Mąątɛ̨nɛ̨ 120 - Bible

Ŋule-too nuui è Yâwɛɛ fɛli a gɛɛ é kpɔŋ mâ tɛɛ bɔ́

Ɣâla fɛli wule

¹ Tãi ŋa kɛ̀ la mɛni kpɔ̂lu sui, ŋá Yâwɛɛ fɛ̀li, ǹyaŋ è ŋ́oo su tòo.

² Óo Yâwɛɛ, ŋuŋ ma ƃó, í ŋ́gula lɛ́ɛ-ƃela da núu-pɛlɛ ƃela yêei.

³ Káai a lɛ́ɛ-ƃelai, lé ƃé Ɣâla a pâi gɛ̂i a káa? A pâi ká kula maa kɛ́ pere kɛ̂i léŋ?

⁴ A pâi ká kula maa kɛ̂i a kɔkuluƃa-ŋa dísɔla ŋáseniɛɛ, a ŋɔŋ-teɣã kpɔlu.

⁵ Núu kɛ́ɛ ká sama nyɔ̂mɔi nɔ́ yɛ̂ɛ núu a kɛ̀ Misɛ, kpaa máŋ yɛ̂ɛ núu a kɛ̀ Kedɛ.

⁶ Ŋà tãi su kôyaa kɛ́ diai dífe lii-see wɛ́li níi dísama.

⁷ Tãi ŋà kɛ̀ lônoi la é pîlaŋ lii-see mai, da kɛ̂ nɔ́ lônoi é pîlaŋ kɔ́ ma.