Mąątɛ̨nɛ̨ 70 - Bible

Ɣâla fɛliɛɛ kpɔŋ mâa mɛni ma

Deeƃé ŋɔwɔ́lɔ maa wulei è dòoi

¹ Óo Ɣâla, ŋ́uŋ ma ƃó. Óo Yâwɛɛ, kpɔŋ ḿâ a maa félaa.

² Tɔɔ diai kɔ̂i a gɛɛ dí ŋáfulu-laai su kúla ǹyêei, díkili ŋá é pú ŋumɛ é dí sóŋ. Tɔɔ diai dílii nɛ̃ɛ̂i ŋámɛni kpɔ̂lui mɛni sui, ƃaa kûla-maa é sɛ́lɛŋ dîa dí pú.

³ Tɔɔ diai da ɣɛ́lɛ maa kûla ŋ́gbonôi, dí ƃɛ́lɛ é tóo.

⁴ Tɔɔ diai da pâ ípɔi, í lii-see tɛɛ dípɔ díkɛ koi-nɛ̃ɛ kùla. Tɔɔ diai kélee yâ díƃaloi, díkɛ sɛɣɛ̂ fêi tɛɛ̂i ípɔ m̀ɛni ma, díkɛ m̀o dîyɛɛi, “Yâwɛɛ kɛ̂tɛi.”

⁵ Óo Ɣâla, ŋ́goloɔ̂i, pɔ̂ri mâa fé mî. Kɛ́lɛ ífe tá nia ní ḿâ. Yá ƃa ŋ́uŋ ma ƃó-nuui da ḿaa kɔ̃ɔ-nuu. Óo Ǹuu-namui, pá íkpɔŋ ḿâ a maa félaa.