Ehororo 5 - Etestemente Epe ✠ 1951

ONTOPORUA 5. Embo rjepangero tarje epururua.

¹ Ngaje otsho nda mono kokurjo kua nguija, ngu a kaatumba kotshipangerapundi, embo rja tshangua meni no kombanda, rjo rja patua niipatekico 7.

² Onda mono itshee omujengeli omunankondo, ti igida neui enene, ta ti: Ore a hopara okusuukura embo, he a patukunune iipatico jarjo?

³ Aaue, kapuna meguru no kombanda hevi, ngu ta vuru okusuukura embo nokutara mo.

⁴ Ngaje andi riri nduno unene, oshoka kapuna ngu a tarikua a hopara a suukure embo, he a tare mo.

⁵ Ndere gumue po paakuruntu ta rombuere ndje: Ino rira, tara, onkoshi ho morudi rua Juda, omudi gua David, ohe a sindana, a hopora a suukure embo, he a patukunune iipatico 7.

⁶ Nde tara ko, onda mono mokati kotshipangerapundi niinamuenjo iine no mokati kaakuruntu Onzigona, ha cikama, ha fa ha dipagua, ho hi neembinga 7 nomesho 7, ogo eembepo da Karunga, di da tumua niirongo ajishe.

⁷ Onzigona ho he ja, nde tahi kuca embo morurjo rua nguija, ngu a kaatumba kotshipangerapundi.

⁸ Sho ha suukura embo, iinamuenjo mbija iine naakuruntu 24 oji ishata potshipara tshonzigona, keshe tuu gumue a kuata okashumba notshitsinino tshiingoldi, tshu uda iizimba. Ojo omagarikano gaajapuki.

⁹ Jo otaji imbi ehimbiro epe, taa ti: Muene, ouo opara okukuca embo nokupatukununa iipatekico jarjo, oshoka oua dipagua, ngueje ue tu kuririra Karunga nombinzi hohe, sse mbo tua za momarudi ageshe no momaraka ageshe no miirongo ajishe.

¹⁰ Oue tu ninga aakuaniirua ss’aapristeri ja Karunga, tu pangere kombanda hevi.

¹¹ Nde tara, ondu uv’eui rjaajengeli ojendji, mba ja cikama taa dingirire otshipangerapundi niinamuenjo naakuruntu, omujaru guauo ogu ri omajovi rutimajovi.

¹² Jo otaji igida neui enene, taa ti: Onzigona, ndji ha dipagua, oho opara hi peue epangero nuukarunga nuunongo neenkondo nesimano nehamberero.

¹³ Niitshitua ajishe mbi jo meguru no kombanda hevi no koshi hevi no kombanda hefuta no mefuta, ajishe onde ju uvu, taji ti: Ngu e ri motshipangerapundi nOnzigona na peue ehamberero nesimano ne hadimo neenkondo sigoosigo.

¹⁴ Jo iinamuenjo iine otaji ti: Amen. Nd’aakuruntu mbeja 24 oji isizimike miipara jauo, jo taji injongamene ku nguija, ngu e nomenjo guarushe.