2 Kaakorinti 13 - Etestemente Epe ✠ 1951

ONTOPORUA 13. Omakumagido.

¹ Tareni, andi ja nena orutitatu. Otshinima keshe natshi ucue neehapu deentari mbari nenge ndatu.

² Onde tshi mu rombuera nare, ngaje andi tshi mu rombuerurura nda fa ndi ri mokati keni, nanto ngaje kandi po, ku mboka ja jona nare no ku jakuauo ajeshe, nokutja kapu nesiroshenda nge andi ja itsheue.

³ Omua ara okutompua nokutja Kristus ota popi mungaje ngu ke shi omunkundi, aaue, omunankondo mokati keni?

⁴ Nanto oku’arerua komutshigakano muunkundi, h’oku nomuenjo meenkondo da Karunga. Nanto sse tue mu fa muunkundi ue, atu ka adikua mokati keni tu nomuenjo puamue na he, ngu gua zi meenkondo da Karunga.

⁵ Ikonakoneni nge mu ri mehiteero. Ipurapureni. Itamu tshi dimburura mune jene nokutja Jesus Kristus oku ri mune? Hatsho atshi kara nge omu nomuenjo omuhineji.

⁶ Ondi netegerero nokutja ne amu ka dimburura, sse jene katu nomuenjo omuhineji.

⁷ Otatu indire Karunga ne kamu ninge uuhineji. Inatu ara tu fe aanankondo, aaue, ne mu ninge uuhanaua, nanto sse tua fa katu neenkondo.

⁸ Sse katu nondumbo notshiri, aaue, otu ri puamue notshiri.

⁹ Atshi tu njanjuda nge tua adikua tu nuunkundi, one aanankondo. Otsho sse atu garikanene uo mu ninge mua guana mua pua.

¹⁰ Opo nda zi oku mu tshangera doka manka ndi ri kokure, opo ngaje kandi ciminikue oku mu geera nge ndi ri mokati keni omeenkondo depangero ndi nda peua ku Muene kekoreko rjeni kaku shi kesharakanico rjeni.

¹¹ Tshi romborua, jamuameme, njanjukueni, kareni mua guana mua pua, kumagidacaneni, kareni nohapu himue, aanambiri. Karunga kombiri he kohore ota kara puamue na ne.

¹² Kundiracaneni po necipo ejapuki. Aajapuki ajeshe otaje mu kundu.

¹³ Oshenda ha Muene guetu Jesus Kristus, ohore ha Karunga, neguaneno rj’Ombepo Ondjapuki nahi kare mokati keni amushe. Amen.