1 Kaakorinti 13 - Etestemente Epe ✠ 1951

ONTOPORUA 13. Ohore ohi vure atshishe

¹ Ngaje nge andi popi omaraka gaantu no gaajengeli, ndere hi na hore, nena ngaje onda f’otsheera atshi riri, nda f’ongendjo ahi dengua.

² Nanto ndi kare negano rjokushunganeka, ngaje nda koneka iihorekua ajishe, ndi kare nokutshiua akushe; nanto ndi nehiteero rja guana okudikura eendundu ndere ki n’ohore, nena ngaje otshinima tshouara.

³ Okutoporera aacigona eriko rjandje arishe keparuco rjauo, okugandja orutu ruandje ru fikue po, ndere ngaje kandi na ohore, nena kaku nekuaco.

⁴ Ohore hi nonteni, ho hi nondjeerera, ohore kahi nokasheshe, ihahi itanga, kahi korouara.

⁵ Ho kahi konga esimano rjaho, ihahi kongo tshaho hene. Kahi kara nomadiradiro omaruru, ihahi diradira aantu neji.

⁶ Ihahi njanjukirua uugojoki, ohahi njanjukirua otshiri.

⁷ Ohahi umbata atshishe, h’iteera atshishe, ha tegerera atshishe, hahi ididimikire atsishe.

⁸ Ohore kahi shura po nanto omashunganeko taga shuru po nomaraka taga shuru po nuunongo tau pu po.

⁹ Oshoka okutshiua kuetu inaku guanenena, nomashunganeko getu inaga guanenena.

¹⁰ Ndere shono otsha guana tsha pua, nge tatshi ja, nena atshishe inatshi guana, otatshi shuru po.

¹¹ Ngaje, sho nda ri okanona, okua he popi panona, nda ri nouino uokanona, nda diradira ng’okanona. Ndere sho nda ningi omurumentu, onda eca mbjono jopanona.

¹² Ngashingika atu tara ngashi motshikengerero, ng’etengeneko, ndere okuza mpoka okotshipara notshipara. Ngashingika okutshiua kuandje inaku guana. Ndere uunarumue andi ka tshiua ngashi ngaje nda tshiuikirira.

¹³ Ngashingino aku kara ehiteero netegerero nohore, mbika iitatu. Ndere shi tshi vure ajishe mbino muunene, ohore.