2 Johannes 1 - Etestemente Epe ✠ 1951

¹ Omukuruntu, komukiintu omuhogororua nojana, mboka ndi ore tshiri, ha ngaje ike, ajeshe uo mba je tshi otshiri,

² moru’otshiri ndji ahi kara mu sse, ho ahi ka kara puamue na sse sigo osigo.

³ Oshenda nahi kare na ne, nesiroshenda nombiri ha Karunga Tate, no ha Kristus Jesus, h’Omumua She, motshiri no mohore.

⁴ Onda njanjukua unene shoka nda mona jamue mokati kaana johe, haa hende motshiri ngashi tua peua otshipango ku Tate.

⁵ Nena andi ku indire, — itandi ku tshangere otshipango otshipe, aaue, oshi tua kara na tsho keshimbiko, kutja sse tu oracane.

⁶ Ohore oho ndjika, sse tu kare neendjenda di adi oparere iipango je. Otshipango otsho shika ngashi tue tshi uvu keshimbiko, sse tu tshi guanice.

⁷ Oshoka aapukici ojendji je ja muujuni, jo kaa hepurura nokutja Jesus Kristus okue ja monjama. Omupukici nomunandumbo na Kristus ota popi uo mu mboka.

⁸ Kotokeni ne kamu kanice shoka mu’irongera, aaue, omu mone ondjambi ha guana.

⁹ Keshe ngoka a pjampjana, ita kara merongo rja Kristus, ke na Karunga. Ngu ha kara merongo ndika, h’oku na She n’Omona.

¹⁰ Nge ku na gumue te ja ku ne, he ke nerongo ndika, inamu mu tuumba mondjugo, ne inamu mu kunda.

¹¹ Oshoka ngo te mu kundu, oku na uo ondjo miironga je iihineji.

¹² Ondi na nanena eehapu odindji, nda arere ndi di mu tshangere. Ndere inandi ara ku di tshanga mopapira no nondomo. Oshoka ngaje ondi neharo rjoku ja ku ne, sse tu popje komakana no komakana, rjo enjanju rjeni ri ninge rja guanenena.

¹³ Aana jomumuanjoko omukiintu omuhogororua otaje mu kundu.