Zôo 28 - Bible

Táre maa laa maa tɛ

¹ “Kwaa mâ káa naa ƃɛ́i núu a pɔ̂ri káne kulâi naai. Kwaa mâ káa naa ƃɛ́i núu a pɔ̂ri gôo seɣenii naai.

² Kɔli-kula ƃela da ǹɔii síŋ dí kɔli kúla naa. Dí kɔni séɣeŋ dí ƃara kúla zu.

³ Da lɔ́ kpɔ́ ǹɔii mu ƃɛ́i naa kpîniɛi, díkɛ ǹɔii kpóŋ ma kɔ̀ri, díkɛ ǹɔii sîŋ gbíni su kɔni mɛ̂ni ma.

⁴ Da lí kpɔ́ kwaa koyâa ma ƃɛ́i núu fa kɛ̂ naai, dí ǹyêei su sìŋ. Da kɛ́ naa díkɛ tíi kɛ̀ dítee-tee kwaa ma. Dí kɛ́ ƃò sɛlɛni ɣɛli ma díkɛ lì díkɛ pa ǹoai su.

⁵ Mii-sɛŋ a lɛ̂lɛ ǹɔii ma. Kɛ́lɛ ǹɔii mu pere karâi yɛ̂ɛ sɛŋ ƃé ŋɔŋ a ǹaa kèreŋ.

⁶ Sãâ sɔ̃ɔ kpanaŋɔɔ-ŋa díkaa gɔ̀ni-ŋai ŋí su. Gôo fũa káa máŋ dísama.

⁷ Ŋɔni sôŋ ŋɔni da fa berei kâa nyii a lî gɔni kuláai ŋí sui. Kpãaŋ kpîŋ fé tá naa káa-ni.

⁸ Lɔ̀ɔ-fɛnɛ-sãa dífa sia a berei kpîŋ. Yala-sulu fé tá sia ní a berei ŋí.

⁹ “Gɔni siŋ-ƃelai da gɔni kpanaŋɔɔi ŋai sîŋ, dí ǹyée-ŋai pene dí bɛlɛ.

¹⁰ Da lóa tèe gɔni-ŋai su, dí gɔni-ŋai maa kpɛ́ɛ a ǹɛ́lɛɛ kɔni-sɔ̃ɔ kpanaŋɔɔ-ŋa mɛni ma.

¹¹ Da ǹyái ɣìri a gɛɛ ve ɣîliŋ. Da gɛ̀ tí dí zɛŋ káa nyii da gɔ̂rii.

¹² Kɛ́lɛ, mí ƃé núu a táre kàa naai? Kɛ́lɛ, mí ƃé kwa mɛni-ŋa káa maa kɔ̂ri naai?

¹³ “Núu fa táre kàa núu-kpune-ŋa sama. Núu da fé zɔ̃ɔ kpîŋ-kpîŋ kɔ́lɔŋ.

¹⁴ Ǹyá lêei da m̀u-pere kélee dí m̀o dîyɛ táre fé díyêei.

¹⁵ Núu fa táre yà a gôo, kpaa máŋ a káne.

¹⁶ Núu fa ǹya a gôo kpaa máŋ kɔni sɔ̃ɔ kpanaŋɔɔ.

¹⁷ Zɔ̃ɔ kpanaŋɔɔi é tɛ̂ɛ gôo da mɛ̃lɛ-mɛ̃lɛ lɛ́lɛɛ dîa. Núu fa pɔ̂ri maa faleni a gôo-sɛŋ folo sɔ̃ɔ kpanaŋɔɔ.

¹⁸ Táre sɔ̃ɔ kpanaŋɔɔi é tɛ́ɛ kɔni lɛ́lɛɛ sɔ̃ɔ kpanŋɔɔ ma.

¹⁹ Núu fa pɔ̂ri târe kɔ̂ɔni kɔni sɔ̃ɔ kpanaŋɔɔ kɛ́ɛ yɛ̂ɛ tópazi da gôo lɛ́lɛɛ dîa.

²⁰ “Gɛ̀ ní mí ƃé táre è kùla naai? Mí ƃé kwa mɛni-ŋa káa maa kɔ̂ri naai?

²¹ Fûlu-sɛŋ da kélee da fa gàa. Ŋ̀ɔni-ŋai da kwaa kâa a ŋánaai, dífa gàa.

²² Saa da su-kara dí m̀o a gɛɛ duŋ nɔ́ ƃé da mɛ̀ni.

²³ “Ɣâla ǹya tɔ̂nɔ nɔ́ ƃé berei kɔlɔŋ. Ǹya nɔ́ ƃé ƃɛ́i kɔlɔŋ táre káa naai.

²⁴ Ǹyaa nɔ́ ƃa ǹɔii kɔ̃yɛ̂ŋ ma kàa. Ɣâla ǹya tɔ̂nɔ nɔ́ ƃa sɛŋ kélee kâa ǹɔii ma.

²⁵ Tãi Ɣâla è wála-wala laa tɛ̀ɛ la vãai pɔ́i, è yúo ŋɔ ŋa kɛ̂tɛi kɔ̃yɛ̂ŋ lɛ̀.

²⁶ Tãi Ɣâla è ƃɛ́i lɛ̀ la a gɛɛ tuna é pú naai, è berei lɛ̂ ƃɛ́i ŋ̀ele-gbana-kao a tɛ̂ɛ naai.

²⁷ M̀aa tãi tí ƃé è táre kâa la, é ŋɔwála-wala-laai su kɔ̂ɔŋ, é ǹyée sée m̀aa mɛ̂ni m̀u.

²⁸ “Ɣâla è m̀o núu-kpune ma a gɛɛ à kɛ̀ ŋ̀wɛ̂lii é táre sɔlɔ ƃó, fɛ̂ɛ é yao ǹyaa Ɣâla ma. À kɛ̀ ŋ̀wɛ̂lii a gɛɛ é táre, fɛ́ɛ é bôlu tɔɔ mɛni nyɔ́mɔɔ kɛ́ɛ ma.”