Mąątɛ̨nɛ̨ 122 - Bible

Ŋule-too nuui è m̀o ǹyɛɛ Zerusâlɛŋ kɛ̂tɛi

Deeƃé ŋɔwulei

¹ Ńii è kɛ̀ nɛ̃ɛ̂i a tãi dí kɛ̀ la ḿâ, “Kú lí Yâwɛɛ ŋɔpɛ́rɛi mui.”

² Ńyaŋ kúkaa nâa tɔɔ̂i ƃɛ́, Zerusâlɛŋ ŋɔsiɣãŋ su.

³ Zerusâlɛŋ káa a taa-lee nyii dí dɔ̀ɔ, a gbanaŋɔɔ, zu-ƃela wóo kɛ́ ƃò gîe ma.

⁴ Ƃɛ́ ƃé ǹúu-suu-ŋai da pâ naa, Eezuɛ nuu-suu ŋai, a gɛɛ dísɛɣɛi-fêi tɛɛ Yâwɛɛ pɔ́, yɛ̂ɛ berei è m̀o lai.

⁵ Ƃɛ́ ŋí ƃé Eezuɛ kaloŋ-ŋai, da sêe naa díkɛ dínûai dímɛnii ŋá tèe.

⁶ Ɣâla fɛli a gɛɛ Ɣâla é lii-see kɛ́ Zerusâlɛŋ ƃelai dîa. “Tɔɔ diai íwɛli-nii dí ƃûu ƃò.

⁷ Tɔɔ lii-see é kɛ́ ísiɣãŋ su, íkâloŋ-pɛrɛi mu kɛ́ ƃò a núu maa kɔ̃ɔ kwaa ma.”

⁸ Ŋ́gaayɔɔ-ŋai da ǹâoi-ni mɛni ma, ŋa m̀ôi Zerusâlɛŋ ma, “Lii-see é kɛ́ yâ.”

⁹ Ŋa Ɣâla fɛlîi a gɛ̂ɛ Zerusâlɛŋ é ƃûu ƃó Kúɣâlai Yâwɛɛ ŋɔpɛ́rɛi sârai.