kara mu ngaje.

⁵ Ongaje otshishua tshomavinjo, ne iitaji. Ngu ta kara mu ngaje, na ngaje mu he, oti imike iihimati ojindji, oshoka nge kamu na ndje, itamu pondora tsha.

⁶ Ng’omuntu ita kara mu ngaje, ote ekeruashi kondje a f’otshitaji, nde ta ganja, he ta toorua, tu umbirua momuriro, nde ta pi.

⁷ Nge tamu kara mu ngaje, ne tamu diginine eehapu dandje, otamu ki indire atshishe shi mua ara, nde tamu ke tshi peua.

⁸ Tate ota adimicua mu shi, sho tamu imike iihimati ojindji, ne tamu ningi aarongua jandje.

Otshipango tshohore.

⁹ Ngashi Tate e hore ndje, otsho ngaje uo ndi mu ore. Kareni mohore handje!

¹⁰ Nge tamu diginine iipango jandje, otamu ka kara uo mohore handje, ngashi ngaje uo nda ri nda diginina iipango ja Tate, na ngaje ote kara mohore he.

¹¹ Shino onde tshi mu rombuera, opo enjanju rjandje ri kare mu ne, rjo enjanju rjeni ri kare rja guana rja pua.

¹² Otsho otshipango tshandje shi, mu kare mu oracane, ngashi ngaje nda ri ndi mu ore.

¹³ Kapuna ngu e nohore hi vure ndjika, omuntu ta gandjere ookuume ke omuenjo gue.

¹⁴ One ookuume kandje, nge tamu rongo shi tandi mu rombuere.

¹⁵ Itandi mu ruku ne aapija jandje, oshoka omupija ke tshi, muene shi ta rongo. Onde mu ruka ookuume kandje, oshoka ajishe mbi ndu uva ku Tate, onde ji mu rombuera.

¹⁶ Ko ne muo ogorora ndje, aaue, ongaje nde mu ogorora onde mu tura po, mu he mu ihimike iihimati, jo iihimati ji kare po, opo Tate e mu pe ajishe, mbi tamu indire medina rjandje.

¹⁷ Shino otandi mu rombuere: Oracaneni!

Inamu tira uujuni.

¹⁸ Uujuni ng’otau mu tondo, tshiueni, nokutja oua ri u tonde ndje tango.

¹⁹ Ngeno kua mua za muujuni, ando uujuni ua kara u mu ore, ndere sh’inamu za muujuni, ndere ongaje nde mu ogorora muujuni, uujuni otau mu tondo.

²⁰ Dimburukueni eehapu dandje, di nde mu rombuera: Omupija ke vure muene gue. Ng’oja tidagurire ndje, na ne otsho ngaa uo ngii taa mu tidagura. Nde nge ja diginina eehapu dandje, otaa ka diginina uo eehapu deni.

²¹ Ndere ajishe mbi otaa ke mu ningira moru edina rjandje, oshoka kaa mu tshi, ngu a tuma ndje.

²² Ng’okuaj’inandi ja, ngaje inandi popja ku jo, ando ja kara kaa nondjo. Ndere nena kaa na ue epopiro rjeendjo dauo.

²³ Ngu ta tondo ndje, ota tondo uo Tate.

²⁴ Ng’okuaj’inandi ronga mokati kauo iironga, mbi inaji rongua nand’okomuntu, ando ja kara kaa nondjo. Ndere nand’oje ji oje tu tonda, sse na Tate.

²⁵ Ohapu nahi guanicue, ndji ha tshangua mompango: Oja tonda ndje, kandi notshikoro.

²⁶ Ndere’Omupopiri nge te ja, ngu tandi ke mu tumina ku Tate, Ombepo hOtshiri, ngu ta zi ku Tate, oto okorora ndje.

²⁷ Na ne otamu ko okorora, oshoka onda ri pu ne okuza ketameko.