2 Petrus 3 - Etestemente Epe ✠ 1951

ONTOPORUA 3. Eshuriro rjuujuni.

¹ Tareni aahorike, ombrife ndjika tii hi mu tshangere oho ontijari. Mu nda ara okupendura eendunge deni d’uka nomakumagido gandje,

² ne mu dimburukue eehapu daaprofeti aajapuki, di nde mu rombuera nare, niipango ja Muene no jomukuriri, mbi mua peua kaapostoli jeni.

³ Tangotango kareni mu tshi nokutja atsheki oje nomakoto, taa ke ja momasiku ga shugunina, mba haa randura uuharu uauo uene.

⁴ Jo taa ti: “Okuja kue kua rombuererua oku ri peni? Hera tuu ookuku ja koca po, atshishe otsha kara ngashi tsha ri poshimbi hetshito.”

⁵ Oshoka otaa hipuiririke ouina ja fa inna tshiua nokuja monarenare moru’eenkondo dohapu ha Karunga eguru orja ri po nevi uo ndi rja zi momeja nde rja tungua nomeja.

⁶ Mu go uujuni mbuijaka oua jonukire mo, shi ua jerurua komeja.

⁷ Kohapu tuu ndjika eguru nevi rjonena ari pungurirua omuriro mesiku rjepanguro rjo rjegeero rjaantu aahineji.

⁸ Ndere tshimue inatshi mu orekua jahorike: pu Muene esiku rimue orja f’eemvo ejovi, do eemvo ejovi da fesiku rimue.

⁹ Muene ita suunje kuguanica omarombuerero ge, ngashi jamue haa diradira. Aaue, okue mu tar’onteni. Ina ara ekano, aaue, ehidirururo rjajeshe.

¹⁰ Esiku rja Muene otari ja rja f’omufuci. Eguru otari jonuka neemkaratata eemnene. Iinima mbi ja tunga evi rjetu otaji engumuka muupju uunene. Rjo evi arishe niironga jo murjo ari ka runguna.

¹¹ Ano, iinima mbi ajishe, sho taji kumunua po, kamu shi nani mu kare neenkembadaro deendjenda eendjapuki no detirokarunga,

¹² dokutegerera no dokuenderera kesiku rja Muene ngu ta ka rungunica eguru nde ta ka engumukica muupju uomuriro iinima mbi ja tunga evi?

¹³ Komarombuerero ge sse tua tegerera eguru epe nevi epe, moka tamu ka kara uujuki,

¹⁴ Ano jahorike, sho mu ri po amu tegerere iinima mbika, kembadareni ne mu adikue mombiri, kamu nonjata, kamu nuurunde.

¹⁵ Onteni ha Muene guetu hi mu kuacere kehupico rjeni. Otsho omumuameme omuhorike Paulus e mu tshangera meendunge de da gandjua ku he.

¹⁶ Ongashi ta ningi meembrife de adishe, nge ta popi iinima mbika. Tshiri eehapu dimue do mu do oda futama. Aantu aasama mba inaa kora otaa pirike kejonuko rjauo jene eehapu doka niitshangua jirue uo.

¹⁷ Ne ano jamuameme, sho mue tshi tshiua nena nokuri, angareni kamu pukicue komatompakanico gaarai, nde itamu kara ue mua tsama.

¹⁸ Aaue, kokeni moshenda no metshiuo rja Muene no rjomukuriri guetu Jesus Kristus. Ohe na simanekue nena narusherushe Amen.