Osia 3 - Bible

Osia da ŋɔnɛnîi dí díloai kpɛ̂tɛ

¹ Yâwɛɛ è mò ḿâ ǹyɛɛi, “Lí í ŋɔ́nɔ ínɛnîi wɛ́li kɛ́ nyii gáa a wulu-wulu kɛ́ nɛnii. Ŋ̀wɛ́li yɛ̂ɛ berei ŋá Eezuɛ-ƃelai wɛ́li-ni lai. Berei máŋ da tínaŋ la díkpɔɔi kpɛtɛ ɣâla-ŋai pɔ́ pere dí kɛ́ kpólo nɛ̃ɛ-ŋa mìi nyii da dɛ̀ɛ díɣâla-ŋai tí pɔi.”

² Nya ƃe ŋá m̀aa sɛ̂ŋ kɔ̀lɛ a sɛŋ kao kole kpua-kpua puu kao lɔ́ɔlu da filaƃa tiŋ puu.

³ Nya ƃe ŋá mò ma ǹyɛ̃ɛi, “Fɛ̂ɛ í pá íkɛ ŋápɛrɛi mu a ɣele kûu támaa íkpera wulu-wulu kɛ́ɛ ma. Tãi tí yée mu kwa yá kúfe pâi nyîi gîe ma. Ǹyaŋ kpakolo da kpɛ́ni fé pâi ímaa mɛni kɔ́lɔnîi.

⁴ Bere sîi tɔnɔi ŋí nɔ́ ƃé a pâi kɛ̂i la a Eezuɛ-ŋai. Dí fé pâi ŋɔ́nɔ kɛ̂i kâloŋ da mu kpaa máŋ díkɛ kâloŋ loŋ da mu a tãi su kôya. Dífe pâi sâla kulâi sɛŋ da kpɛ́ni ma, kpaa máŋ kɔni. Sâla láa soŋ nûu fé pâi tela kɛ̂i díyêei.”

⁵ Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.