Ehororo 4 - Etestemente Epe ✠ 1951

ONTOPORUA 4. Otshipangerapundi tsha Karunga.

¹ Konima ha mbika onda mono meguru otsheero tshe eguruka. Nd’eui, ndi ndu uvire tango, rja popi rja f’embendo, tari ti: Ronda, u je hu; nda ara ndi ku urukire, shi tatshi ka ningua nofu.

² Naanzija onda ri mombepo ho komuenjo. Nde tara ko, otshipangerapundi otshi ri meguru, ko kotshipangerapundi okua kaatumba gumue.

³ Nde ngu a kaatumba ko, okua ri a f’okaue ka jaspis no ka sardis. Uutati uovura ua f’okaue ka smarakte, uo ua dingirira otshipundi.

⁴ Tsho otshipundi otsha dingirirua kiipundi 24, ko kiipundi kua kaatumba aakuruntu 24, ja zara eenguuo eentokere, ko keemutse dauo oku niishani jiingoldi.

⁵ Motshipundi tshepangero tamu zi eembadi nomaui neemundundumo neenjeka 7 da tema, da minikira potshipundi, odo eembepo 7 da Karunga.

⁶ Komesho gotshipundi oku nefuta rja f’ekende rjo ongua ngashi kristal, mo motshipundi muii no popepi na tsho ondi uete iinamuenjo iine, ji nomesho komesho no konima hajo.

⁷ Otshinamuenjo tshotango otsha f’onkoshi, otshitijari otsha f’ontsezi, otshititatu otshi notshipara tshomuntu, tsh’otshitine otsha f’ontsa tahi tuka.

⁸ Keshe tuu tshimue po miinamuenjo otshi nomauaua 6, nde kombanda no meni oja papata omesho, jo itaji dimbuka okuigida omutenja nuusiku: Mujapuki, Mujapuki, Mujapuki ohe Muene Karunga omunankondo adishe, ngu a za e ri ko, h’oko e ri, h’ote ke ja ko.

⁹ Manka iinamuenjo mbi iine taji gandjere nguija kotshipundi, ngu e nomuenjo arushe, ehamberero nepanduro nesimano,

¹⁰ Aakuruntu mbeja 24 taji injongamene ku nguija, ngu a katumba kotshipundi, taa mu amberere, ngu e nomuenjo sigoosigo, jo taa tura iishani jauo koshi hotshipundi, taa ti:

¹¹ Nguee, Muene Karunga ketu, oua guana okutuumba esimaneko nehamberero neenkondo, oshoka oua tshita iinima ajishe, mo moru eharo rjohe ji ire po, jo ja tshitua.