Mąątɛ̨nɛ̨ 82 - Bible

Ɣâla ƃa kâloŋ kélee mɛi Kâloŋ.

Asafa ŋɔwulei

¹ Ɣâla káa bɔ́-taai ŋ̀ele-kɔlɔŋ su ŋ̀âla da kpɛ́ni-ŋai sáma gɛ́ dí mɛnii ŋá tèe. A môi dîa ǹyɛɛi,

² “Ká kpera ǹûai dímɛnii ŋá têei a wôya-pere. Káfe tɔ̀ɔ ŋ̀wana-lɔ̂ɔ-ƃelai pôlu a wôya-pere.

³ Ka gôlo-ƃelai maa kɔ̃ɔ da dee-noŋ-ŋai. Diai pɔ̂ri mâa fé dîɛi, ka dímɛni sâai ƃó a teniŋ ƃô-pere.

⁴ Ka díkula ŋ̀wana-lɔ̂ɔ-ƃelai díwala-wala-laai mu.

⁵ “Táre da kélee fé ká ŋuŋ su. Ká ƃoɔɔ̂i kpɔ́, káwôyaa a ŋ̀ánaa. Kákaa kpíni kpɛ́ɛ pôlu su. M̀ɛnii ŋí ƃé a gɛ́ ǹɔii kɛ́ tûmo é síɣe gbôŋ seêi.

⁶ Ŋa m̀ôi kâa ńyɛɛi, ‘Kákaa a ɣâla-ŋa.’ Kákelee kákaa a Ŋ̀âla Kɛ́tɛi ǹônii.

⁷ Kɛ́lɛ ka pâi saâi nɔ́ yɛ̂ɛ núu-kpune-ŋa. Kaɣeniɛi a pâi kpɛɛ̂i nɔ́ yɛ̂ɛ berei a kɛ̂ la a ǹúu láa túɛ-ƃelai.”

⁸ Óo Ɣâla, pá íkɛ a kâloŋ ǹɔii ma. Ǹɔii-ŋuŋ-ŋai kélee káa a ípɔɔ.