1 Petrus 5 - Etestemente Epe ✠ 1951

ONTOPORUA 5. Omakumagido.

¹ Otandi kumagida aapristeri jomokati keni, ngaje omupristeri omukueni, ngaje ontari homeepeko ga Kristus, ngaje mucigururi uo guehadimo ndi ari ka oroka.

² Riceni otshigunda tsha Karunga, tsha gandjua ku ne noku tshi sir’otshisho ha keciminiko, aaue, oneharo arishe keharo rja Karunga, ha moru’eriko ehineji, aaue, okohore.

³ Inamu fa aapangeri ja mboka mua peua, aaue, aahorerua jotshigunda nomutima agushe.

⁴ Ndere omusita omukuruntu nge ta ka oroka, otamu ka peua ondjambi hehadimo, ndi itari ganja.

⁵ Otsho na ne aanjasha vurikeni kaapristeri. Ne amushe karacaneni mehitshonopeko, oshoka Karunga oku nondumbo naanuuntsa, he ta pe mba j’itshonopeka ondjambi he.

⁶ Itshonopekeni ano koshi heke rja Karunga, ndi ri neenkondo, opo e mu nenepeke pecimbo rjehicano rje.

⁷ Umbireni otshisho tsheni atshishe mu he, oshoka ohe te mu sire otshisho.

⁸ Kareni mu nehidiriko ne mua taatara. Omutondi gueni omusatana oh’endagura a f’onkoshi hahi uru, nde ta kongo ngoka e mu ninagure.

⁹ Mu kondjiceni neenkondo mehiteero, ne mu tshiue nokutja aamuanjoko, apeshe mpo je ri muujuni, oje nokuumbata uo omeepeko ngaka.

¹⁰ Ndere Karunga koshenda ahishe, ngu e tu icanene kesimano rje rjarushe mu Jesus Kristus, sse nge tu’ehamekua okacimbo, ote ke tu opareka, nde te tu koreke noku tu kankameka.

¹¹ Esimano nepangero ri kare pu he arusherushe Amen.

¹² Onda tshangica Silvanus ombrife ndjika pashupi, he omumuameme, ndi tshi omudiginini, ngaje ndi mu kumagide noku mu okororera nokutja ne omu ri moshenda hotshiri ha Karunga.

¹³ Egongaro rjomu Babilon ndi rj’ogororua ngashi ne, tari mu kundu. Na Markus omumuandje.

¹⁴ Minikacaneni mecipo ejapuki. Oshenda nahi kare mu ajeshe mba je ri mu Kristus Jesus Amen.