Ehororo 18 - Etestemente Epe ✠ 1951

ONTOPORUA 18. Iishuna mbi je ja mu Babilon.

¹ Konima ha mbika ngaje onda mono omujengeli gumue a hiri, ta zi keguru, ngu e neenkondo eenene, evi arishe otari minikirua kombadi he.

² He ti igida neui enene, ta ti: Babilon ogua jonua po, gua jonua po, gu’omunene, guo gua ninga egumbo rjiidira, otshiijungiro tsheembepo adishe di da nigira, gu’otshipungururico tshomarudi ageshe geedira donjata, di da tondiua.

³ Oshoka omarudi ageshe gaantu oga makera mo momavinju gondjashi go momoondero gago, aakuaniirua juujuni je gu onderere, jo aatshingici juujuni oja ninga aajamba kerumbo rjaguo enene.

⁴ Ngaje ondu uvu eui ri iri, tari zi keguru, rjo tari ti: Tembukeni ko ku guo, ne marudi gandje, kamu kare mu na ue neendjo daguo, ne kamu mone ue iishuna jaguo.

⁵ Oshoka eendjo daguo oda guederua ko sigo okeguru, he Karunga okua dimburukua uurunde uaguo.

⁶ Gu ningireni, ngashi gue mu ningira. Gu ningireni ruuari tshi cike piironga jaguo, nde motshinuino, shi gue mu pindira, gu pindireni mo ruuari.

⁷ Tshi cike pesimano nerumbo rjaguo otamu gu pe uo omeepeko nomeehamo, oshoka otagu ipopire momuenjo guago, tagu ti: Ongaje omukuaniirua, onda kaatumba kotshipangerapundi, kandi shi omusherekadi, ngaje kandi mono uupongo.

⁸ Omeepeko gaguo otage ke ja nduno esiku rimue, ngashi ga tja: eso nondjara nuudigu, tagu ka fikua po nomuriro, oshoka Karunga omunankondo; ngu na pangure.

⁹ Aakuaniirua juujuni, mba je gu onderere, jo ja ri ja rumba muujamba, otaa ke gu ririra, jo taa ke hi kekamena, nge taa mono oruici ruefikopo rjago.

¹⁰ Jo otaa ka cikama kokure nokutira omeehamo gago, nde taa ka tja: Ojeeje, jeeje nahi kare pu nguee, Babilon, omukunda omunene, omukunda omunankondo, motundi himuike epanguro rjohe orje ja.

¹¹ Jo aatshingici juujuni otaa ke gu ririra nokukekama, oshoka kakuna ue, ngu ta randa iinima jauo.

¹² Eemurongero diingoldi, diisilveri, duuue, domaue no domarapi omatokere nomatirigane gotshifuuri, geefeji, giijata iitirigane, no diiti jiizimba ji iri na ji iri, diirongico jo ongua nomasipa geendjamba no diijuma, mbi ja tungua nerooa euanaua, no diijeera ji iri no domamanja guurenga,

¹³ No deemuti diikurja no diizimba, deenkura, domaka no domavinju nomaholi no duusira niirja, no deenani, deenzi, duukambe, domatemba no daapika no deemuenjo daantu.

¹⁴ No diihimati, mbi ja njanjuda omuenjo guohe, ajishe oje ku ciga po, iinima ajishe iitoue no juufuuri je ku kana, itaji ka monika ue nande.

¹⁵ Aatshingici jiinima mbi, mba ja ninga aajamba, otaa ka cikama kokure moru uumbanda nomeepeko nokurira nokukekama.

¹⁶ Taji igida: Ojeeje, jeeje nahi kare pomukunda omunene, ngu gua ri hagu zarekua neuiuori etokere netirigane, gua ri hagu siikirua nuufuuri niingoldi nuuue nomaue.

¹⁷ Ndere motundi himuike uujamba uaguo ua ha. Aashingi jeesikepa najeshe mba taa hende mefuta naapija jeesikepa, mba taa rongo mefuta, ja cikama kokure.

¹⁸ Jo otaji igida, sho taa mono omashara gaguo gomafikiro, taa ti: Omukunda omunene oguni, ngu gua fa nguka?

¹⁹ Jo otaji ifire omutoko meemutse dauo, taji igida nokurira nokukekama: Ojeeje, jeeje komukunda omunene; omu guo ajeshe ja ningire aajamba komariko gago, mba ja ri neesikepa mefuta, ndere motundi himuike gua ninga ombuga.

²⁰ Gu rigorera, ’guru nguee, na ne aapostoli naaprofeti aajapuki, oshoka Karunga okua guanica mu guo epanguro morueni.

²¹ Nd’omujengeli omunankondo ta jambura emanja, rja f’emanja enene rjotshini, te ri umbire mefuta, he ta ti: Neenkondo eenene da tja ngii omukunda omunene Babilon otagu ke ekeruashi muure muii, guo itagu ka monikua ue.

²² Eui rjashiki juushumba no rjaashiki jomambendo no rjeeshiji itari ku uvika mo ue mu nguee, nomurongi guiinima juunkurungu ji iri na ji iri ita ka monika ue mu nguee, neriro rjotshikuejo itari uvika mo ue tuu.

²³ Nuujerere uonjeka hohe itau minikire mo ue mu nguee, neui rjomujareki no rjomujarekua itari ku uvika mo ue mu nguee; oshoka aatshingici johe oja ri omarenga guujuni, ko kiironga johe juunganga omarudi ageshe oga ri ga tumpakana.

²⁴ Omu go mua monenua ombinzi haaprofeti no haajapuki, eno, h’ajeshe, mba ja dipagua kombanda hevi.