Mąątɛ̨nɛ̨ 3 - Bible

Ɣala fɛliɛɛ a ɣele-wala kpɔŋ mâa mɛni ma

Ŋulei Deeƃé è dòo a tãi è pù la ǹóŋ Asaloŋ yêei

¹ Óo ńâŋ Yâwɛɛ, ŋ́gbɔara-ƃelai tâmaai! Diai dí tɔɔ̂i ḿâi dítâmaai!

² Da kɛ̂ lônoi é pîlaŋ ḿâ dîyɛɛi, “Ɣâla fé pâi kpɔnîi mà.”

³ Kɛ́lɛ yá, óo Yâwɛɛ mɛni kpɔ̂lu da a kɛ̀ pâi lâai ḿâ, yá ƃa tɔ̀ɔ berei. Yá ƃa gɛ̀ ńyee kɛ́ tɛ̀ɛ ŋ́gbɔara-ƃelai dîa, íkɛ ńii kùla.

⁴ Ŋá wɔ̀lɔ Yâwɛɛ ma. È lɛ̀ɛ ŋɔyée maa waai ma é ŋ́oo su tòo.

⁵ Ŋà làa ŋá nyìi, ɣele a ƃɔ̀, ŋa ŋ́ɛi lá ƃò ŋa ḿû sîɣe ŋɔ́nɔ, kpɛ́ni fêi, Yâwɛɛ a ḿɛi kâai.

⁶ Núu wála puu (10,000) tɔɔ̂i mâ. Kɛ́lɛ berei máŋ dítinaŋɔɔ̂i la ḿâi, yao tɔnɔ kpîŋ fé ŋ́gɔ̂lɔi.

⁷ Óo Ŋáɣâlai Yâwɛɛ, pá, pá í ŋ́uŋ ma ƃó, kpɛ́ni fêi, yâa ŋákpɔara-ƃelai kélee kula maa kɛ́, wála-wala fé ŋɔ́nɔ da yêei.

⁸ Yâwɛɛ ƃé núu ŋuŋ ma ƃó wala-wala káa ǹyêei. Tɔɔ Ɣâla é lûwa láa ŋɔnûai dîa.