1 Timoteus 4 - Etestemente Epe ✠ 1951

ONTOPORUA 4. Aapukici otaa ke ja.

¹ Ombepo ohe tshi aneka nokutja momacimbo gokomesho jamue otaa ka puka mehiteero, taa k’iteera eembepo depuko nomarongo gomusatana.

² Mba haa popi iirombo mekojuuko rjauo, oja didirikua mehuvo rjauo rjomutima.

³ Otaa hindike okuokana nokurja iikurja mbi ja tshitua ku Karunga, ji riue nepandu kaahiteeri, mba ja dimburura otshiri.

⁴ Oshoka atshishe sho tsha tshitua ku Karunga, otshaanaua, katshi shi otshineji nge tatshi riua nokuamberera.

⁵ Otatshi japurua nohapu ha Karunga negarikano.

⁶ Nge to uvicire aamuameme eehapu doka, ngueje omukareri omuhanaua gua Jesus Kristus, ngueje ua paruka neehapu dehiteero nerongo ehanaua ndi ua randura.

⁷ Ndere eengano do di nuurai, do daakurukadi, ou noku di dina. Kembadara u kare metirokarunga.

⁸ Ehirongekido rjokorutu ori noruporo orutshona. Etirokarunga ori noruporo mu ajishe, rjo ri nomarombuerero gomuenjo guonena no guokomesho.

⁹ Ohapu ndjika ohotshiri, ho h’opara okuiteerua.

¹⁰ Otsho ss’atu ipjakidire, ss’atu tshekua sho tua tegerera Karunga omuhanaua, he omuhupici guaantu ajeshe, ndere unene oguaahiteeri.

¹¹ Uvica, ronga eehapu dika.

¹² Kapu kare nand’ogumue te ku dini moru’uunjasha uohe. Kara otshoorerua tshaahiteeri mohapu no meendjenda, mohore mehiteero no muushekesheke.

¹³ Sigo okejo rjandje diginina okulesha okukumagida nokuronga.

¹⁴ Ino dina mungueje egano rjoshenda ndi ua peua momashunganeko manka aapristeri je ku tenteke omake.

¹⁵ Iinima mbika ji tura momutima noku ji diginina, opo okukoka kuohe ku monikue ku ajeshe.

¹⁶ Itara ngueje muene, rangera naua erongo. Kara mu rjo. Nge to tshi ningi ngaano oto k’upicua ngueje muene naapuakeni johe.