Levetekɔ 27 - Bible

Sama-sãa tɛɛ Yâwɛɛ pɔ́ maa tɔ̂ŋ-ŋai

¹ Yâwɛɛ è m̀o Mose ma ǹyɛɛi,

² “M̀ó Eezuɛ-ŋai dîa a gɛɛ da kɛ̀ ŋ̀wɛ̂lii dí núu da ŋuŋ ḿâ ƃo ńyêei nyíi dí díkono tèe a gɛɛ dí dɛ̀ɛ ḿbɔi, fɛ̂ɛ dí zɛŋ-kao-ŋai ŋí kpɛɛ a ŋ̀aa-see kɛ́i. Díwuyɛ é kɛ́

^3-7 yɛ̂ɛ berei gwaa maa waai ma ŋɔsɛŋ kɔɔ̂ŋ pere káa lai. Kpakolo nyíi ŋɔkóraŋ káa é síɣe kóraŋ buu feerɛ ma é tóo kóraŋ buu lɔ́ɔlu mɛi da mai, káne kpua-kpua buu lɔ́ɔlu, nɛnî kɛ́tɛ, káne kpua-kpua buu saaƃa, kóraŋ lɔ́ɔlu da kóraŋ buu feerɛ loai nyaŋkpa, káne kpua-kpua puu nɛnî-kpela, káne kpua-kpua puu surɔ̂ŋ-loo nyíi ŋɔkóraŋ yeŋɔɔ̂i kóraŋ lɔ́ɔlu mu perei, káne kpua-kpua lɔ́ɔlu nɛnî-loo, káne kpua-kpua saaƃa kpakolo nyii ŋɔkóraŋ tɛɛ̂i buu lɔ́ɔlu mɛi da mai, káne kpua-kpua puu káo lɔ́ɔlu nɛnî nyii ŋɔkóraŋ tɛɛ̂i buu lɔ́ɔlu mɛi da mai, káne kpua-kpua puu

⁸ “À kɛ̀ núu da a ŋ̀wɛ̂lii é núu da ŋuŋ ma ƃó kɛ́lɛ goloɔɔi zɛŋ-kaoi maa nɛ̃ɛi é gbɛ̀ɛ ǹúui kpîŋ mɛni mai vé ǹyêei, é lí a nuui kpîŋ zâla láa soŋ nuui pɔ́. Zâla láa soŋ nuui a pâi m̀aa têei a nyii a pɔ̂ri gbɛɛ̂i.

⁹ “Núu da a fɛnɛ-sɛŋ sama-sɛŋ tɛ̀ɛ Yâwɛɛ pɔ́ nyii gáa a nuui, gɛ̀ ní zama-sɛŋ nyii kélee a dɛ̀ɛ Yâwɛɛ pɔ́i m̀aa waai.

¹⁰ Núu da a gono têe a fɛnɛ-sɛŋ a gɛɛ é dɛɛ Yâwɛɛ pɔ́ a sama-sɛŋ, vé maa fɛnɛ-sɛŋ kpîŋ maa fàleŋ. À gɛ̀ tí, veerɛŋɔ a pâi kɛ̂i a Yâwɛɛ pɔ́ɔ.

¹¹ Kɛ́lɛ núu da a fɛnɛ-sɛŋ sama-sɛŋ tɛ̀ɛ Yâwɛɛ pɔ́, Yâwɛɛ à wàla ǹyée sée mu, gɛ̀ nî zama-sɛŋ kpîŋ maa fé waa ní. Ǹúui kpîŋ é lí a ŋɔsama-sɛŋ zâla láa soŋ nuui pɔ.

¹² Zâla láa soŋ nuui a pâi m̀aa têei nɔ́ yɛ̂ɛ berei gɛ́ pere káa lai, nyaŋ zɔ̃ɔ nɔ́ ká tí a kɛ̂.

¹³ À kɛ̀ maa nuui a ŋ̀wɛ̂lii é gbîŋ sama-sɛŋ yá zâla láa soŋ nuui yêei a pɔ̂ri gɛ̂i tí, é tela zɔ̃ɔ gbua buu feerɛ ɣelei láa ŋɔ́nɔ ma.

¹⁴ “Núu da a ŋɔpɛ́rɛ tɛ̀ɛ Yâwɛɛ pɔ́ zâla láa soŋ nuui ƃa maa pɛrɛi ƃâa tèe yɛ̂ɛ berei nɔ́ bɛ́rɛi kpîŋ káa lai, nyaŋ zɔ̃ɔ nɔ́ ká tí a kɛ̂.

¹⁵ À kɛ̀ bɛ́rɛi namu a ŋ̀wɛ̂lii é gbîŋ pɛrɛi yá zâla láa soŋ nuui yêei a pɔ̂ri gɛi tí é tela zɔ̃ɔ gbua buu feerɛ ɣelei láa ŋɔ́nɔ ma.

¹⁶ “Núu da a ŋɔlɔii gbua da tɛ̀ɛ Yâwɛɛ pɔ́ a sama-sɛŋ da ǹɔii kpîŋ ƃâa tèe nɔ́ yɛ̂ɛ sí-sãa kaoi da zì mai zɔ̃ɔ. A kɛ̀ gwaai ḿâ káa a ƃɛ́i da bâle kpɔlɔ-kuu tɔnɔ si naai, zɔ̃ɔ a kɛ̀ nɔ́ a kane kpua-kpua puu.

¹⁷ À kɛ̀ è ǹɔii kɔ̀lɛ nɔ́ ŋ̀uŋ ma koraŋ tɛɛ́ pôlu ma, zɔ̃ɔi tí a lɛ̀ɛ dɔɔ̂i.

¹⁸ Ŋ̀uŋ ma ƃo koraŋ a tɛ̀ɛ naa a namu é lɛ́ɛ dɛɛ̂i, dí m̀aa tée góraŋ a lɛɛ ŋ̀uŋ ma ƃô koraŋ é lɛ́ɛ serîi ḿâ dí maa sɔ̃ɔi kúla zu.

¹⁹ À kɛ̀ ǹúui ŋɔlɔii kpuai tɛ̀ɛ a ŋ̀wɛ̂lii é ǹyá zâla láa soŋ nuui yêei a pɔ̂ri gɛ̂i tí é zɔ̃ɔ gbua buu feerɛ ɣelei láa ŋɔ́nɔ ma.

²⁰ Kɛ́lɛ, a kɛ̀ núu da kpɛni a ǹya Yâwɛɛ yêei, gɛ ni ǹúui nyii dɛ̀ɛ Yâwɛɛ pɔ́i va ŋɔnɔ pɔ̂ri ŋ̀uŋ ma ƃôi nuui ǹyâi yêei.

²¹ Kɛ́lɛ núu da a ǹɔii ŋí ŋuŋ ma ƃò ŋ̀uŋ ma ƃo koraŋ su, gɛ̀ ní a kɛ́ a Yâwɛɛ kɔ̃liŋ wɔlɔ-wɔlɔ da wɔlɔ-wɔlɔ. A pâi kɛ̂i naa zâla láa soŋ-ƃelai mɛni ma.

²² “Núu da a lɔii yâ é dɛ̀ɛ Yâwɛɛ pɔ́,

²³ zâla láa soŋ nuui a zɔ̃ɔ su sèe góraŋ ḿâ a lɛ̀ɛ ŋ̀uŋ ma ƃo koraŋ é lɛ́ɛ serîi, nyaŋ maa nuui a maa sɛŋ kpɛɛ a maa ɣelei tí. Zɛŋ-kaoi kpîŋ káa a Yâwɛɛ pɔ́ɔ.

²⁴ Diai kélee dílɔii káa nûa yêei maa-ƃelai dí dɛ́ɛ namela pɔ́ pôlu, kpaa máŋ dílônii ŋ̀uŋ ma koraŋ su.

²⁵ “Zãâi kélee sɔ̃ɔ a pâi kɛ̂i yɛ̂ɛ berei gwaa maa waai ŋɔmɛni kpɛtɛɛi káa lai.

²⁶ “Vɛnɛ-sɛŋ lonii maa-ŋuŋ-ŋai kélee káa a Yâwɛɛ pɔ́ɔ. M̀ɛni ma, núu da fé da tɛ̂ɛ bɔ́ a kili-kula sama-sɛŋ. A nɛ̃ɛ ma é kɛ́ a niŋa-loŋ, ƃála-loŋ kpaa máŋ ƃoli-loŋ gáa a Yâwɛɛ pɔ́ɔ.

²⁷ Kɛ́lɛ núu da a fɛnɛ-sɛŋ sama-sɛŋ tɛ̀ɛ Yâwɛɛ pɔ́ nyii m̀aa fé waa níi maa nuui a vɛnɛ-sɛŋ kpîŋ ya Yâwɛɛ yêei a zɔ̃ɔi da m̀âa tèe lai é tela zɔ̃ɔ gbua buu feerɛ ɣelei láa ma ŋɔ́nɔ. À wàla ǹyá da gɔ̀lɛ núu da kpɛni ma yɛ̂ɛ berei gwaa maa waai ŋɔtɔ̂ŋ káa lai.

²⁸ “Sɛŋ núu a dɛ̀ɛ Yâwɛɛ pɔ́ é kula ǹíi sui núu da fé gɔlɛ kpaa máŋ é ǹyá pôlu kpaa é tíi da kɛ́ la. Maa sama-sɛŋ káa a Yâwɛɛ pɔ́ɔ. Zama-sɛŋ sii-ŋi maa waai. À nɛ̃ɛ ma é kɛ́ a núu-kpune, fɛnɛ-sɛŋ, kpaa máŋ lɔii.

²⁹ A nɛ̃ɛ ma kpîŋ é kɛ́ a núu-kpune, da dɛ̀ɛ Yâwɛɛ pɔ́ nyii ǹúui dɛɛi è kùla ǹíi su, dífa pɔ̂ri m̀aa-teei, fɛ̂ɛ dí maa nuui tí páa.

³⁰ “Sɛŋ kélee ka zɔlɔ ƃô ǹɔii kponoi, mii-sãa kpaa máŋ m̀á, buu ɣelei káa a Yâwɛɛ pɔ́ɔ.

³¹ Núu da a kɛ̀ ŋ̀wɛ̂lii é ŋ̀ɔi ŋuŋ ḿâ ƃó, fɛ̂ɛ é zɛŋ-kaoi kpɛ́ɛ da m̀âa tèe la m̀ɛni mai é tela zɔ̃ɔ gbua buu feerɛ ɣelei láa ma ŋɔ́nɔ.

³² Taa-tulɛ kélee buu ɣelei káa a Yâwɛɛ pɔ́ɔ. Yà kɛ̀ ítaa-tulɛ-ŋai lônoi, buu ɣelei káa a Yâwɛɛ pɔ́ɔ.

³³ Taa-tulɛ namu da fé ŋɔtaa-tulɛ-ŋai su ɣɛ̂ɛ é gɔ̃liŋɔɔ-ŋai kɛ́ a buu ɣelei. Núu da fé ŋɔtaa-tulɛi buu ɣelei maa fàleŋ a da kpɛni. À gɛ̀ tí veerɛŋɔ káa pâi kɛ̂i a Yâwɛɛ pɔ́ɔ. Vé tela ŋuŋ ma ƃò.”

³⁴ Dɔ̂ŋ-ŋai ká ŋí Yâwɛɛ è dɛ̀ɛ Mose pɔ́ Sana Yeei ḿâ Eezuɛ-ŋai mɛni ma.