3 Johannes 1 - Etestemente Epe ✠ 1951

¹ Omukuruntu ku Gajus omuhorike, ngaje ndi mu ore motshiri.

² Muhorike, ngaje andi garikana, ngueje u kare ua tja po naua miinima ajishe, u kare ua kora korutu, ngashi ngueje u ri po naua komuenjo.

³ Onda kuatua kenjanju enene, aakuetu sho je ja, j’okorora otshiri hohe, nongashi ngueje ho ende motshiri.

⁴ Kandi nenjanju ndi ri vure ndi: okuuva kutja aana jandje ohaa hende motshiri.

⁵ Muhorike, ngueje oto rongo ng’omudiginini mu mbjo to ningire aakuetu, naakuiirongo uo.

⁶ Jo j’okorora ohore hohe miipaci jegongaro. Oto rongo naua nge to ja kuaca mondjira hauo, ngashi Karunga e tshi ara uo.

⁷ Moru’edina rje jo ja ha, nde inaa peua tsha kaapagani.

⁸ Ano sse otu noku ja kuacera, opo tu ninge aarongi puamue na jo okurongera otshiri.

⁹ Okonjara nda tshangere uo egongaro. Ndere Diotrefes, ngu a hara okutarua ng’omukuruntu mokati kauo, ite tu tuumba.

¹⁰ Otsho, nge andi ja, onda ara ndi mu kumagide moru’iironga mbi a rongo, sho te tu tsheke nomarundiro. Ha shono ike, aaue, he muene ita tuumba aamuameme, na mboka ja ara oku tshi ninga, ite ja pe epitiko, ote ja tida megongaro.

¹¹ Muhorike, ino orera uuhineji, aaue, uuhanaua. Ngoka ha rongo uuhanaua, ota zi mu Karunga. Ndere ngu ha rongo uuhineji, ke tshi Karunga.

¹² Ajeshe ohaa hokorora naua Demetrius, notshiri ho hene ahi mu okorora naua. Na sse uo atu mu okorora naua. Ndere ngueje ou tshi nokutja ehokororo rjetu orj’otshiri.

¹³ Ondi na nanena odindji, nda arere ndi di ku tshangere. Ndere inandi ara ndi ku tshangere nondomo nopena.

¹⁴ Ondi netegerero rjoku ku mona masiku. Otatu ka popja kokana nokana.

¹⁵ Ombiri nahi kare nangueje. Ookuume otaje ku kundire po. Kundira po ookuume, ogumue koogumue.