Mąątɛ̨nɛ̨ 1 - Bible

Gɔlɔ-kpuai maa-ŋuŋ (1:1--41:13) Tɔ̃yâ lii-nɛ̃ɛ

¹ Lûwa káa diai dîa dífa díwoli tɔ̀ɔ núu ŋ̀wana-lɔ̂ɔ-ƃelai dília-woo mai, kpaa máŋ dí dítûa-pere maa kɔ́ri, kpaa máŋ dí pîlaŋ diai pôlu dífe kpáaŋ ní Ɣâla mɛni mai.

² Kɛ́lɛ dí Yâwɛɛ ŋɔtɔ̂ŋ wɛ́lini, díkɛ m̀aa kɔ̂ri a kpíni da fólo.

³ Díkaa yɛ̂ɛ sí-sãa nyii-ŋai dísiɣɛ̂i yá kɔlɛi. Da kpɛ̂tɛ díkɛ ƃà tãi ma. Dílaa fa wɔ́lɔ kpàla dîa. Díkɛ mɛni kélee ŋ̀aa-see a kɛɛ̂ a ǹɛ́lɛɛ díyêei.

⁴ Kɛ́lɛ ŋ̀wana-lɔ̂ɔ-ƃelai dífe yɛ̂ɛ dia a dɔnɔ kpîŋ. Díkaa nɔ́ yɛ̂ɛ kala kpâla nyii fãa a ǹokwa nɔ́ é tɛ́ɛ lai.

⁵ Ɣâla a pâi ŋ̀wana-lɔ̂ɔ-ƃelai kula maa kɛ̂i. Vé pâi fâai ma díta é lɛ́ɛ ŋɔnûai sáma.

⁶ Yâwɛɛ ƃa dɔ̃yâ-ƃelai téniŋ tɔ̀ɔ gɛ́ dímaa kɔ̃ɔ. Kɛ́lɛ a ŋ̀wana-lɔ̂ɔ-ƃelai su-kara.