Mąątɛ̨nɛ̨ 149 - Bible

Laa maa tɛ̂ wule

¹ Ka Yâwɛɛ láa maa tɛ́. Ka wule nîna too Yâwɛɛ ma. Káai ká ǹaa-laa-ƃelai, kà gɔ̀yɛŋ kákîe ma, ka ǹáa maa tɛ́.

² Tɔɔ Eezuɛ é lii-nɛ̃ɛ kula ŋɔkpɛtɛ-nuui mɛ̂ni ma. Tɔɔ Zãiyɔŋ ǹônii dí lii-nɛ̃ɛ kula Díkâloŋ mɛni ma.

³ Ka ǹáa maa tɛ́ kámãla-pere su. Ka ǹáa maa tɛ́ a gbùŋ-gbuŋ da kɔnîŋ woo-ŋa.

⁴ Yâwɛɛ ŋɔnûai maa mɛ̂ni kpanaŋɔɔ̂i ma. A gɛ̀ diai dí maa yeŋɔ̂ɔi, dí díkpɔara-ƃelai yée mɛi ɣále.

⁵ Káai a ǹaa-laa-ƃelai, ka ǹáa maa tɛ́ ŋɔfólo-laai mɛ̂ni ma. Ka wule tóo ma a koi-nɛ̃ɛ pere é síɣe ɣele-wûlii ma é tóo ɣele-wâla ma.

⁶ Ka laa maa tɛ̂ wule-ŋa too ma ɣelêi pere. Ka káƃoa sɔ̂kpɔ-ŋai síɣe

⁷ ká ǹɔii ŋuŋ-ŋai yée mɛi ɣále ká díkula maa kɛ́,

⁸ ká díkâloŋ-ŋai da dínûa láa túɛ-ƃelai tóo yɔlɛ-ŋa ŋá.

⁹ Ká ǹɔii ŋuŋ-ŋai kula maa kɛ́ yɛ̂ɛ berei Ɣâla è m̀o lai. Káai a ǹaa-laa-ƃelai, ŋ̀uŋ ma ƃôi ŋí káa kámɛni ma. Ka Yâwɛɛ láa maa tɛ́!