1 Johannes 1 - Etestemente Epe ✠ 1951

ONTOPORUA 1. Kareni muujerere.

¹ Ndjoka ha ri okuza keshimbiko, ndjoka tua uva no tua mona nomesho no tue hi tara, sse tue hi njenga nomake getu, ndjoka atu uvica: ohapu homuenjo.

² Oshoka omuenjo ogu’ihorora, sse otue gu mona, otatu gu okorora noku mu uvicira omuenjo guarushe, guo gua ri pu She, guo gue tu orokera.

³ Ndjoka tua mona sse tua uva, otatu mu uvicire, opo na ne uo mu kare meguaneno na sse. Rjo eguaneno rjetu ri ninge puamue na She n’Omona Jesus Kristus.

⁴ Doka atu di mu tshangere ne mu njanjukue, rjo enjanju rjeni ri ninge rja guana rja pua.

⁵ Eraka otue ri uvu rja zi ku he, nde atu ri mu uvicire orjo ndika: Karunga ohe uujerere. Mu he kamu neemrema.

⁶ Nge atu ti: “Otu neguaneno na he” nde atu ende meemrema, nena ss’atu popi iirombo, itatu rongo shoka tshotshiri.

⁷ Ndere nge atu ende muujerere, ngashi he muene ku ri muujerere, nena opu neguaneno pokati ketu, nombinzi h’Omona gue Jesus Kristus ahi ceta po eendjo detu adishe.

⁸ Ndere nge tatu ti: “Sse katu nondjo” otatu itshendjereke sse jene, tsho otshiri katshi mo mu sse.

⁹ Ndere nge atu epurura eendjo detu, nena ohe omudiginini h’omujuki. Ota dimi po eendjo detu, ta kosho po uuhineji uetu aushe.

¹⁰ Nge tatu ti: “Sse inatu jona tsha” otatu mu ruku omuniirombo, nohapu he kahi mo musse.