Kɔlɔnikɔ Maa-ŋuŋ 2 - Bible

Zuda ǹônii-sinaai

¹ Eezuɛ ǹônii-sinaai láa ƃa: Lubiŋ, Simiɔŋ, Liiva, Zuda, Isaka, Zɛbulɔŋ,

² Daŋ, Zosɛ, Bɛŋsima, Nɛfɛtɛli, Gâa da Asɛ.

³ Zuda ǹônii-sinaai ƃé kɛ̀ a: Ɛɛ, Onaŋ da Sila. Dílee è kɛ̀ a Keena nɛni. Ǹáa ƃé kɛ̀ a Basua. Ɛɛ ƃé kɛ̀ a Zuda ǹóŋ-surɔŋ maa ŋuŋ. È kɛ̀ a ŋwana-lɔ̂ɔ nuu. M̀ɛnii ŋí ƃé gɛ̀ Yâawɛ é ǹíi ŋwána ma é bàa.

⁴ Tama è kɛ̀ a Zuda ǹóŋ ŋɔnɛnî. Da ǹyaa dí Pɛrezi da Zera maa sɔlɔ ƃô. Zuda ǹônii-sinaai dí kɛ̀ lɔ́ɔlu.

⁵ Pɛrezi ǹônii-sinaai ƃé kɛ̀ a: Ɛzilɔŋ da Amuɛ.

⁶ Zera ǹônii-sinaai dí kɛ̀ lɔ́ɔlu: Ziŋri, Itaŋ, Ɛmaŋ, Kaako da Dara.

⁷ Kaami ǹóŋ-surɔŋ ƃé kɛ̀ a: Aka. Aka ŋí è wɔ́lɔ pà a mɛni kpɔ̂lu Eezuɛ ma. È wɔ́lɔ dɔ̂ŋ kara. Ǹyaa ƃa zãa maa waai kɛ̀ Ɣâla mɛni mai è dísiɣe.

⁸ Itaŋ ǹóŋ-surɔŋ ƃé wɔ́lɔ kɛ̀ a: Azaria.

Gâloŋ Deeƃé ŋɔsuui

⁹ Ɛzilɔŋ ǹônii-sinaai ƃé kɛ̀ a: Zɛramiɛɛ, Laŋ da Kelubai.

¹⁰ Laŋ ƃé kɛ̀ a Aminada ǹâŋ, Aminada ǹyaŋ gɛ́ ƃò a Nasɔŋ ǹâŋ. Ǹyaa ƃé kɛ̀ a Zuda-ƃelai láa-tuɛ-nuui.

¹¹ Nasɔŋ ƃé kɛ̀ a Saama ǹâŋ, Saama ǹyaŋ kɛ́ ƃò a Boasi ǹâŋ.

¹² Boasi ƃé kɛ̀ a Obɛɛ ǹâŋ, Obɛɛ ǹyaŋ kɛ́ ƃò a Zɛse ǹâŋ.

¹³ Zɛse ǹóŋ duɛ-tuɛi ƃé kɛ̀ a Ilia. Ilia ǹeɣê ni ƃé kɛ̀ a Abinada da Simea,

¹⁴ Nataniɛ, Ladai,

¹⁵ Ozeŋ da Deeƃé.

¹⁶ Dísaaƃɔlɔ-ni láa ƃé kɛ̀ a Zerua da Aƃigee. Zerua ǹônii-sinaai díkɛ̀ saaƃa. Dílaa ƃé kɛ̀ a Abisai, Zoa da Asaɛ.

¹⁷ Zɛta è Aƃigee kùla a nɛnî da ǹyaa dí lóŋ-surɔŋ maa sɔlɔ ƃó dí ǹáa sée a Amasa. Zɛta é kɛ̀ a Isimai ŋɔsuui su nuui da.

Ɛzilɔŋ ŋɔsuui

¹⁸ Ɛzilɔŋ ǹóŋ Kelɛ è Azuba kùla a nɛnî da ǹyaa dí nîa-pɛlɛɛ támaa maa sɔlɔ ƃó. Da Zeriɔ máŋ dí nîa-pɛlɛɛ maa sɔlɔ ƃò. Kelɛ da Azuba dílônii-sinaai láa ƃé kɛ̀ a Zɛsɛ, Soba da Aadɔŋ.

¹⁹ Azuba kɛ́ɛ a saai, Kelɛ è Ifira kùla a nɛnî da ǹyaa dí Uɔɔ maa sɔlɔ ƃó.

²⁰ Uɔɔ è Uri maa-sɔlɔ ƃô, Uri ǹyaŋ é Bezaleɛ maa sɔlɔ ƃó.

²¹ Ezilɔŋ kɛ́ɛ a kóraŋ buu lɔ́ɔlu mɛi dai, è Makiɛ ǹóŋ-nɛnîi kùla a ŋɔnɛnî. Ǹɛnîi ŋí è kɛ̀ a Gilia zaaƃɔlɔ. Ɛzilɔŋ da ǹyaa dí lóŋ-surɔŋ maa sɔlɔ ƃò dí ǹáa sée a Segu.

²² Segu ǹóŋ-surɔŋ láa ƃé kɛ̀ a Zaa. Zaa è kɛ̀ taa-lêe buu feerɛ káo saaƃa mɛi Gilia lɔii-kpiniŋ su.

²³ Kɛ́lɛ, Gesɔ da Araŋ kaloŋ-ŋai dí pà dí Avoo-zaa da Kena é pɛ́lɛ naa kɔlɛ ma taa-ŋai buu lɔ́ɔlu mɛi-da síɣe da kpanaŋ-ŋai. Ǹûai kɛ́ gwaai ŋí mai díkelee díkɛ̀ a Makiɛ nyíi kɛ̀ a Gilia ǹâŋ ŋɔsuui su-ƃelai dai.

²⁴ Ɛzilɔŋ kɛ́ɛ a saai, ǹóŋ Kelɛ ŋɔpɔɔ-nɛnii Ɛfata kùla a nɛnî. Da ǹyaa dí lóŋ-surɔŋ tɔnɔ maa sɔlɔ ƃò dí ǹáa sée a Asɔɔ. Asɔɔ è taa tɔ̀ɔ é ǹáa sée a Tekoa.

Zɛramiɛ ŋɔsuui

²⁵ Diai kɛ̀ a Ɛzilɔŋ ǹóŋ maa-ŋuŋ Zɛramiɛ ǹônii-sinaai dia ƃa: Laŋ, Buna, Oleŋ, Ozeŋ da Aiza.

²⁶ Zɛramiɛ nɛnî kpɛ́ni kùla da Ǹáa ƃé kɛ̀ a Atara. Da ǹyaa ƃé Onaŋ maa sɔlɔ ƃò.

²⁷ Zɛramiɛ ǹóŋ maa-ŋuŋ Laŋ ǹônii-sinaai ƃé kɛ̀ a: Mazi, Zamiŋ da Ikɛ.

²⁸ Onaŋ ǹônii-sinaai díkɛ̀ feerɛ: Samai da Zada. Samai ǹônii-sinaai ƃé kɛ̀ a: Nada da Abisuɔ.

²⁹ Abisuɔ ŋɔnɛnîi láa ƃé kɛ̀ a Abiai. Da ǹyaa dílônii ƃé kɛ̀ a Abaŋ da Moli.

³⁰ Nada ǹônii-sinaai ƃé kɛ̀ a: Selɛ da Apai. Kɛ́lɛ Selɛ fé núu-kpune da maa sɔlɔ ƃó ní gɛ́ sàa.

³¹ Apai ǹóŋ-surɔŋ ƃé kɛ̀ a: Isi. Isi ƃé kɛ̀ a Sisaŋ ǹâŋ. Sisaŋ ǹóŋ-surɔŋ ƃé kɛ̀ a Alai.

³² Samai ǹêɣe Zada ǹônii-sinaai ƃé kɛ̀ a: Zɛtɛ da Zonetaŋ. Zɛtɛ fé núu-kpune da maa sɔlɔ ƃó ní gɛ sàa.

³³ Zonetaŋ ǹônii-sinaai ƃé kɛ̀ a: Pelɛ da Zese. Diai ŋí ƃé kɛ̀ a Zɛramiɛ ŋɔsuui su-ƃelai.

³⁴ Sisaŋ fé lóŋ-surɔŋ da maa sɔlɔ ƃó ní. Ǹônii kélee díkɛ̀ a nɛyâa. Ize-nuu tɔnɔ è kɛ̀ ǹyêei. Ǹáa ƃé kɛ̀ a Zara.

³⁵ Sisaŋ è ǹóŋ-nɛnii dɔnɔ tɛ̀ɛ Zara pɔ́ a ŋɔnɛnî. Da ǹyaa dí Atai maa sɔlɔ ƃo.

³⁶ Atai ƃé kɛ̀ a Netaŋ ǹâŋ. Netaŋ ǹóŋ láa ƃé kɛ̀ a Zada. Zada è kɛ̀

³⁷ a Ifala ǹâŋ, Ifala kɛ́ ƃò a Obɛɛ ǹâŋ. Obɛɛ

³⁸ è kɛ̀ a Zeu ǹâŋ, Zeu ǹyaŋ gɛ̀ ƃò a Azalia ǹâŋ. Azalia

³⁹ è kɛ̀ a Ɛlɛzi ǹâŋ, Ɛlɛzi kɛ́ ƃò a Ileasa ǹâŋ,

⁴⁰ Ileasa ǹyaŋ kɛ́ ƃò a Simai ǹâŋ. Simai è kɛ̀ a Saluŋ ǹâŋ,

⁴¹ Saluŋ ǹyaŋ gɛ̀ ƃò a Zekamia ǹâŋ. Zekamia è kɛ̀ máŋ a Ilasáma ǹâŋ.

Kelɛ ŋɔsuui su-ƃelai kpéli-ŋai

⁴² Kelɛ ǹîa Zɛramiɛ, ǹônii-sinaai ƃé kɛ̀ a: Kelɛ ǹóŋ maa-ŋuŋ Mesa ƃé kɛ̀ a Zifi ǹâŋ, Zifi kɛ́ ƃò a Maresa ǹâŋ. Maresa è kɛ̀ a Iburɔŋ ǹâŋ.

⁴³ Iburɔŋ ǹônii-sinaai díkɛ̀ náaŋ. Dia ƃé kɛ̀ a: Kora, Tapua, Lekɛŋ, da Sima.

⁴⁴ Sima ƃé kɛ̀ a Laaŋ ǹâŋ. Laaŋ ǹyaŋ è kɛ̀ a Zɔkeaŋ ǹâŋ. Lekɛŋ è kɛ̀ a Samai ǹâŋ.

⁴⁵ Samai ǹóŋ-surɔŋ ƃé kɛ̀ a Maoŋ. Maoŋ ǹyaŋ è kɛ̀ a Bɛ-Zuɔɔ ǹâŋ.

⁴⁶ Kelɛ da ŋɔnɛnî-loŋ Ifa dí Araŋ, Moza da Gazesi maa sɔlɔ ƃô. Araŋ ǹyaŋ è lóŋ-surɔŋ maa sɔlɔ ƃô é ǹáa sée a Gazesi.

⁴⁷ Diai ŋí ƃé kɛ̀ a Zadai ǹônii-sinaai: Legɛŋ, Zotaŋ, Gesaŋ, Pelɛi, Ifaa da Saafi.

⁴⁸ Kelɛ ŋɔnɛnî-loŋ gbéli Maakai è Sibɛ da Tɛana dímaa sɔlɔ ƃo.

⁴⁹ Naa pôlu ma, è ŋɔ́nɔ lóŋ-surɔŋ feerɛ maa sɔlɔ ƃò. Dɔnɔ láa ƃé kɛ̀ a Saafa, Ǹyaa ƃé Madimana-taai tɔɔ. Gbéli láa ƃé kɛ̀ a Siva, nyíi Maibina da Gibia taa-ŋai tɔɔi. Nyíŋi pôlu ma, Kelɛ è lóŋ-nɛnî sɔlɔ ƃô nyíi da kâa dòli a Asa.

⁵⁰ Kelɛ ŋɔkáayɔɔ-ŋai da ni ƃé kɛ̀ a Uɔɔ. Uɔɔ è kɛ̀ a Kelɛ da ŋɔnɛnîi Ɛfata dílôloŋ maa-ŋuŋ. Soƃa ƃé Kiria-Zeriŋ taai tɔ̀ɔ.

⁵¹ Kelɛ ǹóŋ veerɛ ɣelei Saama ƃé Bɛpeleɣɛ̃ɛ tɔ̀ɔ, Arefi ǹyaŋ é Bɛ-Gadɛ taai tɔ́ɔ.

⁵² Soƃa nyíi Kiria-Zeriŋ taai tɔ̂ɔi, ŋɔsuui ƃé kɛ̀ a Aroɛ-ƃelai da Manaa-ƃelai dínuu suui gbulu tɔnɔ

⁵³ da suui kɛ̀ Kiria-Zeriŋ. Dia ƃa: Ituri suui su-ƃelai, Puti suui, Sumati suui da Misari suui. Zora da Ɛsitao taa-lêe-ŋai su-ƃelai díkɛ̀ a ǹúu suui ŋí su-ƃela.

⁵⁴ Saama Bɛpeleɣɛ̃ɛ tɔɔi, ŋɔsuui su-ƃelai ƃé kɛ̀ a: Nɛtofata-ƃelai, Aturɔ Bɛ-Zoa-ƃelai, Zolai-ƃelai da Manaa-ƃelai gbulu tɔnɔ.

⁵⁵ Ǹúu suui ŋí su-ƃelai ƃé da kâa gɔlɔ-ŋai pɔ̃yɛ díkɛ dílâai kɛ̀ kwaa lɛ́lɛɛ-ŋa ma. Díseɛɛ è kɛ̀ Zabɛ taai su: Tɛra nuu suui, Simea nuu suui da Sukati nuu suui. Ǹûai ŋí ƃé kɛ̀ a Kɛŋ-ƃelai nyii-ŋai da Leka-ƃelai dí nɛnî kùla díkîe-ni dísuui sui.