Ɛsdrasə 2 - Bible

Diai kùla gɔ-soŋ-laai sui dílaa ká ŋí

¹ Gɔ-soŋ-ƃelai dámaa ɣele dí kùla Babelɔŋ lɔii kpiniŋ su, dí lene pôlu dítaa-lee-ŋai su. Da-ŋa díkɛ̀ a Zerusâlɛŋ-taa-leei su-ƃela, da-ŋa dí ƃò a Zuda lɔii su-ƃela. Gâloŋ Nɛbukinaza è wɔ́lɔ ǹûai ŋí díkaa-ƃelai sòŋ kɔ́ su é lí a dia Babelɔŋ díkɛ ƃò naa ǹyêei a luɛ-ŋa. Dí kɛ̀ ǹaa ǹyêei kóraŋ támaa yée mu.

² Dílaa túɛ-ƃelai láa ƃe kɛ̀ a Zɛrubabɛɛ, Zasua, Niɛmaya, Seraya, Lelaya, Mɔdikai, Bisaŋ, Misipa, Bivai, Leuŋ da Baana. Eezuɛ pɛrɛ-ŋai láa túɛ-ƃelai láa ká ŋí da diai kɛ̀ naai dí kɔni:

³ Parosi ŋɔpɛ́rɛi mu-ƃelai dí kɛ̀ a núu wála feerɛ pôlu ŋuŋ tɔnɔ pôlu buu lɔ́ɔlu mɛi feerɛ kao feerɛ (2,172).

⁴ Safatiya ŋɔpɛ́rɛi mu-ƃelai dí kɛ̀ a núu ŋuŋ saaƃa pôlu buu lɔ́ɔlu mɛi feerɛ kao feerɛ (372).

⁵ Ara ŋɔpɛ́rɛi mu-ƃelai dí kɛ̀ a núu ŋuŋ lɔ́ɔlu mɛi feerɛ pôlu buu lɔ́ɔlu mɛi feerɛ kao lɔ́ɔlu (775).

⁶ Paa-moa ŋɔpɛ́rɛi mu-ƃelai dí kɛ̀ a núu wála feerɛ pôlu buu lɔ́ɔlu mɛi saaƃa pôlu puu kao feerɛ (2,812). Ǹûai ŋí díkùla Zasua da Zoa nuu-suui su.

⁷ Elaŋ ŋɔpɛ́rɛi mu-ƃelai dí kɛ̀ a núu wála tɔnɔ pôlu ŋuŋ feerɛ pôlu buu lɔ́ɔlu kao náaŋ (1,254).

⁸ Zatu ŋɔpɛ́rɛi mu-ƃelai dí kɛ̀ a núu ŋuŋ lɔ́ɔlu mɛi náaŋ pôlu buu náaŋ kao lɔ́ɔlu (945).

⁹ Zakai ŋɔpɛ́rɛi mu-ƃelai dí kɛ̀ a núu ŋuŋ lɔ́ɔlu mɛi feerɛ pôlu buu lɔ́ɔlu mɛi da (760).

¹⁰ Bani ŋɔpɛ́rɛi mu-ƃelai dí kɛ̀ a núu ŋuŋ lɔ́ɔlu mɛi da pôlu buu náaŋ kao feerɛ (642).

¹¹ Bebai ŋɔpɛ́rɛi mu-ƃelai dí kɛ̀ a núu ŋuŋ lɔ́ɔlu mɛi da pôlu buu feerɛ kao saaƃa (623).

¹² Aga ŋɔpɛ́rɛi mu-ƃelai dí kɛ̀ a núu wála tɔnɔ pôlu ŋuŋ feerɛ pôlu buu feerɛ kao feerɛ (1,222).

¹³ Adonikaŋ ŋɔpɛ́rɛi mu-ƃelai dí kɛ̀ a núu ŋuŋ lɔ́ɔlu mɛi da pôlu buu lɔ́ɔlu mɛi da kao lɔ́ɔlu mɛi da (666).

¹⁴ Bivai ŋɔpɛ́rɛi mu-ƃelai dí kɛ̀ a núu wála feerɛ pôlu buu lɔ́ɔlu kao lɔ́ɔlu mɛi da (2,056).

¹⁵ Adiŋ ŋɔpɛ́rɛi mu-ƃelai dí kɛ̀ a núu ŋuŋ náaŋ pôlu buu lɔɔli kao náaŋ (454).

¹⁶ Atɛ ŋɔpɛ́rɛi mu-ƃelai dí kɛ̀ a núu buu lɔ́ɔlu mɛi náaŋ kao lɔ́ɔlu mɛi saaƃa (da dòli máŋ a Ɛsekaya).

¹⁷ Besai ŋɔpɛ́rɛi mu-ƃelai dí kɛ̀ a núu ŋuŋ saaƃa pôlu buu feerɛ kao saaƃa (323).

¹⁸ Zora ŋɔpɛ́rɛi mu-ƃelai dí kɛ̀ a núu ŋuŋ tɔnɔ pôlu puu kao feerɛ (112).

¹⁹ Asuŋ ŋɔpɛ́rɛi mu-ƃelai dí kɛ̀ a núu ŋuŋ feerɛ pôlu buu feerɛ kao saaƃa (223).

²⁰ Giba ŋɔpɛ́rɛi mu-ƃelai dí kɛ̀ a núu buu lɔ́ɔlu mɛi náaŋ kao lɔ́ɔlu.

²¹ Ǹûai ŋí dínuu pɔlɔ-ŋai dí wɔ́lɔ kɛ̀ daa-ŋai ŋí sui, dia máŋ dí lène pôlu. Bɛpeleɣɛ̃ɛ taai su-ƃelai dí kɛ̀ a núu ŋuŋ tɔnɔ pôlu buu feerɛ kao saaƃa (123).

²² Nɛtofa taai su-ƃelai dí kɛ̀ a núu buu lɔ́ɔlu kao lɔ́ɔlu mɛi da.

²³ Anatɔ taai su-ƃelai dí kɛ̀ a núu ŋuŋ tɔnɔ pôlu buu feerɛ kao lɔ́ɔlu mɛi saaƃa (128).

²⁴ Azimave taai su-ƃelai dí kɛ̀ a núu buu náaŋ kao feerɛ.

²⁵ Kiria-Zeriŋ, Sefera da Beroo taa-ŋai su-ƃelai dí kɛ̀ a núu ŋuŋ lɔ́ɔlu mɛi feerɛ pôlu buu náaŋ kao saaƃa (743).

²⁶ Lama da Geba taa-ŋai su-ƃeial dí kɛ̀ a núu ŋuŋ lɔ́ɔlu mɛi da pôlu buu feerɛ kao tɔnɔ (621).

²⁷ Mikima ŋɔpɛ́rɛi mu-ƃelai dí kɛ̀ a núu ŋuŋ tɔnɔ pôlu buu feerɛ kao feerɛ (122).

²⁸ Bɛtɛ da Eea taa-ŋai su-ƃelai dí kɛ̀ a núu ŋuŋ feerɛ pôlu buu feerɛ kao saaƃa (223).

²⁹ Nebo taai su-ƃelai dí kɛ̀ a núu buu lɔ́ɔlu kao feerɛ.

³⁰ Maabi ŋɔpɛ́rɛi mu-ƃelai dí kɛ̀ a núu ŋuŋ tɔnɔ pôlu buu lɔ́ɔlu kao lɔ́ɔlu mɛi da (156).

³¹ Elaŋ taai su-ƃelai dí kɛ̀ a núu wála tɔnɔ pôlu ŋuŋ feerɛ pôlu buu lɔ́ɔlu kao náaŋ (1,254).

³² Ariŋ taai su-ƃelai dí kɛ̀ a núu ŋuŋ saaƃa pôlu buu feerɛ (320).

³³ Lo, Adi da Ono taa-ŋai su-ƃelai dí kɛ̀ a núu ŋuŋ lɔ́ɔlu mɛi feerɛ pôlu buu feerɛ kao lɔ́ɔlu (725).

³⁴ Zɛleko taai su-ƃelai dí kɛ̀ a núu ŋuŋ saaƃa pôlu buu náaŋ kao lɔ́ɔlu (345).

³⁵ Senaa taai su-ƃelai dí kɛ̀ a núu wála saaƃa pôlu ŋuŋ lɔ́ɔlu mɛi da pôlu buu saaƃa (3,630).

³⁶ Zâla lá-soŋ nuu-kpului su-ƃelai kùla gɔ́-soŋ laai su dí lène pôlu dílɔii kpîniŋ-ŋai sui, díláa ká ŋí da dípɛrɛi mu-ƃelai. Zidaya ŋɔpɛ́rɛi mu-ƃelai dí kɛ̀ a núu ŋuŋ lɔ́ɔlu mɛi náaŋ pôlu buu lɔ́ɔlu mɛi feerɛ kao saaƃa (973). Ǹûai ŋí dí kɛ̀ a Zasua ŋɔsuui su-ƃela.

³⁷ Imɛɛ ŋɔpɛ́rɛi mu-ƃelai dí kɛ̀ a núu wála tɔnɔ pôlu buu lɔ́ɔlu kao feerɛ (1,052).

³⁸ Pasu ŋɔpɛ́rɛi mu-ƃelai dí kɛ̀ a núu wála tɔnɔ pôlu ŋuŋ feerɛ pôlu buu náaŋ kao lɔ́ɔlu mɛi feerɛ (1,247).

³⁹ Ariŋ ŋɔpɛ́rɛi mu-ƃelai dí kɛ̀ a núu wála tɔnɔ pôlu puu kao lɔ́ɔlu mɛi feerɛ (1,017).

⁴⁰ Liivai ŋɔsuui su-sinaai kúla gɔ-soŋ laai su dílene pôlui: Zasua da Kamiɛ dípɛrɛi mu-ƃelai dí kɛ̀ a núu buu lɔ́ɔlu mɛi feerɛ kao náaŋ. Dí kùla Odavia ŋɔsuui su.

⁴¹ Ŋ̀âla-pɛrɛ-kɛ́tɛi mu wule too-ƃelai dípɛrɛi mu-ƃelai dí kɛ̀ a núu ŋuŋ tɔnɔ pôlu buu feerɛ kao lɔ́ɔlu mɛi saaƃa (128). Dí kùla Asafa ŋɔsuui su.

⁴² Ŋ̀âla-pɛrɛ Kɛ́tɛi mɛi káa-ƃelai dípɛrɛi mu-ƃelai dí kɛ̀ a núu ŋuŋ tɔnɔ pôlu buu saaƃa kao lɔ́ɔlu mɛi náaŋ (139). Dí kúla Saaloŋ, Atɛ, Taamɔŋ, Aku, Atita da Soƃa-ni dísuui-su.

⁴³ Ŋ̀âla-pɛrɛ Kɛ́tɛi mu tii kɛ́-ƃelai kúla gɔ́-soŋ laai su dí lène pôlui, dí mɛi-ƃelai láa ká ŋí: Ziɣa, Asufa, Tabao,

⁴⁴ Kɛrɔ, Sia, Padɔŋ

⁴⁵ Lebana, Akɔ, Aku,

⁴⁶ Aga, Saŋlai, Anaŋ

⁴⁷ Gidɛɛ, Gaɣa, Leaya,

⁴⁸ Leziŋ, Nikoda, Gazaŋ,

⁴⁹ Uza, Pasia, Besai,

⁵⁰ Asina, Meuniŋ, Nɛfisiŋ

⁵¹ Baƃu, Akufa, Aaɔ,

⁵² Bazulu, Meida, Aasa,

⁵³ Bako, Sisera, Tema,

⁵⁴ Nɛzia, da Atifa.

⁵⁵ Gâloŋ Saloma ŋɔtíi kɛ́-ƃelai kúla gɔ́-soŋ laai su dí lène pôlui, dí láa túɛ-ƃelai láa ká ŋí: Sotai, Asofɛrɛ, Pɛruda,

⁵⁶ Zaala, Dakoŋ, Gidɛɛ,

⁵⁷ Sɛfatia, Atii, Pokɛrɛ-azɛbiŋ, da Amii.

⁵⁸ Ŋ̀âla-pɛrɛ Kɛ́tɛi mu tii kɛ́-ƃelai da Gâloŋ Saloma ŋɔtíi kɛ́-ƃelai dísuui su-ƃelai díkelee dí kùla gɔ́-soŋ laai su dí lène pôlu. Dí kɛ̀ a núu ŋuŋ saaƃa pôlu buu lɔ́ɔlu mɛi náaŋ kao feerɛ (392).

^59-60 Núu ŋuŋ lɔ́ɔlu mɛi da pôlu buu lɔ́ɔlu kao feerɛ (652) díkula gɔ́-soŋ laai su dí lène pôlu Eezuɛ. Kɛ́lɛ dífe pɔ̂ri-ni ǹɛ̂i a gɛɛ dínûai díkɛ̀ a Eezuɛ-ƃela. Dí kùla Dilaila, Tobai, da Nikoda nuu-suui su. Dí kɛ̀ Tɛɛ-mela, Tɛɛ-asa, Seru, Adaŋ, da Imɛɛ taa lee-ŋai su kɔ-soŋ-ŋai laa su.

^61-62 Kili-ŋa pôno da fé kɛ-ni naa é pîlaŋ ǹúu-suui ma zâla lá soŋ-nuu kpului ŋí è kùla zui. Ǹúu suui ŋí ƃa: Abaya, Akɔsi, da Bazila. Kɛ́lɛ Bazila sala láa-soŋ nuu-kpului è kùla Bazila ŋɔsuui su. Bazila è nɛnî kùla Bazila kpiniŋ su Gilia lɔii su. È ŋɔnɛnîi ǹâŋ ŋɔnúu suui láa sèe ǹyaa kpîŋ ma. Tãi nɔ́ kili-ŋa pôno da fé kɛ́ ní naa é pîlaŋ la ǹúu-suui ŋí mai, dí gùla zu. Dífe díyee see ní dímu a gɛɛ dí kɛ́ a sâla lá soŋ-ƃela.

⁶³ Zuda-ŋai dílɔii láa túɛ-nuui fé fáa ní ma a gɛɛ m̀ii-sãai da gùla Ɣâla ma a sâlai, ǹûai ŋí dí da mii. É lɛ́ɛ pâi kɛ̂i tí, fɛ̂ɛ sâla láa sóŋ-nuu kpîŋ é Uliŋ da Tumiŋ tóo é gáa à kɛ̀ maa nɛ̃ɛi é kɛ́ tí.

⁶⁴ Diai kélee kùla gɔ́-soŋ laai su dí lène pôlui, dí kɛ̀ a núu wála buu náaŋ kao feerɛ pôlu ŋuŋ saaƃa pôlu buu lɔ́ɔlu mɛi da (42,360).

⁶⁵ Dítii kɛ́-nɛyãai da zinâai dí kɛ̀ a núu wála lɔ́ɔlu mɛi feerɛ pôlu ŋuŋ saaƃa pôlu buu saaƃa kao lɔ́ɔlu mɛi feerɛ (7,337). Díwule too sinaai da ǹɛyâai díkɛ̀ a núu ŋuŋ feerɛ (200).

⁶⁶ Daa tûlɛ-ŋai dí pà a dia pôlui, dia ká ŋí: Soo ŋuŋ lɔ́ɔlu mɛi feerɛ pôlu buu saaƃ kao lɔ́ɔlu mɛi da (736), soo ƃóloŋ-maa ŋuŋ feerɛ pôlu buu náaŋ kao lɔ́ɔlu (245),

⁶⁷ soo-fáleŋ ŋuŋ náaŋ pôlu buu saaƃa kao lɔ́ɔlu (435), da wɛlɛ-sôo wála lɔ́ɔlu mɛi da pôlu buu lɔ́ɔlu mɛi feerɛ pôlu buu feerɛ (6,720).

⁶⁸ Tãi gɔ́ soŋ-ƃelai dí lène la pôlui, dí pà Yâwɛɛ ŋɔpɛ́rɛ kɛ́tɛi lá Zerusâlɛŋ. Dílaa túɛ-ƃelai da-ŋa dílii kûla sàma sãa tɛ̀ɛ a gɛɛ dí bɛ́rɛ kɛ́tɛi ŋí tɔ́ɔ là pôlu maa kala-kpoloŋ-pɔlɔi ŋá.

⁶⁹ Zɛŋ kélee díyee è pɔ̀ri ma bɛ́rɛ kɛ́tɛi ŋí tɔɔ mɛ̂ni mai, dí dɛ̀ɛ. Zãâi dí dɛ̀ɛi ƃé kɛ̀ a gôo pãŋ wála tɔnɔ pôlu ŋuŋ tɔnɔ (1,100), káne pãŋ wála lɔ́ɔlu mɛi da pôlu ŋuŋ feerɛ (6,200), da zâla láa soŋ-ƃelai maa yôkpo ŋuŋ tɔnɔ (100).

⁷⁰ Eezuɛ-ƃelai kélee kɛ̀ gɔ́-soŋ laai sui dílônii dí lène pôlu Eezuɛ. Dí lì dísee dítaa-ŋai su tɛi-tɛi. Diai kɛ̀ gɔ́-soŋ laai sui, da-ŋa ƃa: Zâla lá-soŋ-ƃelai, Liiva-ŋai, Ŋ̀âla-pɛrɛ Kɛ́tɛi ŋɔwule-too-ƃelai, Ŋ̀âla-pɛrɛ Kɛ́tɛi mɛi káa-ƃelai, da Ŋ̀âla-pɛrɛ Kɛ́tɛi mu tii kɛ́-ƃelai.